Komnar á fimmta hundraðið.

Þegar fyrrverandi útvarpsstjóri taldi sig knúinn til að veita stöðugum árásum á Ríkisútvarpið andsvar tiltók hann að frá 2008 hefðu birst 350 slíkar aðfinnslur í Morgunblaðinu einu. 

Sem dæmi um slíkar árásir má nefna ásakanir um hlutdrægni fréttastofu Sjónvarpsins sem hefði verið landráðum líkust með því að taka viðtal við fulltrúa Norðmanna í samninganefnd um makrílveiðar á Norður-Atlantshafi. Var þó búið að taka margsinnis viðtöl við íslenska samningamenn um makrílveiðarnar. En til voru þeir sem töldu ámælisvert að tala við aðra aðila deilunnar. 

Þessum útvarpsstjóra varð ekki vært en samt heldur flaumurinn áfram og einnig er á stundum hart sótt að fréttastofu Stöðvar 2.  

Þannig má með snöggu innliti í net og fjölmiðla í dag sjá tvo slíka pistla, þar sem fréttastofurnar eru sakaðar um hlutdrægni. Björn Bjarnason átelur fréttastofu Sjónvarpsins fyrir að hafa sagt fréttir af því hvaða afleiðingar verkfall lækna, sem hófst í gær, muni hafa á störf spítalanna, en þar var meðal annars  fólst meðal annars fjöldi þeirra aðgerða sem þyrfti að fresta.

Björn telur þetta ekki hafa fallið undir hugtakið fréttir því að þetta hefðu verið spádómar! Og með þessu hefði fréttastofan verið að knýja á um útkomuna úr deilunni!

Í leiðara Morgunblaðsins fær Stöð 2 ákúrur með því að voga sér að taka við tal við Össur Skarphéðinsson, sem hafi verið með fjarstæðu- og spunakennda fréttaskýringu vegna yfirlýsingar forsætisráðherra um afturköllun aðildarumsóknar að ESB.

Segir orðrétt í leiðaranum: "Slíkar fréttaskýringar pólitískra spunameistara gera lítið fyrir áhorfendur annað en að draga úr trúverðugleika fréttatímans og fréttamannsins."

Og í lokin er hnykkt á með því að segia: "Að fréttastofan taki þátt í spunanum er annað og verra mál."

Ofangreind dæmi af ótal mörgum sýna, að ljósvakafréttastofurnar vinna sér til óhelgi í augum þessara óstöðvandi síbyljugagnrýnenda með því einu að taka viðtöl við báða aðila eða dirfast að leita upplýsinga um annað en það sem þegar hefur gerst.

Er það íhugunarefni að meðal þeirra sem hamast mest gegn fjölmiðlunum eru fyrrverandi og núverandi ritstjórar, sem maður hélt að hefðu kunnað eitt af boðorðum fréttamennsku:

Hvað? Hverjir? Hvenær? Hvernig? Af hverju? Hvaða sjónarmið? Hvað svo? 

Pistlarnir og ummælin í Morgunblaðinu einu um hina vondu fréttastofu Sjónvarpsins voru orðnir 350 í tíð fyrrverandi útvarpssstjóra. Líklega eru þeir nú komnir vel á fimmta hundraðið, því að ekki linnir þessari síbylju.  

 

    

Samningafundi slitið

Athugasemdir

[Hilmar (IP-tala skráð) 6.1.2015 kl. 14:40]

Það er náttúrulega bráðfyndið, að ekki líður sá dagur að einhver vinstrimaðurinn komi fram og þykist ekki skilja athugasemdir um vinstriáróður á Ríkisútvarpinu, og röflar þá gjarnan við tækifæri um "ritskoðun" og "þöggunartilburði"

Auðvitað eigum við að leggja niður Ríkisútvarpið. Vinstrafólk getur bara borgað fyrir sinn áróður sjálft.

Þegar vinstrimenn hafa sett á stofn sitt útvarp, þá getur það haldið áfram, athugasemdalaust frá öðrum, að velja "sitt" fólk í þætti, og sniðgengið aðra.
Þeir geta líka haldið áfram að ráða inn "sitt" fólk, og sniðgengið aðra. Það er t.d. mjög ólíklegt að sú staða komi upp í einkareknu ríkisútvarpi vinstrimanna, að starfsmenn kúgi eigendur sína og komi í veg fyrir að t.d. fréttastjóri sem grunaður er um rangar skoðanir, sé ráðinn til starfa.

Og að sjálfsögðu yrði þeim fullkomlega heimilt að gera ömurlegt áróðursskaup á hverjum degi.

[Þorsteinn Briem, 6.1.2015 kl. 14:55]

Alltaf aðalatriðið í augum sumra hver greinir frá staðreyndum og hver skrifar fréttina eða viðtalið.

Áramótaskaupið síðasta hafði birst í fréttum og viðtölum síðastliðins árs, eins og önnur áramótaskaup, og hafa til að mynda birst á mbl.is.

Og ekki hefði það nú þótt góð fréttamennska á mínum blaðamannsárum á Morgunblaðinu ef eingöngu hefði verið greint frá skoðunum annars aðilans í deilumálum.

Bíbí var þá ritstjóri erlendra frétta á blaðinu, sem þá eins og nú voru nær eingöngu þýðingar á fréttum erlendra fjölmiðla.

[Bjarni Gunnlaugur (IP-tala skráð) 6.1.2015 kl. 16:21]

Ég gerði smá könnun, afar óvísindalega varðandi viðmælendur í síðustu 8 vikulokum á Rás 1.   Nú er varasamt að merkja fólk sem stjórnarsinna eða stjórnarandstæðinga en ég prófaði það nú samt til að reyna að skoða meinta hlutdrægni þáttarins (hef sjálfur talið þáttinn hlutdrægan) hvað þann þátt varðar. Ég bið þá viðkomandi fyrirfram afsökunnar ef mér skjátlast í þessum merkingum. 

     Til þess ber að líta að þegar viðmælendur eru valdir í svona þátt þá þarf að ballansera margt fleira en afstöðu til núverandi ríkisstjórnar. T.d. er þarna bara einn prestur, sumum þætti það kanski lítið og þá hvar eru fulltrúar trúleysingja osv.frv.    Eins telja Katrín Júlíusdóttir og Guðmundur Steingrímsson sig varla vera sitthvora hliðina á sama peningnum þó einhverjir aðrir geri það og vissulega séu þau bæði í stjórnarandstöðu.

  Að teknu tilliti til þessara valvandræða þá er ekki mikill munur á að í síðustu 8 þætti hafi komið 7 meintir stjórnarsinnar og 9 meintir stjórnarandstæðingar.

Ég verð því að viðurkenna (svona fljótt á litið) þvert ofan í það sem ég taldi að þarna er ekki um hlutdrægni gagnvart ríkisstjórn í vali viðmælenda að ræða.

 Vikulokin    Síðustu 8 þættir. 7 meintir sjórnarsinnar á móti 9 meintum stjórnarandstæðingum.

3.jan 2014

Björgúlfur Jóhannesson forstjóri Icelandic Air groop

Svanhildur Hólm Valsdóttir aðstoðarm. Fjármálaráðherra   (stjórnarsinni)

Þórður Snær Júíusson            (Stjórnarandstaða?)

27.12 2013  

Þóra Kristín Ásgeirsdóttir fréttm. Stod2       (stjórnarandstaða?)

Eyrún Magnúsdóttir  blm. Morgunbl.            (stjórnarsinni?)

Jón Gnarr                                (óflokkanlegur á allan hátt)                

20.des

Birgitta Jónsdóttir Píratar (stjórnarandstaða)

Gestur Páll Reynisson stjórnmála og stjórnslýslufræðingur (fyrrv. Ungir jafnaðarmenn) (stjórnarandstaða)

Kristín Þórunn tómasdóttir prestur

13. des

Katrín Júíusdóttir    Samf.                (stjórnarandstaða)

Bjarkey Gunnarsdtóttir  V.G.          (stjórnarandstaða)

Lilja Dögg þingm. Frams.                 (stjórnarsinni)

6. des

Guðmundur Steingrímsson Bj. Frt.           (stjórnarandst)

Unnur Brá     Sjálfst.                              (stjórnarsinni)

Kristín Helga Gunnarsdóttir rithöfundur    

29. nov

Stefán Gíslason form. Verkefnastjórnar um rammaáætlun

Hanna G. Sverrisdóttir frá samt. Ferðaþjónustunnar

Stryrmir Gunnarsson                       (stjórnarsinni??)

22.nov

Karen Kjartansdóttir upplýsingafulltrúi   (Líú) (stjórnarsinni?)

Karl Pétur Jónsson almannatengill  ??

Þórhildur Sunna Ævarsdóttir mannréttindalögfræðingur (stjórnarandstaða?)

15.nov

Fanney Birna Jónsdóttir              (stjórnarsinni)

Reynir Traustason                         (stjórnarandstaða?)

Heiða Kristín Helgadóttir             (stjórnarandstaða)

[Hilmar (IP-tala skráð) 6.1.2015 kl. 17:21]

Við vitum hvernig þetta gengur fyrir sig, DV laug einhverju, og Ríkisútvarpið lap það upp sem "frétt".
Nú er vinstrimönnum órótt, þar sem þetta vanheilaga bandalag virðist fyrir bí.

En örvæntið ei vinstrimenn, nú á þessari stundu er fólkið á Stundinni í drottningarviðtali í síðdegisútvarpinu.

Það stendur víst til að selja aðgang, gegn 950 krónum á mánuði. "Það ætti nú ekki að standa í mörgum" sagði vinstrimanneskjan á Rúv. Og gerir þar með grín að sjálfri sér og öðrum "fréttamönnum" Ríkisútvarpsins, sem hafa verið duglegir að röfla um "matarskattinn" liðna mánuði. Miðað við fréttirnar, þá ætti enginn vinstrimaður að hefa efni á lúxus eins og áskrift að áróðri.

En þetta er nú gaman fyrir starfsmenn Ríkisútvarpsins, og alla aðra sanna vinstrimenn, Reynir Trausta og sonur geta haldið áfram að ljúga upp fréttum, og Ríkisútvarpið að lepja þær upp.

[Þorsteinn Briem, 6.1.2015 kl. 17:44]

Hvað er að vera "sannur vinstrimaður" hér á Íslandi?!

[Bjarni Gunnlaugur (IP-tala skráð) 6.1.2015 kl. 17:46]

Svo má náttúrulega velta fyrir sér hvort í eðli sínu hlutlausir viðmælendur þ.e "ekki stjórnarsinnar" séu ekki þrátt fyrir það mættir sem gagnrýnendur sitjandi ríkisstjórnar í svona þáttum.  Engum fulltrúa hagsmunahóps þykir nóg að gert. Prestur gæti t.d. (vonandi) talað fyrir hagsmunum fátækra og talið að þeir þyrftu meira, nú eða kirkjan.

   Eftir þeirri skilgreiningu mætti segja að hlutfall viðmælenda í þessum þáttum nálgaðist 20/7. (Einhverjir eru jú alltaf hlutlausir greinendur.)  Sem gæti útskýrt tilfinningu fyrir hlutdrægni gagnvart sitjandi ríkisstjórn. 

   Mögulega ættu þáttargerðarmenn að hugsa um þetta misræmi og hafa einn "gagnrýnanda" og einn stjórnarandstæðing á móti hverjum 2 stjórnarsinnum.

Sú aðferðafræði verður náttúrulega þá að gilda hver sem ríkisstjórnin er.  

Hætt er þó þá við að stjórnarandstöðu þætti hún lítið komast að en útvarpsþættir eiga nú ekki endilega að endurspegla Alþingi.

[Þorsteinn Briem, 6.1.2015 kl. 17:47]

Íslenskir hægrimenn:

Hampa ríkisreknum fyrirtækjum, til að mynda Landsvirkjun, og vilja enn fleiri, til að mynda ríkisrekna áburðarverksmiðju.

Vilja endilega vinna hjá ríkinu, til að mynda Davíð Oddsson, fyrrverandi seðlabankastjóri og formaður Sjálfstæðisflokksins, og Friðrik Sophusson fyrrverandi forstjóri Landsvirkjunar og varaformaður Sjálfstæðisflokksins.

Tala sífellt niður til ferðaþjónustunnar hér á Íslandi, enda þótt hún sé í langflestum tilfellum rekin af einkafyrirtækjum.

Tala niðrandi um íslensk þjónustufyrirtæki, enda þótt þau séu flestum tilfellum í einkaeigu.

Halda því fram að andrúmsloftið fari kólnandi, enda þótt jöklar bráðni sífellt meira, eins og dæmin sanna, og hampa mengun.

Vilja halda niðri öllum launum í landinu út í það óendanlega, þannig að kaupmáttur er hér minnstur í Norður-Evrópu og minni en í Suður-Evrópu.

Halda því fram að Evrópusambandið sé vinstri sinnað, enda þótt því sé stjórnað af mið- og hægriflokkum.

Nútíma íslenskir hægrimenn eru því teboðsskríll.

[Þorsteinn Briem, 6.1.2015 kl. 17:54]

Íslenski teboðsskríllinn telur það að sjálfsögðu hægrisinnað að hækka matarskattinn.

[Þorsteinn Briem, 6.1.2015 kl. 18:02]

Íslenskir hægrimenn styðja nú Rússa sem vígbúast í Norðurhöfum

[Þorsteinn Briem, 6.1.2015 kl. 18:18]

Launagreiðslur hér á Íslandi nú skattlagðar meira en áður

[Bjarni Gunnlaugur (IP-tala skráð) 6.1.2015 kl. 18:24]

Það er svo gott við þetta blogg hjá Ómari hvað umræðurnar í athugasemdakerfinu eru alltaf málefnalegar og detta aldrei niður í sömu hjólförin! 

Undarlegt en samt þá held ég bara að mig sé farið að langa til að hvíla mig á þessu, maður hlýtur að hafa eitthvað þarfara við tímann að gera og ég þá varla sá eini!

[Þorsteinn Briem, 6.1.2015 kl. 18:44]

36,6% styðja ríkisstjórnina

[Þorsteinn Briem, 6.1.2015 kl. 18:54]

Vextir Arion banka hækka - Má ekki segja frá þessu?!

[Hilmar (IP-tala skráð) 6.1.2015 kl. 18:54]

Er það satt sem ég heyri Steini, að þú sért hættur að sofa, af ótta við að einhver stórhættulegur hægrimaður skrifi óáreittur á bloggið hans Ómars?
Er þetta líf dæmigert fyrir eltihrelli, eða ertu einstakur?

[Þorsteinn Briem, 6.1.2015 kl. 19:01]

Hvernig færðu það út að undirritaður sé ekki "stórhættulegur" hægrimaður, "Hilmar"?!

[Þorsteinn Briem, 6.1.2015 kl. 19:04]

Það er akkúrat ekkert hægrisinnað við það sem ég lýsti hér að ofan, sem er stefna núverandi ríkisstjórnar.

[Hilmar (IP-tala skráð) 6.1.2015 kl. 19:06]

Ég hallast nú að því að þú sért hættulaus sauður, Steini minn.
Þráhyggja er ekki endilega hættuleg, og á meðan þú plagar bara Ómar og lesendur hans, þá ertu sennilega líka bara hættulaus sem eltihrellir.

En mikið óskaplega ertu leiðinlegur, maður minn.

[Þorsteinn Briem, 6.1.2015 kl. 19:24]

Þegar íslenski teboðsskríllinn hefur tapað málinu, sem hann gerir alltaf, byrjar hann að gapa nafnlaust um þá sem honum er sérstaklega í nöp við, í stað þess að svara því sem hann er spurður um.

Hvers vegna í ósköpunum ætti mér ekki að vera sama hvað einhverjum finnst hér um hitt og þetta, þar á meðal undirritaðan?!

Hvað þá einhverjum nafnleysingjum.

Það er það eina sem teboðsskríllinn hefur hér fram að færa, sem öllum finnst að sjálfsögðu mjög svo skemmtilegt árum saman.

[Hilmar (IP-tala skráð) 6.1.2015 kl. 19:55]

Auðvitað ætti þér að vera sama Steini minn, því þú kemur hvort eða er ekki til með að breytast.
Hinsvegar er það jákvætt fyrir þig, að svona leiðinlegur sem þú ert, ertu líklegasti kandidatinn fyrir næsta áramótaskaup ykkar vinstrimanna.

[Haukur Kristinsson (IP-tala skráð) 6.1.2015 kl. 21:11]

Leiðinlegur kjaftur þessi Hilmar.

"Who the hell is this guy"?