Enn eitt "eitthvað annað."

Ef einhver hefði vogað sér fyrir rúmum áratug að minnast á þær hagtölur sem nú birtast um íslenska kvikmyndagerð, ársveltu upp á 15,5 milljarða og ársverk á við tvær álverksmiðjur hefði sá hinn sami verið hæddur og spottaður, þessar tölur kallaðar "fjallagrasa- og lopapeysuórar" og haft um þetta mesta hæðnis-skammaryrðið: "Eitthvað annað," gersamlega fráleitt fyrirbæri. 

Sama hefði átt við um margar aðrar skapandi útflutningsgreinar sem gefa nú gjaldeyri í milljarðavís eins og framleiðslu tölvuleikja og tónlistar. 

Verðmæti kvikmynda og annars menningarefnis meta þessi nátttröll í hugsunarhætti sem einskis virði og framleiðendur þess sem "lattelepjandi afætur á kaffihúsum í 101 Reykjavík" af því að afraksturinn verður ekki vegin í tonnum eða megavöttum.  

Skapar 1000 ársverk og á mikið inni

Athugasemdir

[Hilmar (IP-tala skráð) 3.6.2015 kl. 07:44]

Vá... kvikmyndagerð skilar störfum. 
Reyndar held ég að allar starfsgreinar myndu skila fleiri störfum, ef það fengi sömu styrki og kvikmyndagerð, 80.000 krónur á hvert starf á mánuði.

Ég er líka þess fullviss að stóriðja gæti skilað margfalt fleiri störfum, ef hún fengi 80.000 krónur með hverju þeirra. Plús, ef stóriðjan gæti líka látið gera sig gjaldþrota reglulega, eins og kvikmyndagerðin þegar verkið floppar.
Og skilið eftir slóð af ógreiddum reikningum út um allt land.

En, við skulum hugsa okkur að haturmönnum stóriðju tækist ætlunarverkið við að eyuðileggja þúsundir starfa í stóriðju, hver ætlar að niðurgreiða þessi nýju 1800 kvikmyndastörf?
Ríkið?
Varla, þegar búið er að slátra öllum mjólkurkúnum á altari atvinnulygara stóriðjuhatursins, þá verður engum skattgreiðslum að dreifa.

Síðan má velta því fyrir sér, hvað Evrópubúar eru að pæla, allt að 50% atvinnuleysi og enginn að spá í stórfelld útgjöld við niðurgreiðslu á nýjum kvikmyndastörfum. 

Boj ó boj... umræðan verður sýrðari og sýrðari með hverjum deginum.
Og heimskulegri....

[Bjarni Gunnlaugur (IP-tala skráð) 3.6.2015 kl. 08:37]

Fróðleg pæling hjá Marínó Njálssyni nýverið, þar telur hann að á meðan verið sé að greiða niður fjárfestingaskostnað þá standi virkjanir ekki undir sér.

Sömuleiðis bendir hann á að gömlu niðurfyrntu virkjanirnar standi undir nýju framkvæmdunum þannig að arður sem þjóðfélagið mætti vænta að fá af þeim, fer í að greiða tapið á þeim nýju.

Enn fremur fær hann það út að ef við hættum við allar virkjanir í dag og förum að greiða niður langtímalán Landsvirkjunar þá gæti þjóðarbúið fengið beinan arð upp á 100 milljarða á ári. http://marinogn.blog.is/blog/marinogn/entry/1753539/

Þannig að ef við Íslendingar tileinkum okkur langtímahugsun þá er nokkurs að vænta af þeim virkjunum sem nú þegar hafa risið en þó ekki næstu áratugina nema að við hættum að virkja.

Vilhjálmur Birgisson bendir aftur á móti á hve mikið sé í húfi að við blóðmjólkum álfyrirtækin ekki með of háu rafmagnsverði og hefur áreiðanlega mikið til síns máls þar sem í öðru.    Það er í raun ótrúlegt að hér skuli vera hægt að greiða nokkuð góð laun á íslenskan mælikvarða í álverunum þegar helsta samkeppnin kemur frá Kína og öðrum láglaunalöndum. Það sér hver maður að við þær aðstæður er ekki hægt að selja orkuna á hærra verði en þar.Raunar mun lægra verði ef ekki kemur annað til.

Ég held að virkjana og álsinnar ættu að geta tekið höndum saman við virkjanaandstæðinga í þessu máli og menn sættst á 10 til 15 ára virkjanahlé.  Þar sem það er óskynsamlegt að virkja meira út frá arðsemissjónarmiðum, þjóðin þarf pening og það semm fyrst.

Látum tímann vinna með okkur, svo er það náttúrulega alveg frábært ef að eftir 10 ár gætum við látið fallvötnin knýja heilbrigðiskerfið!

[Elín Sigurðardóttir (IP-tala skráð) 3.6.2015 kl. 08:41]

Nátttröllin voru nú öll á RÚV.  Þau sturtuðu öllu niður þar til Stöð 2 kom til sögunnar.  Samkeppnin varð til góðs.  Lattelepjandi afætur á kaffistofum hins opinbera hafa sannarlega unnið mikinn skaða. 

[Hábeinn (IP-tala skráð) 3.6.2015 kl. 09:20]

Já, það hefði verið frábært ef þær þúsundir Austfirðinga sem voru við það að flytja á höfuðborgarsvæðið vegna slæms atvinnuástands hefðu getað hinkrað í rúman áratug. Þá væru þeir núna allir stjörnur í fræðslumyndum um fjallagrasatínslu, tölvuleikjaframleiðendur og hljóðfæraleikararleikarar í Of Monsters and Men 2, 3, 4 og 5.

Annars er athyglisvert hvernig hvert starf sem orðið hefur til í rúman áratug eftir að mannhatarar töpuðu baráttunni gegn bættum lífskjörum, tekjum og störfum fyrir þjóðarbúið og Austfirði á að vera sönnun þess að orkuframleiðslan og stóriðjan hafi verið óþörf.

[Bjarni Gunnlaugur (IP-tala skráð) 3.6.2015 kl. 10:17]

Ég náði þessu ekki alveg hjá þér nafnlaus (Hábeinn) ertu að sýna fram á að rangt sé að tap sé á virkjunum á meðan verið er að greiða niður lánin?

Ég var aðeins veikur fyrir þeim rökum fljótlega eftir Hrun að við ættum að heimila meiri þorskveiðar til að komast út úr tímabundnum fjárhagserfiðleikum.  

Á nákvæmlega sama hátt held ég að við ættum að hætta að virkja til að fá mjög svo nauðsynlegan arð sem fyrst inn í þjóðarbúið. Hætta að fjárfesta í virkjunum a.m.k. næstu 10 til 15 árin. Nota tímann til að meta hvernig til hefur tekist, sérstaklega hvað varðar jarðvarmavirkjanirnar og svo náttúrulega risaframkvæmdina fyrir austan.

[Gunnar Rögnvaldsson, 3.6.2015 kl. 11:20]

DDRÚV er líka með rosalega veltu.

[Hábeinn (IP-tala skráð) 3.6.2015 kl. 12:07]

Ég var að svara Ómari en ekki þér Bjarni. En....."..að rangt sé að tap sé á virkjunum á meðan verið er að greiða niður lánin.."  Það gaf enginn okkur virkjanir og það sem fer í greiðslu lána er ekki tap, við erum að eignast virkjanirnar. Rétt eins og þegar þú kaupir sjónvarp á lánum þá eru greiðslurnar ekki tap.

"..Árleg arðgreiðsla Landsvirkjunar undir lok þessa áratugar gæti vel orðið allt að 20 milljarðar króna að því er stjórnendur fyrirtækisins fullyrða...Arðgreiðslur Landsvirkjunar á síðustu árum hafa yfirleitt numið 1,5 milljarði króna"  Ég vildi að ég væri að tapa svona skemmtilega.

[Haukur Kristinsson (IP-tala skráð) 3.6.2015 kl. 12:28]

Einkennandi fyrir orkufrekan iðnað, eins og hann kallast, er að nær engar stöður fyrir háskólamenntað fólk skapast.

[Hábeinn (IP-tala skráð) 3.6.2015 kl. 12:55]

Háskólamenntaðir starfsmenn ISAL eru um 70 og iðnaðarmenn um 120. Hjá Alcoa-Fjarðarál eru um 90 starfsmenn með háskólagráðu og svipaður fjöldi með iðnmenntun. Hjá Alcoa-Fjarðará vinna 450.

[Bjarni Gunnlaugur (IP-tala skráð) 3.6.2015 kl. 14:29]

Þú ert ekki alveg að ná þessu Hábeinn.

Á meðan tap er á virkjun þá greiðir hún ekki arð til þjóðfélagsins.

Á líftíma vatnsaflsvirkjunar er ekki tap vegna þess að hann er miklu lengri en tíminn sem fer í að greiða af lánunum.

Þess vegna gætum við Íslendingar komist í ágætan gróða af þeim virkjunum sem nú eru fyrir hendi (á c.a 10 árum) ef við hættum að virkja meira.

Með því að halda áfram að virkja þá erum við að fresta því að fá þennan gróða inn í samfélagið (þó vissulega sé óbeinn gróði talsverður sérstaklega fyrir þá sem græða á undirbúningi og sjálfri framkvæmdinni)

Þessi frestun á gróða gæti hæglega verið 20 til 40 ár.  

Þegar horft er til hve samfélaginu er mikil þörf á innspýtingu fjármagns, hve fórnarkostnaður frekari virkjanna getur orðið (t.d. með línulögn um hálendið) og hversu skynsamlegt er að gefa sér betri tíma í að meta áhrif af þeim virkjunum sem komnar eru, þá er einsýnt að skynsamlegasti kostur hvað varðar þjóðarhag er að snarhætta svo til öllum virkjanaframkvæmdum.

Auðvitað finnast alltaf einhverjir áróðurslobbíistar sem vilja telja okkur trú um annað, enda sjálfir með önnur gróðamarkmið en þau sem henta þjóðinni.

Ég fyrir mitt leiti er búinn að fá upp í kok af slíkum ruslaralýð.

[Haukur Krisinsson (IP-tala skráð) 3.6.2015 kl. 14:59]

Hábeinn (12:55). Mundi vilja fá að sjá í hvaða greinum háskólanáms þessir 70 hjá ISAL til dæmis eru menntaðir. Trúi þessu ekki.

[Hábeinn (IP-tala skráð) 3.6.2015 kl. 15:27]

Þú ert ekki alveg að ná þessu Bjarni. Endurgreiðslur lána flokkast ekki sem tap. Eignir aukast um sömu upphæð og lánin lækka. En það er hlægilegt að sjá að allir sem ekki eru sammála þér eru með önnur gróðamarkmið en þau sem henta þjóðinni og þeir sem græða á undirbúningi og sjálfri framkvæmdinni. Sumir sjá þær tekjur þjóðarbúsins af raforku sem verða til við notkun en koma ekki gegnum Landsvirkjun.

Haukur, http://riotintoalcan.is/?PageID=284    http://www.alcoa.com/iceland/ic/info_page/people_overview.asp

[Bjarni Gunnlaugur (IP-tala skráð) 3.6.2015 kl. 19:38]

Hver er þá punkturinn hjá þér Hábeinn?

Telurðu að áframhaldandi virkjanir muni valda því að þjóðin hafi þann arð af fjárfestingum í þessum  virkjunum sínum að hann nýtist til annars en að greiða niður lán af virkjunum?

Eða ertu ósammála þeirri fullyrðingu og hefurðu þá kannski einhver rök fyrir slíku?

Þjóðinni er bráðmál að greiða niður lán og veita fé m.a. í heilbrigðiskerfið, hvað mælir með því að fresta þeim möguleika að fara að fá arð (þó lítill sé í hlutfalli við fjárfestinguna) af virkjunum í stað þess að nota hann eingöngu í að búa til nýjar? Jafnvel um áratugi.

Ég kannast ekki við að halda því fram að allir sem vilja halda áfram að virkja séu að ota sínum tota, einhverjir eru bara svona sljóir tja, nema að þeir hafi góð rök fyrir áframhaldandi virkjunum. 

Þau vantar þá í að minnsta í athugasemdirnar hér.

Þar bætir Hábeinn nafnleysingi lítið úr!

[Hábeinn (IP-tala skráð) 3.6.2015 kl. 22:14]

Bjarni, þó hagnaður Landsvirkjunar fari enn að miklu leiti í greiðslu lána þá fara tekjur þjóðarbúsins frá þeim sem nota raforkuna beint í heilbrigðiskerfið, menntakerfið og annan rekstur ríkisins. Áframhaldandi virkjanir munu valda því að tekjur þjóðarbúsins vaxa. Tekjur sem ekki koma nema virkjað sé. Það er mikill misskilningur að halda að einu tekjur þjóðarbúsins af framleiðslu rafmagns séu sala þess. Fóturinn sem smíðaður er með rafmagni hjá Össur hf skilar hærri tekjum í þjóðarbúið en rafmagnið kostar sem fer í að smíða 100 fætur.

Og það sem var skáletrað í fyrri pósti er orðrétt úr þínum pósti. Þannig að það er undarlegt ef þú kannast ekki við það.

[Bjarni Gunnlaugur (IP-tala skráð) 4.6.2015 kl. 07:57]

Eitthvað áttu erfitt með að vinna með heimildir Hábeinn sbr að gera mér upp þá skoðun að ég telji að allir sem ekki séu sammála mér séu sjálfir með önnur gróðamarkmið en þau sem henta þjóðinni., þegar ég segi að auðvitað finnist áróðurslobbíistar sem séu sjálfir með önnur gróðamarkmið en þau sem henta þjóðinni.

Þú Hábeinn ert mikið til með fuss og svei málflutning en lítið af rökum.

Reynir að gera mönnum upp skoðanir sem þú telur þægilegri viðfangs en efnið sjálft. (Oft kallað að búa til strámann).

Þetta bendir til að þú hafir heldur lítið til þíns máls en samt hugsanlega áttu bara erfitt með að koma rökunum í orð. Þá þarftu bara að reyna að gera betur. 

 Það er talað um að um 4300 manns hafi framfæri sitt af áliðnaði með beinum hætti í dag. http://www.samal.is/media/almennt/Alidnadurinn-spurningar-og-svor.pdf    Þetta er svona um 2.6 % skattgreiðandi manna.

Ef fjölga ætti í raforkufrekum iðnaði um 50% þá erum við að tala um svona 1.3% skattgreiðandi manna m.a.v. árið 2013 væru það skatta og útsvarstekjur upp á 3.3. miljarða. (Ef þeir fengju meðallaun).http://www.fjarmalaraduneyti.is/frettir/nr/18310 

Segjum svo að óbeinir skattar séu 1.5 milljarðar af þessum hópi (rúml. 30% af heildar skatttekjum)  Þá eru þetta svona 4.8 milljarðar í beinar og óbeinar skattatekjur. Trúlega þó heldur ofmetið.

Svo eru það tekjurnar af málmbræðslunum sjálfum. Ætli álverin greiði ekki svona hvert fyrir sig um milljarð í skatt þegar best lætur. http://www.vb.is/frettir/82231/

Þarna er margt á huldu en gefum okkur að skattatekjur af stóriðju sé um 4 milljarðar á ári.

50% aukning í raforkuframleiðslu gæfi þá 2 milljarða í viðbót. 

Þannig yrðu væntar skatta og útsvarstekjur af starfsmönnum og stóriðjunni sjálfri um 6.8 milljarðar á ári, væri raforkuframleiðslan aukin um 50%. (Vissulega gróft reiknað)

Á móti kemur að alla vega 70 milljarða arður af núverandi virkjunum kemur ekki inn í ríkiskassann áratugum saman. (Sumir segja 100 milljarðar en eru þá líklega að gefa sér að raforkuverð hækki sem er sennilega óraunhæft vegna samkeppni við láglaunaþjóðir)

Á 30 ára tímabili héðan í frá yrði þjóðin líklega af rúmlega 1400 milljörðum, yrði haldið áfram að virkja. (m.a.v. að 10 ár taki að gera Landsvirkjun skuldlausa ef ekkert er virkjað)

Á sama tíma yrðu auknar tekjur upp á 210 milljarða.

Allt miðað við 50% aukningu á núverandi raforkuframleiðslu.

Ef haldið yrði áfram virkjanaframkvæmdum yrði þjóðinn  semsagt af um 1000 milljarða tekjum sem hægt væri að nota í annað en raforkuframleiðsluna sjálfa, á næstu 30 árum. 

Að þessum 30 árum liðnum yrðu tekjurnar á ári náttúrulega 50% meiri en erum við tilbúin að bíða þangað til?  Er fórnarkostnaðurinn ekki of mikill til að réttlæta slíkt?