Samt lítið brot af Skaftáreldahrauni.

Víst er hið nýja Holuhraun orðið stórt og hraunrennslið það mesta í nokkru eldgosi í meira en öld. En það er þó enn aðeins lítið brot af hrauninu, sem rann í Skaftáreldunum 1783 og varð alls 580 ferkílómetrar, eða næstum tíu sinnum stærra. 

Enn meiri verður munurinn á rúmmáli hraunanna.

Engar mælingar eru fyrir hendi um eiturgas sem kom upp í Skaftáreldunum, en ef miðað er við lýsingar á magni og áhrifum þess bæði hér á landi og um alla heim, var eitrunin í Móðuharðindunum svo margfalt meiri, að þau eru varla sambærileg.

Það breytir því ekki að brennisteinsmengunin í Holuhraunseldum er sú mesta sem dæmi eru um síðan í Skaftáreldunum.  

Rétt er að geta þess að meiri gosefni komu upp í Grímsvatnagosinu 2011 en komin eru upp í Holuhrauni.

Enginn veit hins vegar hve mikið myndi koma upp í gosi í Bárðarbungu sjálfri.  

Hraunið orðið 63 ferkílómetrar

Athugasemdir

[Vilhjálmur Eyþórsson, 24.10.2014 kl. 22:02]

Það vekur athygli að aðeins er talað um brennisteinsdíoxíð, sem vissulega er slæmt. En það var þó flúor, sem drap þrjá fjórðu af bústofni Íslendinga í Móðuharðindum. Af hverju er ekki talað um hve mikill flúor kemur upp. Fleiri efni fylgja eldgosum, þ.á m. klór, arsen (arsenik) o.fl.

En það sem er merkiklegast er þó, að aldrei er talað um hve mikið koldíoxíð kemur upp en það er örugglega miklu meira en brennisteinsdíoxíðið. Ekki kæmi á óvart að nú komi upp meira koldíoxíð en allir bílar, skip, flugvélar og önnur farartæki Íslendinga hafa gefið frá sér frá því í upphafi. Hugsanlega meira en hefur komið frá öllum hlóðum og grútartýrum forfeðra okkar frá Íslandsbyggð.

Af hverju er ekki talað um þetta?

[Ómar Bjarki Kristjánsson, 24.10.2014 kl. 23:21]

Það var í öskunni. Flúorið altso. Askan frá Lakagígum var eitruð. (Og talið að eitrunin hafi stafað af flúori)

Þetta með koldíoxíð er í raun irrelevant. Vegna þess að losun mannsinns er alltaf viðbót.

Nú, með aðrar gastegundir úr holuhrauni, að þá er það alveg athyglisverð spurning því að einhver andsk. hlýtur þetta að vera (auk brennisteinsdíoxíð) því það er hreinlega stundum þvílík stybba af þessu og ertandi. Stundum minnir það á mikla mengun af bílum, að mínu áliti, - og þá spilar sennilegast koldíoxíð inní a.m.k. að einhverju leiti, skyldi maður ætla.

Athyglisvert að mngunin af þessu getur verið mjög fljótt að koma og fara. Eins og það séu pollar sem gangi yfir. Mér finnst líka vera mikil sjáanleg mengun. Brúnblágrá móða langtímum saman. Hugsanlega spilar hefðbundin fokmengun eitthvað inní.

[Guðmundur Jónsson, 25.10.2014 kl. 00:54]

Ef þetta gos stendur með sama krafti og verið hefur í 240 daga (185 daga í viðbót og hefur þá staðið jafn lengi og Skaftáreldar) þá verður hraunið orðið hálft það hraun sem rann í Skaftáreldum.

[Snorri Hansson, 25.10.2014 kl. 01:01]

http://o3msaf.fmi.fi/      Ég skora á fólk að skoða þessa síðu vel og velta henni fyrir

sér. Gerfitunglið tekur aðeins eina mynd af Co2 á degi hverjum, þannig að myndin hoppar auðvitað til en er mjög áhrifamikil samt.  Stirkleika kvarðinn er fyrir neðan.