"SMÁTT Í SNIÐUM".

Jón Sigurðsson iðnaðarráðherra segir að álverið í Helguvík verði "smátt í sniðum". Hann notar þessi orð um álver sem byggt verður í tveimur 125 þúsund tonna áföngum og verður 250 þúsund tonn. Álverið í Reyðarfirði er 340 þúsund tonn, - frekar "smátt í sniðum." Álverið í Straumsvík er núna 180 þúsund tonn, - aðeins smærra í sniðum" og þarf þess vegna að næstum þrefalda það svo það verði samkeppnisfært. 

Já, STÓR-iðjan er svo "smá í sniðum", einkum þegar í ljós kemur í Helguvík, rétt eins og í Straumsvík, að það þurfi að stækka álverið í Helguvík í 500 þúsund tonn vegna þess að annars verður það ekki samkeppnisfært. Samtals verða álver Alcan ef það rís á Keilisnesi plús álverið í Helguvík 710 þúsund tonn og eftir stækkun i Helguvík alls 960 þúsund tonn.

Leggjum svo fyrirhugað álver í Þorlákshöfn við og útkoman er 1210 þúsund tonn, en 1460 þúsund tonn eftir nauðsynlega stækkun í Þorlákshöfn. Þessi smáu álver þurfa þá orku á við fjórar Kárahnjúkavirkjanir. Smátt í sniðum. Er ekki tilvalið að breyta orðinu stóriðja í smáiðja? Orwell hefði elskað það.

Athugasemdir

[Sigurður Þorsteinsson (IP-tala skráð) 7.4.2007 kl. 11:28]

Orðið risasmár er nýyrði í Íslensku, á það ekki við í þessu tilfelli

[Leifur Þorsteinsson, 7.4.2007 kl. 13:05]

Hátækni geirinn og upplýsingartækni. Guð verði þessum Linux púkum náðugur.

Því það kemur að því að þeir hafi ekki upplýsingar um hvar í ósköpunum þeir

fái eithvað að éta, því ekki þrífast þeir á gömlum lummum á netinu.

Einig er það staðreynd að elstu þekktu heimildir um stafrænar upplýsingar eru

frá árinu 5000 fyrir Krist burð. Svo hættið að röfla um nútima tækni.

Og það sem meira er mennirnir ráða einungis yfir 0 og 1 en drottin alsherjar

(náttúran) hefur yfir að ráða ACGT svo látið ykkur ekki detta í hug að þið aumu

homo sapiece hafið eitthvað að segj gagnvart náttúrinni.

[Hjálmar Bogi (IP-tala skráð) 7.4.2007 kl. 14:10]

Kæri Ómar

Ennþá byggir þú málflutning þinn á því að fjalla um hvað þér finnst aðrir slæmir í stað þess að segja okkur fólkinu hvað þú ert góður. Hvernig hyggst Íslandshreyfingin skapa tekjur í þjóðarbúið? Hvaða svæði vilt þú virkja og önnur friða?

   Það vakti athygli mína að þí nefnir ekki hugsanlega uppbyggingu orkufreks iðnaðar, álver við Bakka á Húsavík. Nú hefur Íslandshreyfingin þá stefnu að hætta við fyrirhugaðar framkvæmdir við Húsavík. Hefur stefna þín breyst og ertu á skjön við stefnu Íslandshreyfingarinnar? Hver er þín stefnavarðandi álver á Bakka við Húsavík?

   Enn hefur þú ekki svarað því hvernig þú skilgreinir orðið/hugtakið stóriðju? Hvað er stóriðja? Þú hefur enn ekki svarað því hvernig þú, Íslandshreyfingin hyggst bregast við fólksfækkun utan höfuðborgarsvæðisins? Enn hefur þú ekki svarað því hvaða stefnu þú hefur í atvinnumálum/-uppbyggingu á landsbyggðinni.

   Mér finnst málflutningur þinn sorglegur miðað við framsetninguna á þessari færslu hjá þér. Þú skrifar í hæðni og niður til fólks. Það hefur aldrei verið fólki til frægðar. Því legg ég til, viljir þú taka hlutverk þitt sem stjórnmálamanns sem þú vilt vera, alvarlega og svara þeim athugasemdum sem settar eru inn á síðuna þín. Það er óábyrg að gapa hér og setja fram fullyrðingar og fara með staðhæfulaust mál og svara aldrei fyrir sig. Því segi ég að málflutningur þinn sé sorglegur og sæmir þér ekki sem fjölmiðlamanna og annars ágætum manni.

[Sigurður Sigurðsson, 7.4.2007 kl. 15:13]

Kæri Ómar

Svona "lítil" álver eru bara smámunir. Alvöru álver eru amk 2 til 3 sinnum stærri.

En án gríns. Það hefur komið fram að til að álver séu í reynd hagkvæm og arðsöm þá þurfa þau að vera amk 500.000 tonna álver. Ef einhver er að tala um að byggja minna þá er það bara til að geta komist "inn" og síðan stækkað í hagkvæma stærð.  Þar sem tækninni hefur fleygt fram undanfarið við álframleiðslu þá þurfa starfandi álver að finna mótleik við allri nýju tækninni sem er miklu hagkvæmari en notað er við eldri álver og með margfalt meiri framleiðni. Allt  snýst þetta sem sagt um meiri gróða/tonn af framleiddu áli.  Aukin framleiðni er ef menn geta aukið verðmætaaukninguna og framleiðsluna með minni kostnaði/tonn af framleiddu áli. Ef einhver ætlar að byggja nýtt álver sem ekki er með bestu útkomu í kostnaði og gróða/tonn þá er eitthvað að.

[Steini Briem (IP-tala skráð) 7.4.2007 kl. 16:15]

STÓRIÐJA ÍSLENDINGA er hugvitið en Jón Sigurðsson iðnaðarráðherra er hugvitstola. Hann mun aldrei halda uppi eilífum selskap við nafna sinn á Austurvelli. Vegna gróðurhúsaáhrifa hækkar hitastig í heiminum um lágmark þrjár gráður á þessari öld og jöklarnir bráðna nú þegar ört, jökulárnar verða því horfnar eftir nokkra áratugi og því ekkert til að virkja, nema jarðhitinn, samkvæmt sérfræðingum Landsvirkjunar, Jarðvísindastofnunar og Vatnamælinga Orkustofnunar, meðal annars Árna Snorrasyni hjá Orkustofnun, í norrænu samstarfsverkefni sem hófst árið 2004 og lýkur í ár.

Ekkert rafmagn frá jökulánum lengur, margar ár, til dæmis Svarfaðardalsá, orðnar hreinar bergvatnsár og miðlunarlón við stórvirkjanir þar að auki orðin full af auri. Smávegis þó eftir af Vatnajökli, þriðja stærsti jökli í heimi, en þar eykst eldvirkni mikð með öllu landrisinu sem verður þegar jökulfargið fer af landinu, að sögn jarðfræðinga. Bæði lofthiti og sjávarhiti hafa hækkað hér verulega undanfarin ár og þessi vetur er sá hlýjasti í heiminum frá upphafi mælinga.

Ársframleiðsla álversins í Hafnarfirði er 180 þúsund tonn en framleiðslugeta hvers álvers hér þarf að vera mun meiri en 250 þúsund tonn á ári til að þau verði samkeppnisfær við álver í öðrum löndum, staðhæfði Rannveig Rist, forstjóri Alcan í Hafnarfirði, í viðtali við Viðskiptablaðið 12. janúar í ár: "Að okkar mati er það óheiðarlegt að fara út í þessa baráttu án þess að leggja öll spilin á borðið, ekki síst gagnvart okkar starfsfólki og íbúum Hafnarfjarðar. Þróunin í hinu alþjóðlega álumhverfi er með því sniði að álver víðsvegar um heim eru að stækka á sama tíma og minni álver eiga undir högg að sækja," sagði Rannveig.

Álverið í Reyðarfirði mun framleiða 320 þúsund tonn á ári og þá mun landsframleiðslan aukast um 1,2% en landsframleiðsla ferðaþjónustunnar hér er nú þegar orðin 6,3% af landsframleiðslunni, FIMM SINNUM MEIRI en álversins í Reyðarfirði verður. Og um 60% þjóðarinnar eru á móti þessu stóriðjufári, sem hefur valdið hér fjórum sinnum meiri verðbólgu en á evrusvæðinu í ár, heimsmeti í háum vöxtum, 305 milljarða króna viðskiptahalla í fyrra og fólksflótta frá mörgum landsvæðum. Hér verður aldrei hægt að reisa álver í hverjum firði og eyju, til dæmis á Vestfjörðum og í Vestmannaeyjum.

Þar að auki fara ferðaþjónusta og stóriðja engan veginn saman, að sögn Önnu Sverrisdóttur, framkvæmdastjóra Bláa lónsins, en heildartekjur þess voru 1,26 milljarðar króna í fyrra, þegar þangað komu 380 þúsund gestir, langflestir erlendir ferðamenn, og Bláa lónið veitir nú þegar vel á annað hundrað manns vinnu. Reykjanesgarðurinn getur auðveldlega fengið svipaða aðsókn og tekjur og Bláa lónið, til dæmis fær Þríhnúkagígur í lögsögu Kópavogs gríðarlega aðsókn bæði innlendra og erlendra ferðamanna árlega þegar búið er að veita aðgang að útsýni yfir hann.

Fljótlega verður lögð kappakstursbraut í Reykjanesbæ, sem verður samkvæmt alþjóðlegum stöðlum, 4,2 kílómetrar að lengd, og verkefnið nefnist Iceland Moto Park. Fyrsti áfanginn kostar 4,5 milljarða króna en brautarsvæðið verður byggt í áföngum. Gert er ráð fyrir ýmiss konar þjónustu í kringum brautina, til dæmis hóteli, veitingastöðum, kvikmyndahúsi, skemmtistað, heilsuklúbbi, ráðstefnusölum og áhorfendasvæði sem nota má til tónlistarflutnings.

Einnig liggja gríðarlega miklir möguleikar í Varnarsvæðinu við Keflavík, þar sem mörg þúsund manns geta unnið og búið í húsnæði af öllu tagi sem nú þegar er fyrir hendi. En hugmyndaleysið og lágdeyðan er algjör hjá Sjöllum og Framsókn. Árni Sigfússon, bæjarstjóri í Reykjanesbæ, með gullnámusvæði við nefið á sér en gerir ekkert nema bora í það.

Með allri landkynningu sinni og tónlistarsölu um allan heim er Björk Guðmundsdóttir á við mörg álver og lágmark 50 þúsund Framsóknarmenn, sem eru reyndar ekki lengur fyrir hendi. Og Björk berst gegn þessu stóriðjufári hér. Álverið í Hafnarfirði reyndi líka að kaupa velvild Hafnfirðinga með tónlistarflutningi Björgvins Halldórssonar og viðurkenndi þar með að íslensk tónlist hefur mun meira vægi í heiminum en íslensk álframleiðsla, bæði hvað snertir vit og peninga.

Tónlist Bjarkar og Sigur Rósar, ásamt íslenskri náttúru, drógu hingað 420 þúsund ferðamenn í fyrra, sem eyddu hér samtals 42 milljörðum króna, samkvæmt Ferðamálastofu. Þar að auki komu hingað tugir þúsunda erlendra ferðamanna með mörgum og stórum lystiskipum og erlendum ferðamönnum fjölgar hér gríðarlega ár frá ári. Í Kína og Indlandi, þar sem millistéttirnar fara stórum stækkandi ár frá ári, búa um 2,5 milljarðar manna og komi "einungis" eitt prómill þeirra hingað árlega yrðu það 2,5 milljónir manna.

Meðallaun í ferðaþjónustu eru hér hærri en í öðrum greinum, samkvæmt ársgamalli skýrslu Hagfræðistofnunar, og laun í ferðaþjónustu munu hækka hér enn frekar með auknum fjölda ferðamanna, alveg eins og laun í áliðnaði geta hækkað með aukinni eftirspurn eftir áli.

Og allir í veröldinni, sem eitthvað þekkja til Íslands, vilja koma hingað. Stóriðjusinnar segja að erlendir ferðamenn valdi hér mengun. Eigum við þá að bæta þeirri mengun við alla mengunina frá stóriðjunni, ef innlendir og erlendir ferðamenn hefðu einhvern sérstakan áhuga á að sjá hér stórvirkjanir, stóriðjur, heljarinnar möstur og raflínur út um allar koppagrundir? Þar að auki munum við öll aka um á rafbílum eftir nokkur ár, sem knúnir verða áfram af tiltölulega ódýru næturrafmagni. Bensín og olía eru ekki orkugjafar framtíðarinnar og þá orku sem við virkjum á annað borð eigum við að nota í mun skynsamlegri hluti en stóriðju. Aðalatriðið er ekki að selja hér sem mest af orku, heldur nýta hana sem best og fá sem mest fyrir hana.

Ef framleiða ætti vetni eða metanól, sem kæmi í stað alls bensíns og olíu sem bíla- og fiskiskipaflotinn okkar notar nú, þyrfti til þess 3,7 terawattstundir á ári, samkvæmt Braga Árnasyni, fyrrverandi prófessor. Þá myndi útstreymi gróðurhúsalofttegunda af mannavöldum hérlendis minnka um 57% frá því sem það er nú en talið er að úr vatnsorku og jarðhita hérlendis væri nú mögulegt að framleiða um 50 terawattstundir af raforku á ári.

Evrópusambandið hefur samþykkt að leggja gjald á mengun frá flugvélum frá árinu 2011, sem mun miðast við hlutdeild farþegaflugvéla á markaðnum. Mengun frá hverri flugvél sem flýgur yfir Atlantshafið er um 50 þúsund lítrar af koldíoxíði, eða svipað og einn heimilisbíll veldur hér árlega. Nú er þessi mengun utan við alla mengunarkvóta, því erfitt hefur verið að finna henni lögsögu. Gjaldið á að nota í koldíoxíðuppbyggingu, til dæmis skógrækt, og Gunnar Birgisson, bæjarstjóri í Kópavogi, hyggst nýta sér það.

En við getum ekki bannað flugfélögum að fljúga hingað með erlenda ferðamenn. Slíkt myndi brjóta í bága við alþjóðlega samninga sem við höfum nú þegar skrifað undir. Hins vegar gætum við látið erlenda ferðamenn greiða gjald fyrir að sjá náttúruperlur okkar um land allt, alveg eins og við getum og eigum að láta þá greiða gjald sem vilja nýta aðra náttúruauðlind hér, nytjastofna á Íslandsmiðum, sem hafa einnig alltaf verið í eigu íslensku þjóðarinnar. Það er engin þörf á að setja enn eina greinina í stjórnarskrána um það en sú steypa öll er enn ein vitleysan sem komið hefur frá Jóni Sigurðssyni iðnaðarráherra. "Stóriðjumeistari ríkisins, ekki meir, ekki meir!"

[Steini Briem (IP-tala skráð) 7.4.2007 kl. 17:24]

Sat þar í unaði Sigurðsson Jón,
smá þar bunaði lækjarspræna,
í raforkumunaði lá þar lítið flón,
Latabæ grunaði orku að ræna.

[óskilgreindur, 7.4.2007 kl. 18:07]

Ekkert fer meira í taugarnar á mér eins og það sem Hjálmar Bogi sagði hérna fyrr í athugasemdum. "Hvernig hyggst Íslandshreyfingin skapa tekjur í þjóðarbúið?" Hvaðan kemur þú? Ekkert væri verra en að stjórnmálaflokkur færi að ákveða hvaða atvinnugreinar og hvaða nýsköpun fólkið í landinu ætti að stunda. Þá erum við komnir aftur í gamla kommúnistan. Það er eins og fólk á landsbyggðinni geti ekki dottið neitt annað í hug, en að óskapast í ríkinu afhverju það kemur ekki til hjálpar. Ég er sjálfur úr sveit og af landsbyggðinni og þekki þetta mál því vel, en ekki beið ég eftir að ríkið kæmi og hvaðan af verra væri nú ef stjórnmálaflokkur færi að skoða þau mál. Ég einfaldlega ákvað að fara úr fyrir "the comfort zone" og gera eitthvað sjálfur. Ef stefna byggðalagana eða annarra er að sífellt byðja um ölmusu eða að vera hreinlega á "féló" þá eru foringjarnir út á landi illa staddir - eða þá að þeir eru fastir í hugsunarhætti 20 aldar og komast ekki út úr því mindsetti. Plís ekki lata mig heyra þetta oftar - það er marg búið að sýna framá að ríkið á ekki að vera að standa í atvinnuuppbyggingu og punktur.

[Hjálmar Bogi (IP-tala skráð) 7.4.2007 kl. 18:38]

Óskilgreindur

   Ég skrifa hér inn á þessa síðu til að eiga orðaskipti við Ómar Ragnarsson en hann svara mér ekki. Þú spyrð mig hvaðan ég er. Ég er frá Húsavík og ég kýs að búa þar ennþá. Þú lítur á málið svart og hvítt, óskilgreindur. Það er enginn að tala um að ríkið, stjórnmálaflokkar eigi að ákveða hvaða atvinnugreinar landinn á að stunda en heldur að hvernig ríkið hyggst styðja við ákveðnar atvinnugreinar og/eða framkvæmdir. Ríkið er eigandi á Landsvirkjun og því skiptir stefna ríkisins miklu máli hvað varðar framkvæmdir við Bakka á Húsavík. Viljum við einkavæða Landsvirkjun?

   Húsvíkingar eru ekki að bíða eftir því ríkið komi og "bjargi" Húsvíkingum og Þingeyingum. Það eru heimamenn sjálfir sem eru að vinna að framgangi mála, uppbyggingu orkufreks iðnaðar við Bakka á Húsavík, álver. Þaðer eru hins vegar flokkar eins og Íslandshreyfingin og Vinstrihreyfingin Grænt-framboð og stundum Samfylkingin sem vilja koma í veg fyrir að heimamenn nýti orkuna á svæðinu og koma í veg fyrir þessa atvinnuuppbyggingu og benda ekki á aðra raunhæfa kosti. Það er lítilsvirðing að segja að byggðalög séu að biðja um ölmusu eða lifi á félagsþjónustu. Það er alveg ljóst að stoðir byggðalög utan höfuðborgarsvæðisins eru veikari en þeirra sem eru á höfuðborgarsvæðinu. Því segi ég, þú talar af lítilsvirðingu og niður til fólks.

[óskilgreindur, 7.4.2007 kl. 20:09]

Hjálmar Bogi,

Það auðvelt lausn að benda á að ég tali niður til fólks með lítilsvirðingu. Það má reyndar vel vera að þér finnist það, ég er reyndar sjálfur af landsbyggðinni og ætti því að vera að tala mig sjálfan niður. Ég fór í sama barnaskóla og margir af mínu félögum út á landi fyrir 20 árum eða svo. Þeir ákváðu að vera eftir, ekki fara í háskólanám og frumkvöðlast. Þeir fá saltið í grautið niðurgreitt með styrkjum frá ríkinu, þannig að þeir geta haldið sér innan síns þæginarramma og ekki spáð svo mikið í hlutina - EKKI FYRR EN ÞEIR ATTA SIG Á SINNI STÖÐU OG ÞÁ OFTAST OF SEINT. Aftur á móti þá ákvað ég að hugsa þetta út frá þeirri þróun sem hefur verið í gangi í 20-30 ár, byggja upp fyrirtæki sem byggir á hugviti og þekkingu. En það er öðruvísi farið með mig þegar illa áraði hjá mér - þá kom ríkið og heimtaði að ég lokaði sjoppunni og borgaði alla skatta með nóinu. Á sama tíma eru þeir sem ákváðu að staðna upp í sveit sendir styrktarpeningar í formi niðurgreiðslan og fleira á silfurfati. Þannig virkar nú úrvinnsla ríkisins á málunum í hnotskurn.

Ef ég myndi kjósa að búa út á landi ennþá þá væri það lífstílsval hjá mér, svona svipað og ég gæti líka valið þann lífstíl að verða mótorhjólasnigill, jeppafrík, halejúamaður eða annað. Með þessu vali koma kostir og gallar, það er ljóst. Við getum ekki breytt því alþjoðaumhverfi sem við lifum og hræumst í. Við þurfum því miður að sætta okkur við að við erum hluti af stærri breytingum, sem er mikilvægt að skilja til að geta tekið ákvarðanir miðað við það. Að ákveða að lifa á Húsavík er líka lífstílsval - það getur alveg eins verið að ég geri það sjálfur einn daginn - en þá verður maður að geta það án þess að vera að væla og biðja ríkið um hjálp alla daga og skilja að ríkið á ekki að vera að styðja undir þau mál - það endar alltaf með ósköpum, við höfum seð það gerast í áratugi. EN ENN VERRA ER AÐ ÁKVEÐA AÐ ÞJÖSNAST UM OG OF Á NÁTTÚRUNNI ÞANNIG AÐ ÓAFTURKRÆFANLEGAR AÐGERÐIR VERÐI FRAMKVÆMDAR. Ég bara tel það ósanngjarnt gagnvart afkomendum okkar - það er auðvitað auðveld lausn til að leysa þann vanda sem maður kom sér í með því að ákveða að fylgja ekki þeim straumum sem eru í gangi, en því miður þá er það mjög ósanngjörn lausn gagnvart afkomendum okkar. Þetta er ekkert svart hvít kjaftæði - þetta snýst um að þessi þróun verði stöðvuð eða ekki. Hvernig heldurðu að málið verið eftir 100 ar ef allir myndu hugsa eins og þið á landsbyggðinni hugsið núna. Þa myndu allir þurfa að stunda "stuðning" við landsbyggðina eins og Smari Geirson sagði um daginn. Hvar heldurðu að náttúra landsins væri eftir þessi 100 ár ef þetta væri lausnin en ekki að fara út fyrir þann þægindaramma sem við erum í og gera eitthvað af viti, sem hefur sustainable lausn á málunum. Ut um allan heim er þetta að gerast, ein atvinnugrein er að hörfa fyrir annarri og það er alltaf sársauki þegar fólk þarf að aðlaga sig nýjum greinum. Það þurfa Húsvíkingar sjálfir að gera eins og annað fólk - EN Í GUÐS BÆNUM HLÍFUM NÁTTÚRUNNI FYRIR KOMANDI KYNSLÓÐIR OG VIRKJUM HUGVITIÐ Í STAÐINN. OG EKKI HALDA ÁFRAM AÐ VÆLA UM AÐ ENGAR LAUSNIR SEU TIL STAÐAR - ÞIÐ ÞURFIÐ AÐ SKAPA ÞAÐ SJALF - EN EKKI VÆLA UM AÐ RÍKIÐ EIGI AÐ FINNA LAUSNIRNAR. Það sem Húsvíkingar segja síðan alltaf til að afsaka sig - jú við prufuðum allar hugsanlega nýsköpun og það gekk ekki. Ég þekki þessi mál af eigin raun og veit hvernig var staðið af þessu. T.d. fór vinur minn og skráði fyrirtækið a Husavik því að þa gat hann sótt um styrk fra einhverjum atvinnuþróunarsjóðnum. Auðvitað gengur svollis sjóðasukk ekki og siðan kom í ljos að þetta dæmi gekk ekki upp (attum okkur a að 85% af öllum fyrirtækum sem sett eru af stað deyja innan 3 ar - það er general um allan heim). Siðan kemur í ljós að nýsköpun gengur ekki á Húsavik - no wonder.  

 Grunn vandamálið sem við erum að eiga við á landsbyggðinni er fyrst og fremst þekkingarleysi 

[Hjálmar Bogi (IP-tala skráð) 7.4.2007 kl. 20:10]

Gleymum því ekki heldur að bæði Steingrímur J. Sigfússon og Hjörleifur Guttormsson samþykktu að virkja fyrir austan á sínum tíma og flytja orkuna þvert yfir landið á Keilisnes. Myndu þeir samþykkja það aftur?

[Gunnar Th. Gunnarsson, 7.4.2007 kl. 21:03]

Enn og aftur skrolla ég yfir langhunda Steina Briem. Geturðu ekki farið að stytta þetta svo maður nenni nú að lesa eitthvað af þessari ræpu?

Um daginn gat ég í fyrsta skipti á ævinni tekið undir að einhverju leiti málflutning Árna Finnsonar þegar hann óskaði eftir því að fyrir lægi áform þeirra álfyrirtækja sem hér vildu byggja, hvort þau hyggðust fara fram á stækkun síðar meir eður ey. Þetta er alls ekki svo galin hugmynd hjá karli. Honum hlaut að hrökkva eitthvað gott til á endanum blessuðum. En það væri náttúrulega Ómari ekki að skapi, þá yrði slegið helsta vopn hans úr hendi.

[Guðmundur H. Bragason, 7.4.2007 kl. 22:33]

Verð að taka undir með þér Gunnar Th. með ruglufærslur Steina Briem. Þetta er lngu hætt að vera sniðugt og truflar kommentakerfið bara.

[Jón Valur Jensson, 8.4.2007 kl. 01:08]

Snjall pistill hjá þér, Ómar. En þegar hugsað er um "arðbær álver", hefur vitaskuld orkutaxtinn afar mikið að segja. Hér er hann á útsöluverði, þannig að þessir álrisar sækjast frekar eftir aðstöðu hér (með þetta lága raforkuverð, en góðu laun) heldur en í Suður-Ameríku, þar sem launataxtar eru langtum lægri, en raforkan mun dýrari. Sennilega eru þessi álver nú þegar mjög arðbær hér á landi, en mikið vill alltaf meira, og þegar Alcanmenn áttuðu sig á því, hve veikir Framsóknarmenn voru fyrir þessum "röksemdum" um nauðsyn stækkunar, þá tók auðvitað stífluna úr, og nú er keyrt á þessar stækkunarkröfur á öllum vígstöðvum -- hér á landi.

Læt þetta duga, en hef annars verið að ræða þessi mál, ekki sízt Framsóknarmennskuna í dæminu, í þremur greinum nýlega (þar af einni nýrri) á Moggabloggi mínu.

[Haukur Kristinsson, 8.4.2007 kl. 03:15]

það er vandlifað í þessum heimi, sumir vilja lítil fyrirtæki, sumir stór, aðrir sprota eitthvað, en ég vill svona álver, góð fyrirtæki og borga góð laun og eru í rekstri örugglega í 40 ár, svo ekki þarf maður að vera hræddur að missa vinnuna, að afgreiða ferðamenn held ég sé ekki eftirsótt að vinna við, enda næstum bara útlendingar sem fást í það,

[Steini Briem (IP-tala skráð) 8.4.2007 kl. 03:30]

STÆRÐIN SKIPTIR EKKI MÁLI, það veit kvenfólkið mæta vel og hefur alla tíð vitað. En enn hafa hellisbúarnir, nokkrir álkarlar, ekki áttað sig á því. Aðalmálið að hún Samfó litla geri sitt gagn, sem hún gerir svo sannarlega, og Stjórn hinna vinnandi og skapandi stétta kemst á stóran kopp með Ómari í vor, blóm og friður loks í landinu. Steini í góðum gír, konur allar brosandi út að eyrum, einnig Flateyringar með sín flötu eyru, en hellisbúarnir allir enn í myrkraverkunum, berandi fötur fullar af myrkri fram og til baka á Bakka, þeim sjálfum til yndisauka en engum til gagns.

[Teitur Atlason (IP-tala skráð) 8.4.2007 kl. 07:46]

Það er eitt sem ég hef alltaf saknað í umræðunni um álver á Íslandi en það er losun gróðurhúsalofttegunda frá þeim.  Þegar álverið á Reyðarfirði verður gangsett mun losun gróðurhúsalofttegunda  frá Íslandi tvöfaldast.  Þetta gerist á sama tíma og skýrslur frá virðulegum stofnunum verða æ ískyggilegri.  Auðvitað er þó skömminni skárra að nota "hreina" orku til að knýja þessi eiturspúandi álver en auðvitað verðum við að bera ábryrgð á þeirri mengun sem kemur frá Íslandi og sleppa þessu alveg. Nota okkar hreinu orku í eitthvað annað og uppbyggilegra.

[Þórður Ingi Bjarnason, 8.4.2007 kl. 09:19]

Sæll Haukur

Það getur verið mjög gaman og eftirsóttarvert að afgreiða ferðamenn.  Þar er maður úti á meðal fólks ekki innilokaður inn í kerskála álvers að kafna úr mengun og skít.  Ég skal bjóða þér vinnu hjá mér þegar ég opna mína ferðaþjónustu efitr mína útskrift í ferðageiranum.

[Jón Aðalsteinn Jónsson, 8.4.2007 kl. 09:40]

"Siðan kemur í ljós að nýsköpun gengur ekki á Húsavik - no wonder.  Grunn vandamálið sem við erum að eiga við á landsbyggðinni er fyrst og fremst þekkingarleysi" Skrifar óskilgreindur.
Það gerist æ algengara að sjálfskipaðir alvitringar álíti að ofan Ártúnsbrekku búi einungis barbarar ómentaðir og i besta falli heimskir sannlega vona ég að óskraður hafi ritað orð sin með humor í huga en efast um það. Hvað yrði sagt ef að setningin hljóðaði svona  
"Grunn vandamálið sem við erum að eiga við gagnvart nýbúum er fyrst og fremst þekkingarleysi " Það yrði allt vitlaust enda er setningin rökleysa, en það er sama rökleysa og ekki í lagi að halda þvi fram að á landsbygðinni sé aðalvandamalíð þekkingarleysi íbúa

[Þórir Kjartansson, 8.4.2007 kl. 09:47]

Það var aulalegt að heyra í Framsóknarformanninum þegar hann var að reyna að gera lítið úr niðurstöðum skoðanakannaninnar um stóriðjustopp. Þar fannst mér hann tala niður til kjósenda og það er ekki líklegt til árangurs. Við Hauk Kristinsson vil ég segja það að ég hef verið að selja ferðamönnum íslenskar iðnaðarvörur og handverk mörg undanfarin ár og það er mjög skemmtilegt og lifandi starf.  Það er ótrúlegt þegar lífsánægja fólks er alltaf talin vera eingöngu í samræmi við krónurnar sem koma upp úr launaumslaginu.

[Hjálmar Bogi (IP-tala skráð) 8.4.2007 kl. 16:46]

Kæri óskilgreindur

Hvers vegna þorir þú ekki að gefa upp nafn, mér leiðist að eiga orðastað við fólk sem gefur ekki til nafns. Fólk sem ekki gefur upp nafn á að sleppa því að skirfa inn á svona síður. Þér til upplýsingar þá hef ég lokið háskólanámi en fór aftur til Húsavíkur. Ég vil sjá Húsavík stækka, vaxa og dafna, þess vegna er það sorglegt að þeir sem bjóða sig fram til að fara með völdin ætla hefta framgang heimamanna í að skapa atvinnu fyrir fólkið og til að laða fólk til Húsavíkur. Það er engin lausn að benda á að þú talar niður til fólks á landsbyggðinni, þú sannaðir það með einna innleggi þínu að þú lítur á fólk á landsbyggðinni sem annars flokks fólk, þar liggur rót vandans. Það má ekkert gera út utan höfuðborgarinnar en sjálfsagt mál að stuðla að uppbyggingu á höfuðborgarsvæðinu. Samkvæmt kenningu þinni eru þeir sem eftir eru á landsbyggðinni heimskari en þeir sem voru skynsamir og fluttu til höfuðborgarinnar. Þessi málflutningur þinn lýsir afar einkennilegri tjáningarþörf og ákveðinni mannfyrirlitningu og er þér til vansa.

[óskilgreindur, 8.4.2007 kl. 19:45]

Hjálmari og Jón, eg er af landbyggðinni og veit jafnvel og þið hvað málin snúast um þar. Þetta snýst ekki um að eitthvað sé betra á höfuðborgarsvæðinu - eg bý ekki þar heldur. Þetta snýst um að þeir sem velja að búa út á landsbyggðinni velja það sjálfir og það er lífstíll. Með honum koma gallar og kostir. Eg tel t.d. mjög líklegt að ég flytji þangað aftur í bráð. En ég veit líka hvað kemur með því og ég ætla ekki að fara að berjast fyrir að eyðileggja náttúruna til frambúðar til að hafa salt í grautinn. Það er ósanngjarnt gagnvart komandi kynslóðum. Við getum ekki hugsað bara 5 ár fram í tímann.

[Hjálmar Bogi (IP-tala skráð) 8.4.2007 kl. 20:56]

Kæri óskilgreindur

Enn þorir þú ekki að segja til nafns, er það minnimáttarkennd? Ég vel á búa á Húsavík, þar er gott að búa en hér eru ekki sömu tækifæri til vaxtar fyrir fyrirtæki eins og á höfuðborgarsvæðinu. Spurðu sjálfan þig þeirrar spurningar hvers vegna höfuðborgarsvæðið stækka og þar fjölgar fólki en ekki á landsbyggðinni? Hvers vegna borgar ég meira fyrir vörur úr innkaupakörfunni en einstaklingur í Reykjavík? Við erum sammála um það að það er val að búa á landsbyggðinni en hvers vegna vilja stjórnmálamenn líkt og Ómar Ragnarsson og Steingrímur J. Sigfússon koma í vega fyrir atvinnuuppbyggingu heimamanna á Húsavík? Þér er ekki ljóst að stöðnun er afturför og þegar fólki fækkar og fækkar, minnkar þjónustan við þá "heimsku" sem eftir eru. Heimsku eins og kenning þín segir til um og heldur enn fram. Þegar Nesjavallavirkjun var byggð voru menn þá að hugsa aðeins 5 ár fram í tímann? Menn voru að hugsa um vöxt Reykjavíkur til frambúðar. Með uppbyggingu orkufreks iðnaðar, álvers við Bakka á Húsavík er verið að hugsa um vöxt og festu á Norðaustuhorni landsins. Álverið væri knúið rafmagni frá jarðvarmavirkjun.

[óskilgreindur, 8.4.2007 kl. 21:35]

eg get ekki seð hverju það skiptir hvort eg skrifa undir nafni eður ei. Við erum að ræða um ákveðin málefni og ekkert betra að blanda persónunum inn í það. Þá gæti það endað í skotgrafarhernaði og það er ekkert betra. Þetta er svona svipuð rök og fyrir skólabúningi.

Þú hittir naglann beint í höfuðið þegar þú nefndir Nesjavallavirkjun. Það er eðlileg framkvæmd vegna þess að hun sinnir þörfum landsmanna og það er mikilvægt að sé sinnt. Eg er nokk viss um að þið eruð með eihverjar veitur þarna á Húsavík sem sinna ykkar þörfum á heitu og köldu vatni, en auðvitað hlutfallega minni. Það hefur eflaust skapað einhverja vinnu hja ykkur eins og það gerði fyrir höfuðborgarbúa þegar Nesjavallvirkun var byggð. Eg veit í raun ekki afhverju þú ferð alltaf í svona mikla vörn gagnvart höfuðborgarbúum. Ég bý ekki þar og hef engan sérstakan áhuga á að vernda það svæði fram yfir annað. Ég reyni að lýta a þetta miðað við þjóðarhagsmuni og ekkert annað.

Málið er að hvert er verið að stefna í heild á landinu í sambandi við stóriðju, en ekki verið að tala um einhver einstök heruð eða bæjarfélög. Það er stóra spurningin. Eftir 10 ár þegar þarf að stækka a Husavík, eða þá að fleiri aðilar eru til staðar sem þarf að skapa salt í grautinn fyrir - ætlið þið þá að halda afram með sömu rök og hvar endar þetta þá eftir 100 ar? Og hvað ef allir beita sömu rökum - í Þorlákshöfn, Akureyri osfrv. Sérðu ekki hvert er verið að fara. Hvar a að setja línuna? Eg væri meira en lítið sammála því að reisa einhverja stóriðju á Húsavík, ef að það myndi þýða að þessi virkjanafíkn myndi stopp eða hægjast verulega á, en málið er að þetta er þægileg lausn og fólkið á landbyggðinni mun halda afram að stefna í þessa átt. Svo koma þessir og hinir og þetta verður einfaldlega of mikið einn daginn. Eg se það ekkert betri lausn að reyna að stoppa einhven tíman seinna og þá ekki í Húsavík, vegna þess að þú býrð þar og verður að gæta eigin hagsmuna osfrv.

Svo eru líka mikil ruðningahrif á þessu, sem kemur í samblandi við annað t.d. ofurvöxt banka. Er það skynsamlegt að fækka tækifærum í þeim þekkingargeirum (framtíðar framlegð þjóðarinnar mun koma úr þeim geirum) sem verða fyrir þessum ruðningsáhrifum, eða á frekar að reyna að gera Ísland að lítilli álnýlendu. Þú verður að afsaka að mér hryllir við þessari tilhugsun, jafnvel þó að ég skilji vel þessi rök sem þið hafið á Húsavík - og eflaust myndi ég reyna að gera það sama ef ég hefði gert þau mistök að "festa mig" í steypu á Húsavík.  

[Theódór Norðkvist, 9.4.2007 kl. 20:25]

Það er engin töfralausn að losa okkur við álbræðslurnar. Það væri vissulega fyrsta skrefið. Það sem þarf, er fyrst og fremst hugarfarsbreyting og í kjölfarið gjörbreyting á öllum lifnaðarháttum okkar.

Þetta þarf að gerast ekki seinna en í dag, í gær þyrfti það að gerast, ef það væri hægt.

Hér eru mínar tillögur:

1. Bannað verði að keyra í og úr vinnu á einkabifreiðum, að því tilskildu að það sé innan við 15 kílómetrar í vinnuna. Fólk getur hjólað, skárra er að taka strætisvagn á höfuðborgarsvæðinu, en nota einkabifreiðina. Ef veður er slæmt þá er hægt að sameinast í bifreiðar, eða hafa langferðabifreiðar. Ef fólk þarf að fara brekkur í vinnuna, þá er hægt að fá rafknúna mótora á reiðhjólin, sem kosta innan við 100.000 kr.
2. Lagður verði mengunarskattur á þá sem eiga jeppa. Það er bara flottræfilsháttur og umhverfissóðaskapur að vera á jeppa, a.m.k. á höfuðborgarsvæðinu. Ef fólk þarf að þvælast á hálendið, þá er hægt að skipuleggja ferðir þangað á langferðabifreiðum. Hvaða erindi á fólk annars á hálendið? Góna út í loftið?
3. Lausaganga búfjár verði bönnuð og farið verði í markvissar aðgerðir til að draga úr þeirri gegndarlausu hrossarækt sem nú tröllríður öllu landinu, sérstaklega Suðurlandi. Dregið verði úr óarðbærum búrekstri.
4. Lagður verði mengunarskattur á álver og þau látin greiða hæsta mögulega verð fyrir raforkuna og ekki lægra en 80% af því sem heimilin þurfa að greiða.
5. Sett verði af stað átak til að stórauka lífræna ræktun á ávöxtum og grænmeti. Landi verði úthlutað til þeirra sem búa yfir þeirri kunnáttu sem til þarf og raforkan verði niðurgreidd til þess iðnaðar.
6. Skógrækt verði stóraukin, jafnvel verði land sem nú fer undir búrekstur tekið undir hana.

Þetta þarf að gera og ekki seinna en strax, ef ekki á illa að fara. Við sáum hvað getur gerst í flóðunum á Suðurlandi í vetur.

[Ólafur Ragnarsson, 19.4.2007 kl. 22:52]

Ómar.þegar þú talar um"finnsku leiðina"er það þá kjarnorkuverin sem er verið að byggja þar sem þú átt við