"Bardagi aldarinnar," - a.m.k. þeirra 15 ára sem liðin eru af henni.

Árið 1910 fór fram fyrsti "bardagi aldarinnar" í hnefaleikum, það er, bardagi þeirra tíu ára, sem liðnar var þeirri öld. Árin reyndust fleiri, því að það liðu 26 ár þar til svipaður bardagi fór aftur fram. 

Þetta var bardagi þáverandi heimsmeistara í þungavigt, Jack Johnson, og fyrrverandi heimsmeistara, Jim Jeffries, sem hafði orðið að draga sig í hlé 1905 vegna þess að enginn andstæðingur fannst, sem gæti átt roð í hann. 

Bardaginn í Reno 1910 var ekki bara svona stór, af því að þetta voru langbestu hnefaleikararnir í sögu íþróttarinnar fram að því, heldur ekki síður vegna þess að Johnson var fyrsti svarti heimsmeistarinn en Jeffries var hvítur. 

Jeffries þurfi að létta sig úr 150 kílóum niður í 100 fyrir bardagann eftir sex ára hlé frá hringnum, og það varð honum um megn, - eftir 4. lotu fór hinn yngri maður, Johnson, að ná yfirhöndinni og vann í 15. lotu. 

Jeffries var rosalegur íþróttamaður á hátindi getu sinnar um 1900, - þessi vöðvastælti og 95 kílóa þungi maður gat hlaupið 100 metrana á innan við 11 sekúndum og vippað sér á þess tíma ófullkomna hástökkstíl yfir 1,80 metra. 

Hann bjó yfir einstakri blöndu af snerpu, hraða, höggþunga og þoli, en sex ára hvíld og þynging um 50 kíló auk vöðvarýrnunar af hóglífinu, var þessum 35 ára gamla manni ómögulegt að yfirvinna.

Eftir 4. lotu sást hvert stefndi. Hinn yngri Johnson, sem var á hátindi getu sinnar og bjó yfir bestu varnartækni þess tíma, tók smám saman völdin og gekk frá Jeffries í 15. lotu.

Margir voru drepnir í kynþáttaóeirðum um öll Bandaríkin í kjölfar þessa bardaga.  

Eftir 1910 voru nokkrir bardagar sem voru líka auglýstir sem bardagar síðustu aldar, t. d. Joe Louis - Max Scmeling 1938, Joe Frazier - Muhammad Ali 1970 og George Foreman - Muhammad Ali 1974. 

Það hefur verið beðið eftir uppgjöri Mayweathers og Pacquiao í mörg ár, og nú loksins verður af því. 

Maywether virðist hætta meiru fyrir bardagann, hann er ósigraður fram að þessu en "Packman" ekki. En ég tel að Mayweater muni græða meira á seinkuninni. 

Það hefur stundum verið sagt að uppgjör tveggja afburðamanna í hringnum verði magnaðra ef báðir eru ekki lengur upp á sitt besta, heldur á örlítillin niðurleið. 

Þess vegna hafi bardaginn "Thrilla in Manila" verið mesti bardagi allra tíma. 

Mayweather er stærri frá náttúnnar hendi en Manny Paquiao og þess vegna má búast við því að Manny tapi meira á því að hraðinn hefur minnkað hjá honum.

Auk þess býr Mayweather yfir bestu varnartækni, sem sést hefur í hringnum.

En þetta segir ekki allt. Dagsformið og heppnin geta eins og svo oft áður ráðið úrslitum.  

Borgar 140.000 krónur fyrir hverja máltíð

Athugasemdir

[Vésteinn Valgarðsson, 18.3.2015 kl. 00:31]

Hvað er að sjá, það er liðinn hálftími frá því þú skrifaðir þetta, og enn er þjarkurinn "Steini Briem" ekki búinn að skrifa neina athugasemd!

[Már Elíson, 18.3.2015 kl. 07:38]

St.Breim skrifar nú ekki mikið - Allt stolið og stælt, en er búinn að vera skæður undanfarið - Alger heilastappa í copy/paste, 30-40 kvikindi í hverju bloggi - Eitthvað er gengið á lyfjabirgðirnar og læknirinn í vetrarleyfi...

Annars....Merkileg og góð samantekt hjá Ómari sem endranær. Ekki vissi ég að Mayweather væri svona launahár, en hins vegar ekki mikið fylgst með boxurum í seinni tíð.

[Þorsteinn Briem, 18.3.2015 kl. 08:36]

Undirritaður þakkar gríðarlegan áhuga vesalinganna á undirrituðum.

[Húsari. (IP-tala skráð) 18.3.2015 kl. 10:04]

Sæll Ómar.

Bestu þökk fyrir fróðlegan pistil.

Sjálfsagt mun heppni og dagsform ráða einhverju
í þessum bardaga 2. maí.

Hallast að því að Manny Pacquiao taki þetta!

Svona lítur hver sínum augum á hlutina. Mér finnst
Mayweather sýna merki um slit og toll af óhófslífi
en Pacquiao virðist hafa sloppið fyrir horn eftir
viðskipti sín við Juan Manuel Marquez.
Vitanlega hefur það þó skilið sitt eftir.

Við verðum bara að bíða og sjá!