Skotland verður annað land, hvernig sem fer.

Þjóðaratkvæðagreiðslan í Skotlandi um sjálfstæði þjóðarinnar og úrsögn úr Stóra-Bretlandi er afar merkilegur viðburður, hvernig sem fer. 

Svo mjótt er á mununum að staða þjóðarinnar og landsins verður aldrei söm eftir.

Horfa verður langt fram á veginn, til dæmis varðandi olíuauðinn á landgrunni Skotlands, sem mun ekki endast nema í nokkra áratugi. En sjálfstæðara eða alveg sjálfstætt Skotland mun vafalaust spjara sig.  

Þar að auki er það afar merkilegt að þessi viðburður skuli eiga sér stað þegar víða er ólga í álfunni vegna krafna einstakra þjóðernishópa og héraða um aukna sjálfstjórn og jafnvel sjálfstæði.

Þarf ekki annað en að nefna austurhluta Úkraínu og Katalóníu og Baskahéruð á Sopáni sem dæmi.

Á tæpri öld síðan Wilson Bandaríkjaforseti lagði það fram sem einn af 14 punktum sínum til lausnar vandamálum álfunnar að hver þjóð / þjóðarbrot fengi að ákveða það sjálfhver staðan yrði eftir Fyrri heimsstyrjöldina hafa því miður ekki orðið neinar þær framfari í þessum efnum sem hafi skýrt myndina, heldur hafa ríkt ringulreið og ósamræmi víða um álfuna.

Sum þjóðarbrot eins og Saar-búar og íbúar Slésvíkur og Holsetalands fengu að ákveða eigin stöðu en önnur, eins og Súdetaþjóðverjar, fengu það ekki.

Eftir Seinni heimsstyrjöldina voru 14 milljónir manna fluttir nauðungarflutningum eða hraktir frá heimkynnum sínum.  

Og Balkanstríðin í lok 20. aldarinnar voru dæmi um þessi vandræði, sem seint virðist vera hægt að losa álfuna við.   

„Skotland yrði allt annað land“

Athugasemdir

[Þorsteinn Briem, 18.9.2014 kl. 12:14]

Skotland getur orðið sjálfstætt ríki en það er ekki þar með sagt að öll þjóðabrot í ríkjum Evrópu fái sjálfstæði eða hafi einhvern áhuga á því.

Sum þjóðabrot ættu hins vegar að geta fengið einhverja sjálfstjórn, til að mynda í austasta hluta Úkraínu.

En harla ólíklegt að landamærum verði breytt víða í Evrópu vegna þjóðabrota í viðkomandi löndum.

Hins vegar er hugsanlegt að Katalónía verði einhvern tíma sjálfstætt ríki.

[Jón Logi (IP-tala skráð) 19.9.2014 kl. 07:29]

Landamæri og ekki landamæri? Séu landamæri skilgreining á sjálfsstjórnarsvæði, - altso þjóðríki, - þá hafa þau breyst mikið frá því að maður var gutti í skóla, og frekar í áttina að því sem stóð í landafræðiskruddunum þegar amma var ung.....

En Saarlendingar hafa alltaf langflestir litið á sig sem þýska. Ætti nú að þekkja það ;)