Hvað er jólabarn?

Nú má sjá frétt um það að fimm jólabörn hafi fæðst á fæðingadeild Landsspítalans síðan á miðnætti. Nú eru jólin reyndar ekki komin þegar þetta er skrifað svo að sú spurning vaknar, hvað felist nákvæmlega í skilgreiningunni á orðinu "jólabarn". 

Er það barn, sem hefur fæðst á tímabilinu frá klukkan 18:00 á aðfangadag til klukkan 24:00 annan í jólum? 

Er það barn sem hefur fæðst á tímabilinu frá klukkan 18:00 á aðfangadag til klukkan 24:00 á þrettándanum? 

Er það barn,sem hefur fæðst á aðfangadag eða einhverjum af þrettán jóladögunum? 

Eða barn sem hefur fæðst á tímabilinu frá Þorláksmessu til þrettándans?

Er það barn,semhefur fæðst á aðventunni eða á jólunum?

Venjulega er talað um þau börn, sem fæðast frá miðnætti á áramótum sem eins konar nýjársbörn, en þau sem fæðast á gamlárskvöld hins vegar ekki talin með.

En þetta virðist vera orðið eitthvað flóknara með jólabörnin. Eða hvað? 

Og nú má búast við að einhver setji það inn í athugasemd við þessar pælingar hvort það séu engin takmörk fyrir því hvað hægt sé að finna sér til að rökræða um á jólunum. 

En eru þau annars byrju þegar þetta er skrifað?

Fimm jólabörn frá miðnætti

Athugasemdir

[Þorsteinn Briem, 24.12.2014 kl. 17:54]

"Jól eru ein af trúarhátíðum kristinna manna og ein sú helsta á Norðurlöndunum.

Hinn eiginlegi jóladagur er 25. desember en víða stendur hátíðin yfir frá 24. desember til 5. janúar.

Kirkjuárið er almennt talið frá aðventunni, aðfarardögum jóla."

Jól

Gleðileg jól!

[Þorsteinn Briem, 24.12.2014 kl. 18:03]

"Þrettándinn er 6. janúar, stytting á þrettándi dagur jóla og er almennt kallaður síðasti dagur jóla."

Þrettándinn

[Baldur Ragnarsson (IP-tala skráð) 24.12.2014 kl. 18:13]

Allar skilgreiningar eru huglægar.

Jól eru skilgreining.

Því eru jól huglæg.

---
Og rökhenduna að ofan mætti að ósekju kenna prestum.

Gleðilega huglæga skilgreiningu.