Íslands þúsund ár

12.11.2014 | 23:05

Hverjir og hve margir hafa beðið Nígeríumanninn afsökunar opinberlega?

Afsökunarbeiðnir hrúguðust upp í Kastljósi í gærkvöldi og vafalaust fleiri svipaðar afsökunarbeðinir í dag til starfsfólks innanrikisráðuneytisins, ráðherrans og annarra Íslendinga, sem urðu fyrir barðinu á afleiðingum lekans.

Ég hef að vísu ekki hlustað á allar umræðurnar eða fréttinar af málinu, enda ekkert smáræði þar á ferð, en hef ekki heyrt að fyrsti maðurinn, sem hefði átt að fá afsökunarbeiðni, Nígerímaðurinn, hafi verið beðinn afsökunar á brotinu gagnvart honum.

Sé svo, væri gaman að vita hve margir hafa gert það.

Það var aðeins fyrst í stað fyrir ári sem fjallað var um manninn sjálfan á nokkrum stöðum í fjölmiðlum og þá til þess að velta sér upp úr þeim aðdróttunum, dylgjum og viðkvæmu persónulegu upplýsingum, sem lekið var til að ófrægja manninn og niðurlægja hann.

Svo er að sjá sem það þyki sjálfsagt hér á landi að allt annað gildi um útlendinga en innfædda, innmúraða og innvígða Íslendinga.

Þessa hugsun mætti til dæmis orða með spurningunni, sem á að réttlæta þetta: Getur nokkuð gott komið frá Nígeríu?

Í sambandi við það væri okkur hollt að hugsa til samhljóða spurningar úr Biblíunni, þar sem staðarnafnið byrjar á stafnum N, þ. e. í setningunni "Getur nokkkuð gott komið frá Nazaret?"

	Skilorðsbundið fangelsi vegna lekans
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

"Kristilega kærleiksblómin spretta, kringum hitt og þetta."

Þorsteinn Briem, 12.11.2014 kl. 23:24

Þetta sem gerðist í fyrradag myndi ekki gerast hvar sem er:

http://www.foxnews.com/world/2014/11/10/at-least-48-reported-killed-in-suicide-bombing-at-northeast-nigeria-school/

Ívar Pálsson, 12.11.2014 kl. 23:59

Ég hélt að Nígeríumaðurinn væri að sækja um hæli hér á Íslandi.

Þorsteinn Briem, 13.11.2014 kl. 00:18

"Nigeria is religiously diverse society with Islam and Christianity being the most widely professed religions.

According to recent estimates, 50% of Nigeria's population adheres to Islam (mainly Sunni).

Christianity is practiced by 48% of the population."

Þorsteinn Briem, 13.11.2014 kl. 00:31