7:1 er sama markahlutfall og 14:2, sjö á móti einum.

Markahlutfallið 7:1 og 14:2 er það sama, 7 á móti 1. 

Munurinn er sá að 7:1 var í undanúrslitaleik  á HM milli tveggja af bestu landsliðum heims, en 14:2 var í vináttulandsleik tveggja þjóða, sem þá voru neðarlega á heimslistanum.

Sum af mörkum Þjóðverja komu á svipaðan hátt og mörk Dana í 14:2 leiknum, þar sem allt virtist ganga upp og falla með þeim, en allt ganga á afturfótunum hjá Brössunum.  

Ef eitthvað jákvætt er að finna við mesta burst í sögu undanúrslita HM er það fólgið í því að fjarvera Neymars skipti ekki minnsta máli.

Hann hefði aldrei getað breytt neinu um markaregn Þjóðverja og því síður séð um að Brassar skoruðum sjö eða fleiri mörk.  

Öðru máli gegndi um miðvörðinn og fyrirliðann Thiago Silva, en hann gat sjálfum sér um kennt að hafa komið sér í leikbann að óþörfu. 

Hugsanlega var það hluti af ókostum þess að spila jafn fast og hörkulega og Brassarnir gerðu, en það setti blett á leik þeirra á mótinu og gerði liðið að mörgu leyti ólíkt léttleikandi og prúðum liðum þeirra á HM á fyrri tíð. Að lokum hefndi þessi harka sín í þessum leik.   

Sögulegur sigur Þýskalands

Athugasemdir

[Þorsteinn Briem, 8.7.2014 kl. 23:02]

"Ég er nú búinn að vera leigubílstjóri í fjeritíu ár og hef aldrei vedað annað eins!"

[Grímur (IP-tala skráð) 8.7.2014 kl. 23:07]

Brot Thiago Silva voru  "kjánaleg" : hlaup fyrir markmann, og tekið utan um mótherja meðan margir aðrir mögluleikar voru enn opnir til að stöðva sóknina.

Brassarnir mættu einfaldlega ekki í vörnina í kvöld  hvorki andlega né líkamlega

[Bessi (IP-tala skráð) 9.7.2014 kl. 00:12]

Frakkar töpuðu 17:1 fyrir Dönum árið 1908 sá ég um daginn.

[Ómar Ragnarsson, 10.7.2014 kl. 00:05]

Já, og Ólympíumetið í stangarstökki var 3,50 metrar árið 1908.