Urðu ekki Heródes og Pílatus vinir ?

Sagan sýnir að í utanríkispólitík þjóða gilda oft grimmari lögmál en í viðskiptum einstaklinga. Gamla orðtakið að á aftökudegi Krists hafi þeir Pílatus og Heródes orðið vinir hefur margsannast. 

Það hefur árum saman verið á kreiki orðrómur um furðulega samvinnu og næstum því vináttu á milli Gaddafis og breskra ráðamanna, og má það furðu gegna í margra augum, sem muna hryðjverkið sem sprengdi farþegaþotu upp yfir bænum Lockerby í Bretlandi. 

Nú virðast vera að koma fram gögn um að þessi samvinna hafi verið jafnvel meiri en menn grunaði.

Ástæðan er hugsanlega tengd olíuhagsmunum eins og sagan sýnir að ráðið hefur meira en flest annað í viðskiptum og samskiptum þjóða á olíuöld.

Ein af ástæðunum að Ronald Reagan felldi Jimmy Carter af forsetastóli var misheppnuð tilraun til að frelsa gísla sem rænt var í bandaríska sendiráðinu í Teheran 1979.

Ýmis gögn voru dregin fram síðar sem bentu til þess að klerkarnir í Íran hefðu viljað stuðla að valdatöku Reagans með því að draga afhendingu gíslanna þar til að eftir að hann var kosinn.

Heimurinn stóð á öndinni þegar Stalín og Hitler gerðu með sér griðasamning 23. ágúst 1939, en þó voru, ef grannt var skoðað, ákveðin "Machiavellisk"rök fyrir því, vegna þess að báðir högnuðust á því, þótt yfirlýst markmið beggja hefðu fram að því verið þau að knésetja hvorir aðra.

Á sama hátt þótti sumum, sem gátu vitnað í hinar hatrömmustu fjandskaparorð Winstons Churchills í garð Stalíns og kommúnistanna í Kreml, með ólíkindum hvernig hann gæti sama daginn og Hitler réðist á Sovétríkin, svarist í órofa fóstbræðralag með Stalín og hans hyski.

En Churchill svaraði með því að segja að svo mikið væri í húfi að kveða niður villimennsku nasista, að ef á þyrfti að halda myndi allt eins gera bandalag við kölska sjálfan á móti Hitler og ekki eiga í vandræðum með að segja nokkur vinsamleg orð um kölska í Neðri málstofunni ef á þyrfti að halda. 

Í fyrri heimsstyrjöldinni áttu vopnaframleiðendur í viðskiptum yfir víglínuna til þess að græða á stríðinu og í Seinni heimsstyrjöldinni komst GM upp með það að láta Þjóðverjum hergögn í té allt fram til ársins 1943, enda hafði Henry Ford ekki verið feiminn við svipuð viðskipti við bæði Rússa og Þjóðverja allt fram til 1941. 

Nú síðast hefur myndast bandalag á milli fyrrum fjandmanna í Miðausturlöndum gegn ISIS-samtökunum og skondið er að heyra við upptöku stjórnmálasambands við Kúbu kröfur Kana á hendur Kúbumönnum vegna mannréttindabrota þar í landi á sama tíma sem vestrænar þjóðir blaka ekki við mannréttindabrotamönnum í olíuríkjunum við Persaflóa. 

Blair lagði lag sitt við Gaddafi

Athugasemdir

[Þorsteinn Briem, 24.1.2015 kl. 02:04]

[Þorsteinn Briem, 24.1.2015 kl. 02:05]

[Þorsteinn Briem, 24.1.2015 kl. 02:06]

19.1.2015:

Sádar segjast geta þraukað í að minnsta kosti átta ár þótt olíuverð haldist áfram lágt

[Þorsteinn Briem, 24.1.2015 kl. 02:08]

19.1.2015:

Iran sees no OPEC shift toward a cut, says oil industry could withstand $25 crude

[Þorsteinn Briem, 24.1.2015 kl. 02:09]

20.1.2015:

Statoil hef­ur ekki áhuga á Noregshluta Drekasvæðisins

[Þorsteinn Briem, 24.1.2015 kl. 02:12]

16.1.2015:

What game is the House of Saud playing?

[Þorsteinn Briem, 24.1.2015 kl. 02:16]

14.1.2015:

Natural gas: Turkmenistan faces competition from Russia as China's largest supplier

[Þorsteinn Briem, 24.1.2015 kl. 02:18]

Main foreign suppliers of energy to the European Union, 2012:

[Húsari. (IP-tala skráð) 24.1.2015 kl. 09:26]

Sæll Ómar.

Greinar höfðu verið með Heródesi og
Pílatusi (Lúkasarguðspjall 23:12) vegna
atburða í Galíleu er Pílatus felldi nokkra
meðal þeirra (Lúkasarguðspjall 13:1) en þeir
notuðu það tækifæri sem gafst til að gera upp
þau mál með því pólitíska sjónarspili að senda
Jesúm millum sín.

Vitanlega urðu þeir ekki vinir frekar en
hundarnir á nágrannabæjunum!