Sjálfkræktar slaufur og forhhnýtt bindi næst?

Ég hef í áratugi undrast að á þessum miklu tæknitímum skuli ekki hafa verið fundnir upp sjálfreimandi skór, forhnýtt hálsbindi og sjálfkræktar slaufur. 

Einkum hefur það verið undravert hve erfitt það er gert mönnum að krækja hálsslaufur og að ekki skuli vera til hálsbindi með fyrirfram bundinn hnút, sem hægt er að festa undir kraganum með frönskum rennilás. 

Nú eru sjálfreimandi skór komnir á markað og spurning hvort hinar tvær lausnirnar koma áður en maður snýr tánum upp. 

Annars ætti maður ekki að vera að röfla þetta, heldur finna þetta upp sjálfur og fá á því einkaleyfi. 

Sjálfreimandi skórnir loksins á markað

Athugasemdir

[Hábeinn (IP-tala skráð) 11.1.2015 kl. 00:16]

Þú værir nokkuð seinn að ætla þér að fá einkaleyfi á þessum uppfinningum núna, mannsaldri eða svo. Þegar ég var barn notaði ég hálsbindi með fyrirfram bundinn hnút með teygju undir kragann, fermdist með slaufu sem kræktist að aftan og síðan hin svokölluðu smellubindi og slaufur með klemmu og sonur minn fékk síðan hálsbindi sem fest var undir kraganum með frönskum rennilás.

Þetta er undarlegt dæmi um það hvernig hlutir geta farið framhjá fólki sem festist í vana. Ómar lærði ungur og vandist að binda bindishnút og slaufu þannig að aðrar lausnir voru ekki til í hans heimi. Við sem sjaldan notum hálstau og höfum litla æfingu í hnútum leituðum annarra lausna.

[Ómar Ragnarsson, 11.1.2015 kl. 02:20]

Edvard bróðir minn batt fyrir mig bindishnútana þangað til við fluttum um svipað leyti úr foreldrahúsum. Hnúturinn hans var og er aðeins flóknari en einfaldasti bindishnútur, en afar flottur ef hann er rétt bundinn.