Var hvort eð er í sjálfsvígshugleiðingum. Vitni dautt og málið dautt.

Nú á maður að fara að efast um að bloggpistill, sem ég skrifaði í gær, sé neitt nema tómt bull og getgátur hvað snertir Söndru Bland vegna þess að skortur var á "réttum" upplýsingum. Jafnvel rétt fyrir mig að játa mistök og biðja lögregluna í Texas afsökunar. 

Því að nú eru nýjar og "réttar" upplýsingar komnar fram og ekkert sem getur hrakið þær, því að málsefnið, Sandra Lee, er dautt.

Það er nefnilega búið að finna það út, að lögreglan vestra geti orðið laus allra mála vegna dauða hennar í fangaklefa.

Búið er að birta óhrekjandi gögn um að hún var hvort eð er í sjálfsvígshugleiðingum og hugsanlega að finna góða leið til að drepa sig svo að það liti sem best út fyrir hana.

Og segja löggunni frá því fyrirfram svo að eiðsvarnir hvítir menn gætu staðfest það eftir á.

Allt í fína lagi.

Að minnsta kosti hvað lögregluna snerti.

Færðar líkur að því að hún hafi ögrað lögreglunni með því að gefa ekki stefnuljós, hlýða ekki skipun um að slökkva í sígarettu og sparka síðan í lögreglumanninn svo að það væri öruggt að hún yrði handtekin og sett í fangaklefa þar sem hún gæti fargað sér, tryggt fyrirfram vitnisburð um þá ætlun sína og orðið fræg eftir dauðann.

Og til þess að ekki sæist á mynd nema að hluta til, hvað gerðist, að plata lögreglumannninn til þess að drösla sér út úr myndsviðinu þar sem mest gekk á, en sá hamagangur gat auðvitað allur verið henni að kenna. 

Pottþétt á líka að sjálfsögðu að vera, að vitnisburður lögreglumannanna og fangavarðanna er það eina sem mark er takandi á og það eina sem liggi fyrir.

Ekki hugsanlegur vitnisburður hjá sálsjúku blökkukvendi, sem hugsanlega var að framkvæma lymskulega sjálfsvígsárás á hvíta fólkið og sjálfsvígsárásir eru ekki vel séðar á okkar tímum. 

 

Það vitni nú dautt og því ekki hægt að yfirheyra það. Búið að klippa myndskeiðið til. Tilklippta myndskeiðið og vitnisburður löggu og fangavarða eru eina málsgagnið.

Svarta vitnið dautt og málið dautt.   

Var í sjálfsvígshugleiðingum

Athugasemdir

[Elín Sigurðardóttir (IP-tala skráð) 23.7.2015 kl. 11:25]

https://www.youtube.com/watch?v=1jrbAJxAoOM

[Pétur D. (IP-tala skráð) 23.7.2015 kl. 13:20]

Gott hjá þér Ómar. Og nú ættu allir aðrir að fylgja þínu fordæmi og biðja svínbleika, bandaríska lögreglumenn, sem hafa myrt fleir tugi af saklausum og óvopnuðum blökkumönnum allt niður í leikskólaaldur með köldu blóði, afsökunar á því að hafa kallað þá rasista á svívirðilegan hátt.

Þessir heiðvirðu hreinræktuðu arísku lögregluþjónar voru að sjálfsögðu að forða blökkufólkinu frá sjálfu sér, enda gæti það farið sér að voða.

[Björn Jóhann Guðjohnsen (IP-tala skráð) 24.7.2015 kl. 06:53]

Það er víða maðkur í mysunni...............

[Þorsteinn Briem, 24.7.2015 kl. 13:18]

Eiga þessir fjölmörgu punktar aftan við setningar í bloggum og athugasemdum hér á Moggablogginu að tákna eitthvað sérstakt?!