Eins og að fylgjast með vígstöðvum

Eftir þriggja vikna hlé gafst færi að nýju síðdegis að líta yfir eldstöðvar úr Holuhrauni.

Í umhleypingum að undanförnu hefur verið erfitt að finna færi á að komast í tæri við gosið úr lofti.  Þetta nýja hraun minnir á rauðan her sem sækir fram á allri víglínunni misjafnlega hratt þó. 

Þetta var stórbrotið svið að líta yfir í ljósakiptunum í kvöld.  Sólin var að setjast og sló ásamt móðunni stórbrotnum blæ á vígstöðvarnar sem blöstu við. 

Þótt hraunið hafi á tveimur stöðum komist yfir Gæsavatnaleið þar sem hún liggur yfir sandflæmið ætti að vera hægt að færa slóðina til undan hrauninu. 

Vonandi gefst færi á morgun að birta myndir af því sem blasti við í kvöld en á þeim ætti að sjást hvernig hraunið er að komast að ármótum Svartár og  Jölulsár á fjöllum.  Þar fer hraunið hins vegar afar hægt vegna þess hve það er orðið langt og finnur sér frekar framrás til hliðanna, einkum í norður. 

Að öðru leyti er tíðindalaust á austurvígstöðvunum. 

40 skjálftar við Bárðarbungu

Athugasemdir

[Tryggvi Helgason, 26.9.2014 kl. 23:56]

Og þið allir, elsku bestu fréttamenn, ... í guðs bænum talið og skrifið betri íslendsku. Það voru engir jarðskjálftar "staðsettir" við Bárðarbungu í dag. Það varð skjálfti, - eða það urðu 40 skjálftar undir Bárðarbungu, - og að auki þá urðu einnig (eða mældust) 20 skjáftar undir norðanverðum Dyngjujökli. Svo einfalt var það.

[Þorsteinn Briem, 27.9.2014 kl. 15:21]

27.9.2014 (í dag):

Bárðarbunga gæti tæmt sig á sólarhring

[Þorsteinn Briem, 29.9.2014 kl. 14:30]

Incredible Footage | Japan's Mt. Ontake Volcano Eruption | Sep 27, 2014