Umbrot í breyttu umhverfi.

Fyrir tilkomu símans og loftskeytanna fyrir rúmri öld var hraðametið frá Austurlandi til Þingvalla fjórir dagar, sett í þeysireið Árna Oddssonar. Engin samskipti, munnleg eða skrifleg, gátu átt sér stað á meiri hraða.

Það er ekki lengra síðan að aðstæðurnar voru svona. 

Íslendingar báðu fyrir heilsu, velgegni og verkum konungs síns í kirkjum landsins vikum og mánuðum saman 1863 þótt kóngurinn væri dauður allan tímann og annar konungur kominn til valda.

Það er ekki lengra síðan. 

Á síðustu 130 árum hafa átt sér stað hraðar og stöðugar breytingar á högum þjóðanna sem enn í dag sér ekki fyrir endann á og skapa ný viðfangsefni og ný vandamál. 

Hið svonefnda gríska vandamál er eitt af þeim og snýst um aðstæður, sem breytt skipan allsherjarmála í einni heimsálfu, hefur leitt yfir þjóðir hennar.

Í hugann koma fræg orð Íslendings þegar álit nýtilkomins yfirvalds í Noregi birtist Íslendingum: "Heyra má ég erkibiskups boðskap en ráðinn er ég í að hafa hann að engu."  

 

Skref í átt að lokasamningi

Athugasemdir

[Haukur Kristinsson (IP-tala skráð) 7.5.2015 kl. 13:23]

Páll Vilhjálmsson fullyrðir í nafni Heimssýnar og á þeirra kostnað að gríski vandinn sé vandi EU í hnotskurn. Tómt rugl. Gríski vandinn er vandi þjóðar sem lifði um efni fram, svipað og Íslendingar gerðu og Hellenar mun aldrei geta borgað skuldir sínar, aldrei, ποτέ. Annaðhvort afskriftir skulda eins og Ísland varð njótandi, eða Grexit og gamla drakman + lepta. En það vill enginn, κανένας. Fyrir EU væri Grexit líklega tímabundið til framdráttar, en einnig Brexit. EU verður að stefna að og koma á sameiginlegu fjármála- og skattakerfi. Marmiðið er USE.

[Snorri Hansson, 7.5.2015 kl. 15:42]

Þetta gjörbreittist, fljótlega eftir að kýrin  steinlá  við það að fá í sig símskeyti.

[Haukur Kristinsson (IP-tala skráð) 7.5.2015 kl. 16:07]

Við værum enn í dag að biðja fyrir kóngsum, páfum sem öðru dauðlegu fólki vikum ef ekki mánuðum saman eftir að það hafi geispað golunni, hefði bændum á Suðurlandi heppnast að stöðva komu símans til landsins. Enn er í minnum haft reið bænda til Reykjavíku, í brakandi þurrki, allir blind fullir og ákveðnir að skera hausinn af Hannesi Hafstein.

[Ómar Ragnarsson, 7.5.2015 kl. 23:31]

Þetta er ekki alveg rétt með farið. Þetta var deila um forgangsröð, hvort kæmu á undan hinu, loftskeytin eða síminn. Bændurnir vildu fá loftskeytin fyrst, síðan símann. 

[Gunnar Th. Gunnarsson, 8.5.2015 kl. 00:49]

Hárrétt hjá Ómari. Hún er lífseig þessi bullsaga um meinta andstöðu bænda við fjarskipti.