Hlýjasti dagur ársins kaldasti dagurinn í júlí?

Meðaltöl í veðurfari á Íslandi sýna, að að meðaltali er 20. júlí hlýjasti dagur ársins. 

Þess vegna skýtur svolítið skökku við að það skuli vera norðan garri og sjö stiga hiti í Reykjavík, sex stig á Akureyri og þrjú stig við Mývatn á þessum drottins degi og dagurinn kannski sá kaldasti í júlí að þessu sinni. 

En svona er Ísland í dag eins og sagt er og verður víst áfram. 

Um sumarsólstöður byrjar að dimma aftur og eftir 20. júlí byrjar að hausta, - að meðaltali. 

Jólasnjór í júlí

Athugasemdir

[Sigurður Þór Guðjónsson, 22.7.2015 kl. 21:47]

Hlýjasti dagur ársins "að meðaltali" frá 1949 er reyndar 8. ágúst en á þessari öld 10.ágúst. Og það er út i hött að tala um að fara að hausta eftir 20. júlí þegar meðaltal 30 dagana eftir þá dagsetningu er kringum 0,8 stigum hærra en meðltal 30 dagana fyrir 20.júlí.