14.4.2015 | 20:29
Of stór frétt til að vera meðal helstu frétta?
Þessi bloggpistill er skrifaður tæpri klukkustund eftir að fréttatímum sjónvarpsstöðvanna lauk í kvöld. Ein frétt gnæfði þar upp úr í mínum huga og ég vildi því sjá hana aftur.
Leitaði fyrst í yfirliti yfir helstu fréttir á Stöð 2 og fann þessa frétt ekki þar, þótt mig minnti að hún hefði verið í fréttatímanum þar.
Renndi síðan í gegnum "helstið" hjá Sjónvarpinu og fann fréttina ekki heldur þar.
Fór þá í annað sinn inn í fréttatíma Stöðvar 2 og fann þessa stærstu frétt kvöldsins að mínu mati loks þar, vandlega falda inni á meðal annarra frétta aftarlega í fréttatímanum.
Þar kom fram í viðtali við Hrönn Egilsdóttir að um þessar mundir dælir mannkynið meiri koltvísýringi út í loftið en dæmi eru um að farið hafi í lofthjúpinn í allri jarðsögunni.
Þetta gerðist síðast fyrir 250 milljónum ára og þá olli útblástur frá eldgosum í Síberíu því að vegna þess að sjórinn tekur til sín fjórðung af kolefnunum sem eru i lofthnjúpnum, olli það svo mikilli súrnun sjávar að 96% af lífinu í honum drapst.
Núna er útblásturinn af mannavöldum meira en tvöfalt hraðari og meiri en hann var á hamfaraeldgosatímanum fyrir 250 milljón árum þegar 95% af lífríki jarðar eyddist og engin merki um að draga muni úr honum, heldur þvert á móti.
Ekki er að efa að þeir, sem mestan skammtímagróða hafa af því að aðhafast ekkert, muni verða fljótir að finna vísindamenn, sem muni ráðast gegn þessu atriði varnaðarorða við skefjalausum útblæstri með því að tína til allt það sem mögulegt er að nefna til að varpa rýrð á efni fréttarinnar yfirlætislausu í kvöld.
Nú gæti farið svo að í fyrsta sinn taki kona við embætti valdamesta manns heims, sem því miður reynist oft svo óskaplega valdalítill þegar kemur að atriðum sem hagga við völdum gróðaaflanna.
Bill Clinton sýndi að vísu tilburði á sinni tíð til þess að hlusta á Al Gore varaforseta sinn, en náði engum árangri.
Allir vita hvernig Bush yngri lét vísindamenn á launum frá olíuiðnaðinum drepa allt sem gæti slegið á veldi auðhringanna og Obama forseti er fyrst nú byrjaður að sýna þessum málum einhvern áhuga.
Héðan af mun hann litlu fá áorkað og því mæna margir til Hillary Clinton í von um að eitthvað fari að rofa til. Forvitnilegt verður að sjá stefnumál hennar.
|
Beðið eftir kosningaloforðunum |
| Tilkynna um óviðeigandi tengingu við frétt | |
Efni
RSSTónlistarspilari
Færsluflokkar
Tenglar
Valdir vefir:
- ÍSLANDSHREYFINGIN lifandi land Íslandshreyfingin - lifandi land
- http://
- Myndasafnið frá byrjun
- Hugmyndaflug ehf.
Myndaalbúm
Nýjustu myndir
Heimsóknir
Flettingar
- Í dag (22.11.): 66
- Sl. sólarhring: 66
- Sl. viku: 1310
- Frá upphafi: 10103203
Annað
- Innlit í dag: 56
- Innlit sl. viku: 1158
- Gestir í dag: 45
- IP-tölur í dag: 45
Uppfært á 3 mín. fresti.
Skýringar
Athugasemdir
Góður pistill Ómar.
Haukur Kristinsson (IP-tala skráð) 14.4.2015 kl. 21:31
Skilst að ný og vaxandi iðnríki heims,hirði ekkert um aðvaranir,eins og t.d. Kína.
Helga Kristjánsdóttir, 14.4.2015 kl. 22:36
Þetta er gjörsamlega út í hött og gott dæmi um þau gervivísindi sem nú grasser. Annars ættu menn að lesa ritgerð mína, „Að flýta ísöldinni“ en þar segi ég m.a. þetta um koldíoxíð:
„Á sama hátt og aldrei er talað um „endurhlýnun” heldur aðeins „hlýnun” er ávallt talað um koldíoxíð- „mengun”, aldrei nokkurn tímann eins og rétt er, um „hringrás”. Og sú staðreynd heyrist aldrei nefnd að þessi „lofttegund lífsins” streymir úr iðrum jarðar allan sólarhringinn í gífurlegu magni alla daga ársins ofansjávar og neðan og raunar ekki síst hér á Íslandi. Þetta nær hámarki í eldgosum, en þótt ekkert sé eldgosið streymir koldíoxíð upp frá jarðhitasvæðum jarðar allan ársins hring, ekki aðeins ofansjávar, heldur jafnvel enn frekar á Atlantshafshryggnum og öðrum slíkum eldvirkum neðansjávarhryggjum, sem ná meira en fjörutíu þúsund kílómetra neðansjávar í öllum heimshöfum í mörgum hlykkjum allt umhverfis jörðina. Á þessum hryggjum eru ótaldar þúsundir, ef ekki milljónir eldstöðva og loftventla, sem koldíoxíð streymir upp úr. Án þessa uppstreymis nýs koldíoxíðs mundi jurtalífið í sjó og á landi stórlega dragast saman, því það sem kemur frá mönnum, dýrum, fiskum, bakteríum og sveppum dugar engan veginn til. Jurtirnar eru gráðugar í koldíoxíð.
Hér kemur að dálítið merkilegu atriði: Enginn veit, eða getur vitað hve mikið náttúrulegt uppstreymi koldíoxíðs er. Mæling á uppstreymi lofttegunda úr jörðu er gífurlegum erfiðleikum bundin sem m.a. má sá á því að nýlega var tveimur aðilum falið að mæla uppstreymi brennisteinsvetnis frá Hellisheiðarvirkjun. Annar aðilinn sagði uppstreymið vera 5000 rúmmetra á sólarhring, hinn sagði það vera 80.000 rúmmetra. Hver sá vísindamaður, sem gefur frá sér áætlanir og yfirlýsingar um uppstreymi koldíoxíðs úr eldfjöllum og hverasvæðum ofansjávar og neðan allt umhverfis jörðina fer aðeins með getgátur gjörsamlega út í loftið og verður sjálfum sér og vísindunum til minnkunar. Enginn veit þetta og enginn getur mælt þetta. Það eina sem er öruggt er, að magnið er gríðarlegt. En af hverju er ekki settur „kolefniskvóti” á hverasvæði og eldfjöll Íslendinga? Ástæðan virðist harla einföld: Menn virðast almennt alls ekki vita um þetta uppstreymi, sem er þó lykilatriði í koldíoxíðhringrásinni. Kyoto- menn nefna það aldrei.
Sömuleiðis er aldrei talað um það gífurlega magn koldíoxíðs, sem kemur frá sveppagróðri og þeim bakteríum sem nýta súrefni, í höfum, í landi og í lofti. Þessir sveppir og bakteríur eru langflestar ósýnilegir, en allar þessar örverur framleiða koldíoxíð án þess að nokkur taki eftir því nema þá sem loftbólum í brauði eða ostum eða þegar freyðir í ölglasi. Allt sem deyr, jafnt ofansjávar sem í höfunum, frá smæsta grasstrái upp í stórhveli er leyst upp af þessum sveppagróðri og bakteríum og breytist að stórum hluta í koldíoxíð. Í höfunum kemur líka mikið frá fiskum og öðrum lífverum Margt smátt gerir eitt stórt, og menn ættu að hafa í huga að örverur eru meira en helmingur af því sem lifir, öllum lífmassa jarðar.
Um allt þetta tala þeir sem býsnast út af „súrnun sjávar“ aldrei. Það er út af fyrir sig rétt að vatn getur tekið til sín lofttegundir, súrefni, koldíoxíð o.fl. að vissu marki í hlutfalli við loftþrýsing og hitastig. Gróðurhúsamenn virðast hins vegar halda, að allt koldíoxíð í höfunum komi úr því agnarlitla magni sem er í andrúmsloftinu, þ.e. þeim ca 400 grömmum (ekki kílóum) þess sem finnast í hverju tonni gufuhvolfsins, og aukning þess um fáein grömm í hverju tonni muni breyta heimshöfunum í gallsúra eyðimörk!“
Vilhjálmur Eyþórsson, 14.4.2015 kl. 22:54
Mannkynið hefur haft mikil áhrif á umhverfið, land, vatn, sjó og loft, sem mannkynið lifir allt á, og mikil loftmengun er víða í heiminum, eins auðveldlega má sjá.
Miklu máli skiptir að minnka mikið mengun í heiminum og harla einkennilegt ef einhverjir eru á móti því.
Menn ráða því hins vegar að sjálfsögðu sjálfir hvaða skoðanir þeir hafa á alls kyns staðreyndum.
Vísindi byggjast á staðreyndum og alltaf verða til menn sem ekki vilja viðurkenna staðreyndir, til að mynda þá staðreynd að mikil loftmengun er slæm fyrir alla menn.
Það er aðalatriði málsins.
Þorsteinn Briem, 14.4.2015 kl. 22:56
Ritgerðina í heild sinni má lesa hér: http://vey.blog.is/blog/vey/entry/1639746/#comments
Vilhjálmur Eyþórsson, 14.4.2015 kl. 22:56
3.3.2015:
China pollution documentary goes viral attracting at least 155 million views
Þorsteinn Briem, 14.4.2015 kl. 22:57
6.3.2015:
Um 200 milljónir Kínverja hafa séð heimildarmynd um mengun - Slapp framhjá ritskoðun
Þorsteinn Briem, 14.4.2015 kl. 22:58
10.3.2015:
"Vaxandi öfgar í veðri kunna að vera af völdum aukinnar mengunar í andrúmsloftinu.
Gríðarleg loftmengun, sérstaklega frá Kína, er talin hafa víðtæk áhrif á veðurfar víða um heim.
Þetta eru niðurstöður nýrrar rannsóknar bandarísku geimvísindastofnunarinnar NASA.
Í niðurstöðum NASA kemur fram að miklir stormar í andrúmsloftinu séu af völdum mengunar.
Hún hafi áhrif á háloftavindana og geti haft áhrif á þær kröppu lægðir sem menn upplifi nú."
Telja mengun valda öfgum í veðurfari
Þorsteinn Briem, 14.4.2015 kl. 22:59
24.3.2015:
"Zheng Guogang æðsti yfirmaður veðurfræðistofnunar Kína varar við að veðurfarsbreytingar vegna mengunar muni hafa mjög alvarlegar afleiðingar í Kína.
Veðurfarsbreytingar skapi alvarlega ógn og muni draga úr kornuppskeru og skaða lífríkið.
Kína mengar mest allra ríkja heims og því er spáð að losun Kínverja á lofttegundum sem valda loftslagsbreytingum muni ná hámarki innan 15 ára.
Zheng segir í viðtali við kínversku ríkisfréttastofuna Xinhua að verði ekkert að gert stefni Kína hraðbyri í hörmungar af völdum loftslagsbreytinga.
Hitastig vegna loftslagsbreytinga hafi nú þegar hækkað meira í Kína en sem nemur meðaltali í heiminum.
Þrátt fyrir að loftmengun mælist nú yfir hættumörkum í Peking og mörgum öðrum stórborgum þá hafa stjórnvöld ekki sett sér ákveðin markmið í að draga úr losun mengandi gróðurhúsalofttegunda eins og koltvísýringi.
Þetta geti leitt til meiri öfga í veðri, þurrka, meiri úrkomu og hærri lofthita, sem ógni rennsli fljóta og uppskeru."
Veðurfarsbreytingar skapi alvarlega ógn
Þorsteinn Briem, 14.4.2015 kl. 23:00
14.4.2015 (í dag):
Veðrið kostar tryggingafélög sífellt meira
Þorsteinn Briem, 14.4.2015 kl. 23:06
Sæll Ómar.
Hverjir hagnast svo mest á þessum gervivísindum;
hamfara- og heimsendaspám?
Þú þarft endilega að líta inní kaffi
hjá Páli Bergþórssyni!
(mér er sagt að hann eigi fulla þrjá poka af vínirbrauðum
og tebollum útí bílskúr hjá sér)
Húsari. (IP-tala skráð) 15.4.2015 kl. 02:30
http://co2now.org/
Matthías (IP-tala skráð) 15.4.2015 kl. 10:14
Ágætt video frá potholer54
https://www.youtube.com/watch?v=VUk0tm47yr8
DoctorE (IP-tala skráð) 15.4.2015 kl. 11:43
Gjálpargosið í Vatnajökli 1996 , skilaði þvílíkum efnum í andrúmsloftið,
að íslendingar í 100 ár og meira munu aldrei ná að jafna það í útblæstri.
Gosin sem komu eftir það, hafa alveg séð út um það, að við munum aldrei
ná þessari mengun. En gott að geta skattlagt það á almenning sem ekur
um á mengandi bílum. En þegar litið er til sögunnar, þá er það móðir
náttúra, sem hefur titilinn, sem mest mengandi skaðvaldur.
Ef við lítum á Íslandssöguna, þá sá móðir náttúra,
algjörlega um þetta sjálf. Hér er smá saga, bara af Íslandi...
9. og 10. öld
11. öld
12. öld
13. öld
14. öld
15. öld
16. öld
17. öld
18. öld
19. öld
20. öld
21. öld
Bara eldgosið í holuhraui, var svo svæsið, að það tæki bíla og
skipaflota okkar Íslendinga hundruð ár, til að ná þeirri mengun.
Ég ætla samt ekki að draga úr því að mannkynið eigi góðan hlut
í því sem er að gerast, en það er ekkert í líkindum við náttúruöflin.
Hún sér um sig, hvað sem hver segir.
Sigurður K Hjaltested (IP-tala skráð) 15.4.2015 kl. 22:22
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.