Íslendingur mælti fyrir tveimur frjálsum ríkjum í Palestínu.

Vinátta Íslendinga og Ísraelsmanna átti upphaf sitt í því að Thor Thors hjá Sameinuðu þjóðunum bar þar fram tillögu um stofnun tveggja jafn rétthárra ríkja í Palestínu, ríki Gyðinga og ríki Palestínumanna.

Þetta er staðreynd sem ekki má gleymast, þótt liðinn sé hálfur sjöundi áratugur síðan.  

Það var því fyllilega rökrétt þegar Íslendingar voru í fararbroddi þjóða sem viðurkenndu sjálfstæði og tilvist Palestínu í hitteðfyrra.

Þess vegna er núverandi ástand óviðunandi að aðeins annað ríkið njóti raunverulegs sjálfstæðis og sé með hitt hernumið og/eða í herkví og haldi því í heljargreipum kúgunar fádæma hernaðarlegra yfirburða.  

Það var ekki sú skipan mála sem Thor Thors mælti fyrir á sínum tíma.  

 

„Krefjumst frjálsrar Palestínu“

Athugasemdir

[Helgi (IP-tala skráð) 24.7.2014 kl. 07:35]

Sæll.

Það er mjög merkilegt að sjá hve margir skipa sér í sveit með hryðjuverkamönnum. 

Byrjum á stuttu sögulegu innslagi. Árið 1695 var framkvæmt manntal í Palestínu. Palestína er nafn sem Rómverjar gáfu landsvæði sem nú eru á Ísrael, Líbanon, Sýrland, Jórdanía og auðvitað Gaza. Í þessu manntali má sjá margt áhugavert eins og það að ekki eitt palestínskt eða arabískt nafn var þar að finna. Svæðið var að mestu óræktað og fólk bjó að mestu í bæjum.

Víkjum nú að átökunum. Um miðjan júní voru 3 ísraelskir unglingar myrtir á leiðinni heim úr skóla. "Palestínumenn" fögnuðu og engar tilraunir voru gerðar til að hafa hendur í hári morgðingjanna af þeirra hálfu. Upp úr þessu juku Hamas og PIJ verulega eldflaugaárásir sínar á Ísrael.

Ísraelar neyddust til að svara þessu og byrjuðu með loftárásum. Eftir að Hamas og taglhnýtingar þeirra gerðu ítrekaðar tilraunir til að komast inn í Ísrael eftir göngum til að ráðast á almenna borgara fór landher inn á svæðið til að uppræta þá hættu sem stafar af þessum göngum.

Það er staðreynd að Hamas og PIJ brjóta alþjóðalög með því m.a. að ráðast á óbreytta borgara í Ísrael og með því að nota saklausa samborgara sína til þess að skýla sér og vopnum sínum og viðurkenna þeir það. Sjá menn virkilega ekkert athugavert við það að nota skóla til að geyma eldflaugar? Sjá menn ekkert athugavert við að nota spítala til að geyma vopn og til að ráðast á andstæðinginn?

https://www.youtube.com/watch?v=KW8KV6HrBzk

Almennum borgurum hefur verið sagt að fara og líka sagt hvert þeir geti farið svo þeir séu öruggir. Ísraelar hafa varað við með því að dreifa miðum úr lofti og með sms og símtölum:

https://www.youtube.com/watch?v=8O9AHzUKYk8

Ísraelar fóru frá Gaza árið 2005. Hvernig hafa "Palestínumenn" notað þessi 9 ár síðan Ísraelar fóru? Hamas hafa tekið við tugum ef ekki hundruðum milljóna dollara frá ýmsum þjóðum m.a. Katar. Í hvað hafa þessir peningar farið? Hafa Hamas, PIJ, Fatah og fleiri verið að undirbúa fjárhagslegan grundvöll sjálfstæðs ríkis? Tvö gróðurhús sem Ísraelar skyldu eftir á Gaza þegar þeir fóru þaðan voru eyðilögð í stað þess að nota þau til að bæta lífskjör íbúa Gaza.

Ísraelar vilja gjarnan sjálfstætt ríki "Palestínumanna" en málið er ekki alveg svona einfalt:

1) Á hverju ætlar sjálfstætt ríki "Palestínumanna" að lifa? Ölmusu eins og hingað til? Framtíðarríki "Palestínumanna" þarf að geta séð sér farborða. Í þessu samhengi er rétt að benda á að laun Abbas eru um 10.000US$ á mánuði en meðallaun samlanda hans eru rétt rúmir 100US$ á mánuði. Meshal og Haniyeh eru einnig báðir mjög auðugir menn. Eru menn vissir um að þessir menn séu að vinna með hagsmuni samlanda sinna að leiðarljósi?

2) Hvernig á framtíðarsamskiptum þessa ríkis við Ísrael að vera háttað? Hamas og fleiri vilja ekki að Ísraelsríki sé til og hafa ítrekað sýnt að þeir vilja gyðinga dauða. Skiptir þetta ekki máli?

Leiðtogar "Palestínumanna" er í dag því miður ófærir um að semja frið. Við þurfum varanlega frið á svæðinu. Átök brutust síðast úr þarna árið 2012 og þar áður 2009 ef ég man rétt. Fatah er því miður lítt skárra en Hamas:

https://www.youtube.com/watch?v=sIgQWG-KItg

"Palestínumenn" munu því miður halda áfram að þjást þar til þeir fá leiðtoga sem eru færir að semja um frið. Mér finnst mannfallið á svæðinu mjög miður en mannfall óbreyttra borgara skrifast alfarið á hryðjuverkamennina. Hamas hafa einnig margsinnis hafnað vopnahléi á sama tíma og Ísraelar hafa samþykkt það í núverandi átökum. Hamas vill ekki frið.

Þú talar um herkví. Hvaðan heldur þú að Hamas fái allt þetta byggingarefni sem þeir þurfa til að búa til sín göng? Egyptar eiga líka landamæri að Gaza (Rafah) og eru þeir búnir að loka á Hamas. Vita menn þetta ekki? Fjölmargir í Egyptalandi standa með Ísraelum gegn Hamas. Að tala um að Gaza sé hernumið er beinlínis rangt. Að tala um herkví er í besta falli hálfsannleikur:

https://www.youtube.com/watch?v=rIm_hf-fG3E

Ég er ekki að segja að annar aðilinn sé algóður en hinn alvondur. Höfum báðar hliðar í huga þegar við myndum okkur skoðun og öflum okkur upplýsinga í stað þess að gaspra út í loftið eins og er orðið alltof algengt. Varanlegum friði þarf að koma á á svæðinu þar sem báðar fylkingar geta lifað saman í sæmilegu bróðerni. Of margir hafa fallið bæði nú og áður. Enn fleiri munu því miður falla og þetta sjálfsagt ekki síðustu átökin á svæðinu :-(

[Ómar Ragnarsson, 24.7.2014 kl. 13:14]

Í pistli mínum er engin tilraun gerð til að fara yfir flókna sögu samskipta Palestínumanna og Ísraelsmanna, aðeins bent á það, að sýnin, sem Thor Thors mælti með hjá Sþ á sínum tíma, er fjarri þeim raunveruleika sem blasir við í dag.

[Helgi (IP-tala skráð) 24.7.2014 kl. 13:52]

@2: Já ég geri mér grein fyrir því.

Ég var ekki að skjóta á þig hér ágæti Ómar, hvorki beint né óbeint. Ég vildi bara benda á hlið sem aldrei er sögð. Fréttamenn í dag eru jafn lélegir og þeir voru fyrir hrun.

Þennan vanda þarna þarf að leysa sem fyrst en hann verður ekki leystur með því að þvinga Ísraelsmenn til einhverrar vitleysu.

[Villi Asgeirsson, 24.7.2014 kl. 20:18]

Draumurinn um tvö jafn rétthá ríki í Palestínu er löngu dauður. Of mikið af landi palestínumanna hefur verið tekið undir landnemabyggðir.

Ég var að horfa á fyrirlestur sem Miko Peled hélt fyrir tveimur árum. Þar segir hann einu raunhæfu lausnina vera eitt ríki þar sem allir eru jafn réttháir. Lýðræðið eigi við alla, ekki bara gyðinga. Þetta yrði svipað ferli og í SuðuröAfríku þegar apartheid lagði upp laupana.

Mæli með því að fólk hlusti á manninn.

http://youtu.be/TOaxAckFCuQ