Hvernig væri að birta og lesa orð Árna Páls?

Það vill svo til að ég hlustaði í þau orð Árna Páls Árnasonar í gærkvöldi á Hringbraut sem snerta hugsanlega aðild að ESB. 

Hann sagði að vísu að minnsta kosti tvisvar að hann hefði alla tíð "nært með sér efa" um hvort ganga ætti þar inn. 

En útskýrði það síðan með því að aldrei ætti slíkt að vera trúaratriði heldur að markast af hagsmunum þjóðarinnar hverju sinni. 

Endurtók síðan það sem hann hefur áður sagt, meðal annars við síðustu kosningar, um þann tíma fyrir öld þegar Íslendingar höfðu gjaldgengan alþjóðlegan miðil, krónu sem var fest við dönsku krónuna, og sagði einnig að hann hefði ekki skipt um þá grundvallarskoðun að að því hlyti að koma að við yrðum að hætta við krónuna og að rétt yrði að ganga í ESB. 

Nú spretta upp menn sem segja að Árni hafi sagst vera á móti aðild að ESB og meira að segja hafi hann skipt um skoðun núna í hádeginu og étið allt ofan í sig! 

Það er bara ein leið til að skera úr þessu: Að birta textann úr viðtalinu við Árna Pál orðréttan. 

„Fráleit útlegging á því sem ég sagði“

Athugasemdir

[Þjóðólfur í Fjármagnsskarði (IP-tala skráð) 6.3.2015 kl. 19:27]

Karlinn undir klöppunum
klóraði sér með löppunum,
en er fjas hófst um höftin,
og forn axarsköftin,
fauk upp fjárinn með töskur á tröppunum!

http://www.mbl.is/vidskipti/frettir/2015/03/06/fauk_i_bjarna_a_troppunum

[Ómar Bjarki Kristjánsson, 7.3.2015 kl. 00:14]

Já.  Sérkennileg fréttamennska.

Því slegið upp ítrekað að maður hefði haft efasemdir um ESB.

Þegar í samhenginu þetta er gert að aðalatriði viðtalsins, - þá er engu líkara en menn séu barasta að ræða trúmál þegar ESB ber á góma.

Tengist því líka, í beiða samhenginu,  hversu sérkennilega sumir innbyggjar hugsa gagnvart ESB.

Andstæðingar Evróðusambandsins hér uppi hafa barnalega afstöðu gagnvart viðfangsefninu.  

Ef maður hefði bara lesið eftir andstæðinga Sambandsins síðustu misseri og ár, - þá héldi maður að Evrópa hefði hrunið til grunna nánast í fyrra eða þar um bil og allt væri í kalda koli.

Hjá andstæðingum Evrópusambandsins er einhvernveginn ALLT ónýtt sem snertir ESB og Evru.  Allt.

Á hina hliðina,  tala andstæðingar Evrópusambandsins sífellt um að þeir sem telja aðild að ESB gagnist íslandi efnahags- og menningarlega séu að boða Paradís á Jörðu.

Þ.e.a.s., að umræðunni er oft stillt þannig upp af andstæðingum ESB líkt og um trúmálaþrætu væri að ræða.

Með þessu villa þeir um fyrir fólki því ESB er einfaldlega tæki sem ríki Evrópu hafa smíðað til að auðvelda og efla samskipti sín á milli í takt við nútímann.

Í raun er aðild að ESB alveg sambærileg, í breiðu merkingunni, spurningunni sem þurfti að svara í upphafi 20. aldar hvort Ísland ætti að fá sér síma.

Kostirnir við aðild að ESB og eiga aðild að símatengingu eru ótvíræðir.  Það er vísindalega sannað.

Það að vera á móti ESB, - það er í raun álíka vitlaust og vera á móti bóluefni.  Ekki nákvæmlega eins, - en andstæðingar ESB skyldu hugleiða þetta og reyna að átta sig á villu síns vegar.

[Jón Steinar Ragnarsson, 7.3.2015 kl. 01:46]

Er nokkuð mál fyrir þig að birta þetta með að setja hlekk á þennan hluta viðtalsins.

hann svarar því ekki hvort hann sé harður á því að ganga í sambandið og viðrar efa sinn sem hann segist næra reglulega. Í tvígang kemur hann sér hjá því að svara þessu af eða á en klikkir út með að Ísland væri skelfilegur staður án ávinningsins af Evrópusambandinu, án þess að rökstyðja það frekar en eigandi við að hér væri verra umhorfs ef við hefðum ekki verið í EES öll þessi ár.

hér er þetta:

http://www.hringbraut.is/sjonvarp/klippur/arni-um-efasemdir/

[Þorsteinn Briem, 7.3.2015 kl. 07:44]

6.3.2015 (í gær):

"Páll: Þannig að hefurðu þessar efasemdir núna?

Árni Páll: Ég næri þær reglulega og ég er stöðugt að reyna að endurvekja þær því að auðvitað verður þetta alltaf að snúast um íslenska hagsmuni.

Skoðun mín er sú í dag að það sé langflest sem mælir með því að aðild að Evrópusambandinu sé farsæl leið fyrir Ísland.

Og stærsta ástæðan fyrir því er sú að Ísland væri skelfilegur staður án ávinningsins af Evrópusamrunanum."

Þetta sagði Árni Páll í viðtalinu við Pál Magnússon

[Hilmar Hafsteinsson (IP-tala skráð) 8.3.2015 kl. 00:23]

Hvernig væri að birta kennitölu Steina Briem?