Þolinmæðin þrautir vinnur .....

Aron Jóhannsson hefur mátt þola ýmsar ákúrur í gegnum tíðina fyrir að hafa ákveðið að spila frekar með bandaríska landsliðinu en hinu íslenska og verða þar með fyrsti og eini Íslendingurinn sem hefur spilað í úrslium á HM, kom þar inn á í einum leik með bandaríska liðinu en Ísland hefur aldrei komist í úrslitakeppnina. 

Aron ákvað að söðla um eftir langvarandi setur á bekknum hjá íslenska landsliðinu. 

Eftir HM hefur hann líka orðið að verma bekkinn meira en honum hefur líkað en beðið þolinmóður eftir að fá tækifæri. 

Og það kom upp í hendurnar á honum í kvöld og árangur þolinmæðinnar kom loksins í ljós. 

Þetta var ekki í vináttulandsleik heldur í átta liða úrslitum meistarakeppni Norður- og Mið-Ameríku og því mikilsverður áfangi fyrir Aron sem hægt er að óska honum til hamingju með. 

Mark og stórleikur Arons gegn Kúbu - myndskeið

Athugasemdir

[Gunnar Th. Gunnarsson, 19.7.2015 kl. 05:33]

Ég held að Aron hefur aldrei verið valinn í íslenska A-liðið. Það var því ekki um neina bekkjarsetu að ræða hjá honum.

[Tumi (IP-tala skráð) 19.7.2015 kl. 08:23]

Hann var rétt að byrja að skína í Danmörku þegar hann var kallaður í Íslenska landsliðið. Hann gaf ekki kost á sér vegna meiðsla og ákvað stuttu síðar að spila fyrir USA. Ég held að hann hafi frekar gefið sér að hann fengi ekki tækifæri með því Íslenska, sem gæti hafa verið rangt hjá honum. Það er líklega mun meira "kikk" að spila með sínu eigin landsliði en sem málaliði hjá öðru.