"Bara vandamál - engar lausnir !" ?

"...guðaveigar lífga sálaryl..." og "Látum því, vinir, vínið andann hressa..." orti "listaskáldið góða" sem sjálft var augljóslega áfengissjúklingur sem lést um langt um aldur fram af völdum slyss, sem langlíklegast var vegna drykkju.

Og ekki skorti þunglyndið hjá skáldinu sem hældi bölvaldi sínum í hástert á góðum stundum, sem urðu æ færri á síðustu árum hans. 

Sjá mátti á netmiðlum um daginn hneykslast yfir því að Kári Stefánsson og Íslensk erfðagreining leituðu eftir aðferð við að finna erfðamengið, sem ber áfengissýkina á milli kynslóða og talað í lítilsvirðandi tóni um það.

En Kári Stefánsson er ekki maðurinn, sem fann það upp að áfengisssýki væri arfgeng, - það hefur legið lengi fyrir.

Liza Minelli og Judy Garland eru meðal milljónum dæma um það.

Í auglýsingu um Toyota les Egill Ólafsson á sinn sérstaka hátt kjörorðið:

"Engin vandamál, - bara lausnir!"

Fyrir þá sem trúa á ljóðlínurnar "...guðaveigar lífga sálaryl..." og "Látum því vinir vínið andann hressa".. sem allsherjar og óbrigðula lækningu við deyfð og doða mætti vel lesa kjörorð sem byggist á reynslunni af slíku:

"Bara vandamál - engar lausnir."  

Liza Minnelli í meðferð

Athugasemdir

[Þorsteinn Briem, 19.3.2015 kl. 20:04]

Ef fíkngenið væri tekið úr okkur öllum myndu öll hagkerfi heimsins hreinlega hrynja, því þetta gen stjórnar allri fíkn, til dæmis fíkn í áfengi, kynlíf, eiturlyf, sígarettur, sjónvarp, fótbolta, útivist, súkkulaði, ferðalög og skemmtanir.

Fíkn getur því birst í ýmsum myndum og við verðum að læra að hafa stjórn á okkar fíknsortum.

Maður sem er sólginn í útivist getur líka verið mikill kynlífsunnandi og þetta getur farið ágætlega saman en náttúrlega farið úr böndunum eins og dæmin sanna.

Og sumir verða að láta útivist alveg eiga sig, sem og áfengi.

[NOXXX (IP-tala skráð) 19.3.2015 kl. 21:07]

Valdafíkn og grimm pólítík:

Þreytandi er þetta pex,
þandar taugar, bara  rex,
því er drengurinn Árni,
þó úr þykku sé járni,
svo þurrausinn,rétt eftir sex!

http://www.mbl.is/frettir/innlent/2015/03/19/fretti_af_frambodinu_klukkan_sex/

NOXXX

[Grímur (IP-tala skráð) 19.3.2015 kl. 21:29]

Manneskjunni er gefinn þessi einstaki hæfileiki til að velja

og muna eða afla sér upplýsinga um hvað valið hefur í för með sér

ég þekki margar sem hafa verið það þroskaðir að að velja að taka aldrei áhættuna

ég þekki líka þá sem hafa eftir margar dýfur tekist að halda sig á beinu brautinni og aðra sem hafa fallið frá snemma

"Syndin er lævís og lipur" ætti að vera skyldulesning fyrir ungmenni þessa lands