Næsta helgi virðist ætla byrja vel.

Ef ótíðin, sem nú hefur ríkt um nokkkurt skeið, heldur áfram yfir hátíðirnar, mun það setja nokkurt strik í reikninginn hjá mörgum, sem eiga mikið undir því að sem flestir dagar séu í það minnsta ekki óveðursdagar. 

Þar er einkum um að ræða vinsælar verslunargötur eins og Laugaveginn í Reykjavík og Hafnarstræti á Akureyri. 

Óveður riðla líka dagskrám samkomustaða og setja rót á samkomur. 

Mestu mun líklega skipta að skaplegt veður ríki í það minnsta eina helgi eða helgardag fyrir jól. 

Það var skaplegt veður í gær og hiti um frostmark en dagurinn í dag er afleitur.

Miklu skiptir hvernig veðrið verður um næstu helgi, og þá gæti hjálpað til að þrír góðir verslunardagar, laugardagur, sunnudagur og þriðjudagur, sem er Þorláksmessa, raðast á fimm daga, og þar að auki má bæta föstudagskvöldinu við.

Samkvæmt spá Veðurstofunnar á að verða minnkandi norðanátt með nokkurra stiga frosti næstkomandi föstudag, sem ætti að gefa nokkuð góðar vonir fyrir laugardaginn.

Á morgun og hinn daginn ætti að sjást betur á vedur.is hvort þetta stillta veður helst eitthvað lengur. Þessi síðasta helgi fyrir jól er venjulega gríðarleg verslunarhelgi og þess vegna er enn von fyrir þá, sem mest eru háðir veðrinu, að úr rætist.

Um hátíðirnar verða miklu fleiri erlendir ferðamenn á ferli hér á landi en var á árum áður.

Þeir eru komnir hingað til að upplifa eitthvað, sem aðeins gefst einu sinni á ævinni og fyrir þá er það bara bónus að það sé vetrarríki í fjölbreyttri mynd, vonandi stillur með snjó sem flesta daga, en líka segja margir þeirra að það sé einstök upplifun að kynnast íslenska skafrenningnum.  

Athugasemdir

[Hilmar Hafsteinsson (IP-tala skráð) 14.12.2014 kl. 14:11]

Það hlýtur að setja strik í reikning óðahlýnunartrúboða þegar vegamálastjóri staðfestir í fréttum á Stöð 2 að vetrarhörkur séu að aukast með stórauknum kostnaði vegna snjómoksturs.

Það hlýtur líka að setja strik í reikning óðahlýnunartrúboða þegar staðfestar tölur berast um að það sem af er desembermánuði sé meðalhitinn í Reykjavík 2,1°C undir meðaltali köldu áranna 1961-1990.

En þá er bara að taka Steina Briem á málið og raðkópíera ruglfréttir að handan :)

[Þorsteinn Briem, 14.12.2014 kl. 14:16]

Sem betur fer hefur rugludallurinn og vesalingurinn "Hilmar Hafsteinsson" ekki verið "raðkópíeraður".

[Haukur Kristinsson (IP-tala skráð) 14.12.2014 kl. 14:21]

Der Spiegel. Uno-Klimatagung in Lima: Verzockt

http://www.spiegel.de/wissenschaft/natur/un-klimakonferenz-was-bedeutet-peru-fuer-paris-2015-a-1008410.html

[Þorsteinn Briem, 14.12.2014 kl. 15:17]

Menn hafa dregið björg í bú, stórt og smátt, í alls kyns veðrum á Laugaveginum, enda þótt Ómar Ragnarsson kaupi þar ekkert nema köttinn í sekknum í sólskini og logni.

Og sumir hafa meira að segja dregið þar Björgu í búið í norðangarra á Gamlársdag.

[Þorsteinn Briem, 15.12.2014 kl. 06:54]

Marg­ir voru á ferð í miðborg­inni á laug­ar­dag­inn og gam­an að skoða í búðar­glugga í Banka­stræti.