Skuldaniðurfellingin orðin að styrk til bankanna?

Karl Garðarsson alþingismaður vakti athygli á því á þingi með pappír upp á það í höndunum, að bankar og fjármálastofnanir væru nú að graðga í sig sem næmi nýgerðri "skuldaleiðréttingu til heimilanna" á þann hátt að halda uppi svo háum vöxtum, að skuldararnir fengju ekki krónu í sinn hlut.

Haldið er uppi vöxtum um 8% á sama tíma og verðbólga er nær engin.

Hvað skyldi síðan gerast þegar og ef verðbólgan fer af stað? Endar það þannig að "skuldaniðurfellingin" verði neikvæð eftir allt saman?  

Pínleg gagnrýni á banka

Athugasemdir

[Pakkakíkir (IP-tala skráð) 26.2.2015 kl. 13:54]

Bánkanum allt!!!!

[Jón (IP-tala skráð) 26.2.2015 kl. 14:08]

Hvenær ætla þingmenn framsóknar að fatta að þeir eru í stjórn ?

[Guðmundur Ásgeirsson, 26.2.2015 kl. 15:40]

Skuldaleiðréttingin verður ekki neikvæð ef Hæstiréttur virðir skuldbindingar Íslands samkvæmt EES-samningnum.

[Jón Ingi Cæsarsson, 26.2.2015 kl. 16:41]

Því hefur verið haldið fram að þeir sem hagnast mest á þessari aðgerð verði bankarnir.   Fyrsti forgangur í skuldaleiðréttingaferlinu er að tryggja þeim fyrstu innkomu upp í hitt og þetta.   M.a munu þeir sem búnir voru að semja um greiðslur í ákveðinn tíma og síðan yrði rest afskrifuð í fyllingu tímans ef eitthvað stæði útaf greiða allt að fullu því bankinn mun taka sitt í leiðréttingunni.

[Guðmundur Ásgeirsson, 26.2.2015 kl. 16:51]

Það er nokkuð til í þessu Jón Ingi.

Ef það væri hinsvegar farið að lögum um neytendalán við (dóma)framkvæmd leiðréttingar þá gætu lánveitendur alls ekki hagnast á því.

[ls (IP-tala skráð) 26.2.2015 kl. 16:56]

Langflest lánin sem voru leiðrétt eru verðtryggð með föstum vöxtum og því hefa núverandi vextir ekki áhrif á þau eða innáborgun ríkisins á þeim.

Það er svo allt annað mál að bankarnir séu að okra á okkur með ný lán og lán með breytilegum vöxtum (t.d. yfirdráttar- og kortalán).  Ég veit ekki alveg hvernig ríkið á að beita sér til að breyta því nema kannski að það breyti eigendastefnu sinni gagnvart Landsbankanum og láti hann lækka sína vexti.  En ég held að það sé ekki einfalt mál.

Rjúki verðbólgan upp koma að minnsta kosti ekki verðbætur á það sem ríkið er búið að borga.

[Maelstrom, 26.2.2015 kl. 17:06]

Áhugavert. Ég skil ekki alveg hvernig leiðrétting sem maður hefur fengið inn á lánið sitt getur orðið "neikvæð".  Ef verðbólgan fer af stað þá mun lánið mitt ekki hækka eins mikið og það hefði annars gert. Ég mun alltaf "græða" á því að hafa fengið leiðréttingu inn á lánið mitt, nema ef ég þarf að borga hærri skatta til að fjármagna leiðréttinguna.

8% vextir á hvað? Hver er að graðga í sig þessi 8%?

Skv. heimasíðu Landsbanka Íslands eru vextir í boði fyrir almenning (innlán bundin ef það er í boði):

Óverðtryggt fastir vextir:
Útlánavextir 6,75% Innlánavextir 5,8% Veðlánavextir 5,25%

Óverðtryggð breytilegir vextir:
Útlánavextir 6,00% Innlánavextir 3,45% Veðlánavextir 5,25%

Verðtryggt breytilegir vextir:  
Útlánavextir 3,65% Innlánavextir 1,9% Íbúðabréf: 2,81%

M.ö.o. þá er Landsbankinn að bjóða fólki að leggja pening inn á bundinn innlánsreikning og fá 5,8% fasta vexti. Á sama tíma er bankinn tilbúinn að lána íbúðarlán til 40 ára á 6,75% vöxtum. Það er minna en 1% vaxtamunur. Það finnst mér bara alls ekki svo slæmt. Þarna er verið að bera saman epli og epli. Reyndar er epli bankans til 40 ára en þitt epli er bara til 5 ára þannig að þú græðir á því.

Í verðtryggðu er bankinn tilbúinn að borga þér 1,9% vexti (+verðbætur) ef þú bindur innlánið.  Á sama tíma er bankinn tilbúinn að lána þér verðtryggt íbúðarlán á 3,65%.  Það er vaxtamunur upp á 1,75%. Bankinn hefði getað keypt íbúðarbréf (HFF44) og fengið 2,81% vexti á innlánapeninginn í staðinn fyrir að lána þér. Fyrir að lána þér íbúðarlánið er bankinn því að taka aukalega 0,84%.

Það er nú allt okrið.

*Flame on*

[Ómar Ragnarsson, 26.2.2015 kl. 18:19]

Karl Garðarsson nefndi ákveðið dæmi um 8% vexti og taldi að bankarnir væru með framferði sínu að stýra skuldurum inn í verðtryggð lán. 

Það er dálítið sérkennnilegt ef svo er, miðað við kosningaloforðin um að afnema verðtryggð lán. 

[Ómar Bjarki Kristjánsson, 26.2.2015 kl. 18:22]

Þetta var fyrirséð og reyndar marg varaði eg við og benti á þetta.

Það sem fólk lætur framsóknarmenn hafa sig að fíflum.

[Þórir Jóhannsson (IP-tala skráð) 26.2.2015 kl. 23:30]

Kannski ekki alveg sama mál en talandi um styrkveitingu til fyrirtækja: https://www.youtube.com/watch?v=NsuzBKQgvP4

[Hannes (IP-tala skráð) 28.2.2015 kl. 16:30]

"Arðsem­is­hlut­fall stóru viðskipta­bank­anna árið 2014 nam 14,6% og nær ekki þeirri kröfu sem Banka­sýsla rík­is­ins - sem gæt­ir hags­muna al­menn­ings fyr­ir hönd rík­is­ins - ger­ir til lang­tíma­arðsemi eign­ar­hlut­ar síns sömu bönk­um. Banka­sýsl­an ger­ir kröfu um 14,7% lang­tíma­arðsemi eig­in fjár þeirra fjár­mála­fyr­ir­tækja sem ríkið á eign­ar­hluti í."     http://www.mbl.is/vidskipti/frettir/2015/02/28/na_ekki_ardsemiskrofu_rikisins/