Þurfa ekki að auglýsa frekar. Hvað um 17. júní í boði Vodafone?

Það er ekki að sjá að í neinu sé hægt að hrófla við bandarískum fánum beggja vegna bars með amerísku yfirbragði sem nær frá Austurvelli yfir í Austurstræti. 

Upphlaupið sem orðið hefur út af fánunum, vegna þess að þingmenn telja það óþolandi að ganga undir þessa fána á leið sinni inn í leiguhúsnæði í þessu húsi getur því bæði orðið til þess að fánarnir verði teknir niður, látnir vera þarna áfram, eða teknir niður og settir upp aftur á víxl. 

Til dæmis teknir niður þegar Alþingismenn fara til vinnu sinnar í húsnæðinu en settir upp aftur um leið og þeir fara úr húsinu. 

Hvað sem því líður hefur barinn fengið svo mikla auglýsingu að hún er hugsanlega mesta auglýsing sem svona fyrirtæki hefur fengið. 

Og það algerlega ókeypis.

Lítið samræmi virðist oft í viðbrögðum við auglýsingum fyrirtækja. Þannig sá ég enga athugasemd gerða fyrir nokkrum árum þegar hátíðahöld þjóðhátíðardagsins 17. júní voru "seld" og kynnt að þau væru í boði Vodafone.

Ekkert vantað þá nema að byrja að syngja þjóðsönginn svona:

Ó, Guð vors lands,

ó, Vodafón!

Vér lofum þitt heilaga, heilaga nafn...! 

Algjörlega „óþolandi“

Athugasemdir

[Haukur Kristinsson (IP-tala skráð) 17.4.2015 kl. 20:32]

Og Villi litli þarf ekki að auglýsa kjánaskap sinn frekar.

[hrefna coe (IP-tala skráð) 17.4.2015 kl. 21:46]

Er hugsanlegt að þessi fáni hefði verið eitthvað annað er Bandarískur að enginn hefði mótmælt.