"CAVOK" notað um grábláan sólarlausan himin.

"CAVOK", oft borið fram "kavókey" er hugtak í veðurfræði sem mikið er notað i flugi þegar gefin er skýrsla um skýjafar. C táknar hæð frá jörðu upp í ský, A táknar orðið "and" eða "og" á íslensku, V táknar orðið "visibility" eða lárétt skyggni og síðustu stafirnir OK eru bornir fram "Ókey", eða algerlega fullkomið á íslensku. 

CAVOK þýðir sem sagt að ekki sé ský á lofti og þegar ég var á leiðinni heim frá Sauðárflugvelli og Holuhrauni í dag óskaði ég eftir upplýsingum um veðrið í Reykjavík klukkan ellefu og fékk skilgreininguna CAVOK á skýjafarið.

Á þá lund var reyndar skýjafarið mestalla leiðina en samt var skyggni víða takmarkað og sólin gat hvergi brotist fram að neinu ráði í gegnum eldfjallamóðuna. 

Það sást ekki til himins en samt var heiðskírt, ekkert ský á lofti á stórum svæðum.  

Ég minnist þess ekki á flugferli mínum að hafa lent í svona skilyrðum á svona langri flugleið og set inn mynd af Búrfelli á facebook síðu  mína,, sem tekin var í 8500 feta hæð yfir Hrunamannaafrétti.   

Dularfull gosmóða yfir hálendinu

Athugasemdir

[Sævar Helgason, 30.10.2014 kl. 22:53]

Ég var nú ekki svona háfleygur sl föstudag við rjúpnaveiðar uppi á Kaldadal.

Veðurspáin var heiðskírt ,logn og um 4°C frost allt gekk það eftir - nema skyggni var afarslæmt vegna móðunnar frá Holuhrauni svo lítt sást milli fjalla sem þó er ekki langt á milli-en samt var hægt að greina bláan himinn ofan fjalla. Samkvæmt mengunarkorti átti alls engin móða að vera þarna. En við síðari tíma skoðun reyndist þessi móða hafa komið allaleið frá Grænlandi þangað sem hana hafði borið á nokkrum dögum frá Holuhrauni og síðan til Íslands aftur og þá inn Faxaflóann og yfir þetta svæði sem spannaði Mosfellsheiði,Þingvelli Kaldadal ,Skjaldbreið og allt að Oki og Þórisjökli.

Og nú eru þeir í Austurríki og Sviss farnir að finna fyrir móðunni.

[Snorri Hansson, 31.10.2014 kl. 01:56]

http://o3msaf.fmi.fi/