Íslands þúsund ár

20.7.2015 | 23:14

Fáfengileg umræða um það að sumir fái lítið sem ekkert í sinn hlut.

Í stað þess að því sé fagnað að ágóðinn af stórfjölgun erlendra ferðamanna streymi um allt þjóðfélagið er nú kyrjaður barlómssöngur um allt land út af því að sumir fái minna í sinn hlut en aðrir, jafnvel ekki neitt.

Og enginn sé því aflögufær til þess að leggja fé í uppbyggingu og verndun verðmætanna, sem lokka ferðamennina til landsins.

Litla gula hænan á fullu.

	Þurfa „að skynja að þetta sé hægt“
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

"Bendir hann á að nú þegar sé áætlað að tekjur vegna skemmtiferðaskipa á Norðurlandi séu um 2 milljarðar á ári en þangað koma um 100 skip í ár.

Segir Pétur að þetta skiptist niður í hafnargjöld, rútukostnað, leiðsögumenn, verslun í minjagripaverslunum og aðra þjónustu.

Stærstu skipin eru með allt að þrjú þúsund farþega og því getur það haft talsverð áhrif þegar komið er til Akureyrar eða á fámennari staði."

Þorsteinn Briem, 20.7.2015 kl. 23:21

Árið 2012 voru útgjöld erlendra ferðamanna til íslenskra fyrirtækja samtals 238 milljarðar króna.

Þessi íslensku fyrirtæki greiða alls kyns skatta til íslenska ríkisins og þær þúsundir Íslendinga sem hjá þeim starfa greiða að sjálfsögðu einnig skatta til íslenska ríkisins, tekjuskatt og virðisaukaskatt, sem er með þeim hæstu í heiminum, af vörum og þjónustu sem þeir kaupa hér á Íslandi.

Svo og útsvar til íslenskra sveitarfélaga.

Erlendir ferðamenn greiða í raun alla þessa skatta með útgjöldum sínum til íslenskra fyrirtækja, 238 milljörðum króna árið 2012.

Og ekki þarf nema örlítið brot af öllum þessum sköttum til íslenska ríkisins til að stækka hér bílastæði við ferðamannastaði, bæta þar salernisaðstöðu, leggja fleiri göngustíga og viðhalda þeim gömlu.

Þorsteinn Briem, 20.7.2015 kl. 23:33

Fyrir allar kosningar gapir Sjálfstæðisflokkurinn um að lækka skatta en vill hækka skatta, matarskatta sem ferðaskatta.

Þorsteinn Briem, 20.7.2015 kl. 23:39

Ísland er eitt strjálbýlasta land í heimi og er þar í 235. sæti.

Röð landa eftir þéttleika byggðar

Hér á Íslandi dvelja um 1,3 milljónir erlendra ferðamanna á þessu ári, 2015.

Hver erlendur ferðamaður dvelur hér á Íslandi í eina viku og því eru hér að meðaltali nú í ár um 25 þúsund erlendir ferðamenn á degi hverjum allt árið á öllu landinu.

Um níu af hverjum tíu Íslendingum ferðast hér innanlands á ári hverju og gista að meðaltali tvær vikur á þessum ferðalögum.

Að meðaltali eru því um ellefu þúsund Íslendingar á ferðalögum hér innanlands á degi hverjum, einungis um tvisvar sinnum færri en erlendir ferðamenn.