Tónninn var gefinn með kaupunum á DV.

Kaupin á DV hafa gefið tóninn um það sem gerast mun við kaup sama aðila á öðrum fjölmiðlum. Gefin er yfirlýsing um að ekkert hafi breyst við kaupin heldur muni útgáfan halda áfram, - en að sjálfsögðu muni nýr eigandi íhuga öll atriðið rekstursins í rólegheitum, þar á meðal starfsmannahald.

Á DV hófst síðan hægfara umbreyting blaðsins sem hafði í för með sér að verðlaunablaðamenn og reynsluboltar hurfu hægt og rólega og fengið var nýtt fólk í staðinn.

Í bloggpistli í fyrradag skrifaði Björn Bjarnason róandi pistil fyrir þá sem héldu að kaupin myndu gerbreyta miðlunum, sem keyptir voru upp núna, og fullyrti að ekkert breyttist við þetta.

En daginn eftir kvað við annan tón: Þá skrifaði Björn að Ingimar Karl Helgason hefði breytt sínu blaði í öfgavinstriblað og því nú yrði undið ofan af því.

Björn Þorláksson er eldri en tvævetur og veit vel hvað er að gerast, - ætlar því ekki að láta blekkjast og bíða eftir hinu óhjákvæmilega, heldur fara strax.    

„Ekki séns í helvíti“

Athugasemdir

[Ómar Bjarki Kristjánsson, 27.7.2015 kl. 19:26]

Svo mikil forneskja.

Álíka og þegar bara einhver einn gat eða mátti gefa út blað á 19.öld.  Yfirvöld áttu einfaldlega prentsmiðjuna.  

Það er ótrúlegt að meirihluti íslendinga hafi kosið þessa forneskju yfir land og lýð.  Samt er það satt.  Meirihlutinn kaus þetta.

[Elín Sigurðardóttir (IP-tala skráð) 27.7.2015 kl. 19:30]

Meiri dramadrottningarnar þessir flokksdindlar allir.  Þetta var auglýsingapési sem fór beina leið í tunnuna.  Síðan þarf maður að borga fyrir förgun á þessu drasli.  Ekki meir, ekki meir!

[Hilmar (IP-tala skráð) 27.7.2015 kl. 20:07]

Verðlaunablaðamenn?
Jú, mikið víst, vinstripressan verðlaunaði sjálfa sig út og suður og gerði með því gys að þjóðinni.
En nú eru sykurpabbar vinstripressunar að hverfa. Búið að dæla miljörðum á miljarða ofan í miðla sem ekki hafa skilað neinu.
Er það tilviljun að það hrynji undan vinstrimiðlum, á sama tíma og ESB hefur hætt að dæla peningum í ESB umsókn sem aldrei verður?
Hvaða hagsmunum Björn Ingi þjónar veit ég ekki, en þeir vinstrimenn sem emja nú og veina, geta huggað sig við, að þeir geta áfram stolið nefskattinum og haldið úti ógeðfelldum áróðri á Ríkisútvarpinu, og að Jón Ásgeir hinn dæmdi, hefur enn tögl og haldir á 365 miðlum.

Við munum þá tíð, að vinstrimenn á ríkisútvarpinu fengu nýráðinn fréttastjóra rekinn, af því að hann hafði ekki réttar skoðanir, og vinstrimenn börðust gegn því að dreifðri eignaraðild yrði komið á fjölmiðla, til að tryggja fjölmiðlafrelsi.
Það hentaði þeim ekki meðan þeir réðu einu og öllu. Meira að segja Mogginn var með ESB ritstjóra og gagnslaus í vörn gegn ofureflinu.

Eina sem ég get sagt þessu ágæta fólki er, að njóta samvistanna við Jón Ásgeir áður en 365 rúllar, og Ríkisútvarpsins á þar til hægrimenn finna sér nýja forystu með kúlur, sem er tilbúið að leggja það vinstrahreiður niður.

[Þorsteinn Briem, 27.7.2015 kl. 20:42]

Íslenskir "hægrimenn":

Hampa ríkisreknum fyrirtækjum, til að mynda Landsvirkjun, og vilja enn fleiri, til að mynda ríkisrekna áburðarverksmiðju.

Vilja endilega vinna hjá ríkinu, til að mynda Davíð Oddsson, fyrrverandi seðlabankastjóri og formaður Sjálfstæðisflokksins, og Friðrik Sophusson fyrrverandi forstjóri Landsvirkjunar og varaformaður Sjálfstæðisflokksins.

Tala sífellt niður til ferðaþjónustunnar hér á Íslandi, enda þótt hún sé í langflestum tilfellum rekin af einkafyrirtækjum.

Tala niðrandi um íslensk þjónustufyrirtæki, enda þótt þau séu í flestum tilfellum í einkaeigu.

Halda því fram að andrúmsloftið fari kólnandi, enda þótt jöklar bráðni sífellt meira, eins og dæmin sanna, og hampa mengun.

Vilja halda niðri öllum launum í landinu út í það óendanlega, þannig að kaupmáttur er hér minnstur í Norður-Evrópu og minni en í Suður-Evrópu.

Halda því fram að Evrópusambandið sé vinstri sinnað, enda þótt því sé stjórnað af mið- og hægriflokkum.

[Þorsteinn Briem, 27.7.2015 kl. 20:43]

23.11.2011:

"The European People's Party er langstærsti hópurinn á Evrópuþinginu en hann er bandalag hægri- og miðflokka.

Blái liturinn táknar að mið-hægri ríkisstjórnir fari með völdin í viðkomandi ríki:"

[Þorsteinn Briem, 27.7.2015 kl. 20:44]

"Fasistar sækja ýmislegt til bolsévismans, svo sem mikil afskipti ríkisvaldsins af atvinnulífinu.

Og orðræða fasismans einkennist af mikilli þjóðernishyggju."

Sem sagt, Sjálfstæðisflokkurinn í hnotskurn.

[Þorsteinn Briem, 27.7.2015 kl. 20:45]

Sjálfstæðisflokkurinn telur það væntanlega hægrisinnað að hækka matarskattinn.

[Þorsteinn Briem, 27.7.2015 kl. 20:45]

6.1.2015:

Launagreiðslur hér á Íslandi nú skattlagðar meira en áður

[Þorsteinn Briem, 27.7.2015 kl. 20:49]

Árið 2007:

Framsóknarflokkurinn (Bingi) - Árangur áfram, ekkert stopp!

Árið 2008:

Guð blessi Ísland!

[Ómar Bjarki Kristjánsson, 27.7.2015 kl. 21:17]

Á 19. öld leystu menn þetta, þ.e. einokun yfirvalda á prentvélum, með því að fara til Danmerkur og láta prenta þar og dreifa svo þaðan.  Menn verða kannski að fara að gera það líka núna til að losna undan ofríki og yfirgangi framsóknarmanna?

[Hilmar (IP-tala skráð) 27.7.2015 kl. 22:18]

Það segir svolítð að Bjarki og Breim geta tjáð sig (af lítilli getu, reyndar) á "hægrimiðlinum" Mbl, á meðan að vinstrimiðlarnir, Ríkisútvarp allra ESB krata og ESB miðill hins margdæmda, þagga niður alla umræðu sem ekki er í þeirra þágu.
Það er meira að segja látið óáreitt þó Ómar Ragnarsson ljúgi reglulega í blogginu.

Það segir okkur, að vinstrimönnum er ekki treystandi fyrir miðlum, og lýðræðinu sé betur borgið með því að leggja niður Ríkisútvarp allra krata.
Sá dæmdi fer náttúrulega sjálfur á hausinn, aftur, og engin þörf á að hafa áhyggjur af því.

Ég reyndar skil ekkert í þessum vinstrivitleysingum, þeir höfðu ótakmörkuð yfirráð yfir öllum miðlum, fjármagnaðir af ESB og sykurpöbbum, en náðu samt ekki að troða þjóðinni í ESB, og hafa  mesta áhyggjur af því að geta ekki flutt sinn áróður óhindrað áfram.

Hví halda þessir bjánar, að þjóðin byrji akkúrat núna að taka mark á þeim?

[Haukur Kristinsson (IP-tala skráð) 27.7.2015 kl. 23:02]

Hver er þessi Hilmar?

[Ómar Ragnarsson, 27.7.2015 kl. 23:22]

Ráðning fréttastjórans, sem nefnd er í einni athugasemdinni, og rangar upplýsingar sem gefnar voru um reynslu hans í fjölmiðlum, gekk svo fram af blaðamönnum almennt, að andstaðan gegn henni varð almenn innan stéttarinnar. 

Viðkomandi er enginn greiði gerður með því að rifja það dapurlega mál upp. 

[Hilmar (IP-tala skráð) 27.7.2015 kl. 23:48]

Vinstrimenn á Ríkisútvarpinu sýndu sitt ótrúlega skítlega eðli með framgöngu sinni gagnvart starfsmanni sem ekki þótti með réttar pólitískar skoðanir.
Tilklippt viðtöl, lygar og falsanir voru notaðar í framhaldi af yfirlýsingum starfsmanna, að þeir myndu ekki þola að þessi einstaklingur yrði ráðinn.

Það er nú staðreynd málsins, fréttamenn misnotuðu aðstöðu sína með ótrúlega grófum hætti í pólitískri baráttu.

Og öll vitum við eftirmálin. Engir fréttamenn eru ráðnir nema að hafa "réttar" vinstrisinnaðar skoðanir. Þess vegna á að leggja Ríkisútvarpið niður. Það er maðksmogið og ónýtt batterí.

[Jón Ingi Cæsarsson, 28.7.2015 kl. 07:32]

Nákvæmlega það sem á ekki að gerast á fjölmiðlum, eigandi og peningavaldið ætla að ráða ritstjórnarstefnunni.

Bingi er ljótur blettur á frjálsri fjölmiðlun, fótgönguliðar stjórnmálamanna mætttir til að leiða umræðuna með litla tindáta í forgrunni.

[Elín Sigurðardóttir (IP-tala skráð) 28.7.2015 kl. 10:11]

Menn hafa ekki mjög gott tóneyra ef þeir halda að einhver tónn hafi verið gefinn með kaupunum á DV.  Frjáls fjölmiðlun er sem betur fer ekki lengur í höndum keyptra blaðamanna.  Þeir eru ljótur blettur á frjálsri fjölmiðlun.

http://www.vb.is/frettir/108919/

[Anna (IP-tala skráð) 28.7.2015 kl. 12:00]

Frjáls fjölmiðlun á Íslandi er frekar fyndið fyrirbæri.Áður voru blaðamenn mellur auðvaldsins en núna eru blaðamenn á flótta undan flokksdindlum sem í skjóli þjófaflokks eru að kaupa restina af blaðaútgáfu.

Svo situr útúrruglaður hádegismóri að endurskrifa söguna með hannesi heimska gullrassi og jónguð jesúvalur

Það væri sniðugt hjá þessum flokkum að sameinast í fjölmiðlum,það yrði gífurlegur sparnaður,þá geta þeir sameinast um einn blaðabera á stórreykjavíkursvæðinu.

HÆTTIÐ AÐ KJÓSA ÞETTA GRÚTARLIÐ YFIR ÞJÓÐINA 

[Anna Sigríður Guðmundsdóttir, 28.7.2015 kl. 14:58]

Ætli fjölmiðlun á Íslandi geti orðið eitthvað ósannari en hún er í dag?

Sannleikurinn um kerfisbrenglun embættismanna-valdstjórnsýslunnar og sterabankanna er svo djúpt þöggunargrafinn, í fjölmiðlaumfjölluninni.

Ekki dettur mér í hug lengur að "hægri" eða "vinstri" hafi nein afgerandi áhrif á hvað skeður á Íslandi. Ég hef lært margt á síðustu árum. Sá sem ætlar sér að koma sínum skoðunum og sýn á framfæri vegna réttlætishugsjóna, þarf áfram að berjast við fordóma og áróður. Mannskepnan hefur ekkert breyst, þegar kemur að umburðarlyndi og virðingu fyrir réttlætinu.

Sama er mér hver er skrifaður fyrir fjölmiðlum opinberlega, því ég er ekki dómbær á það hver er hæfur í það ómögulega stjórnarhlutverk.

Ef heiðarlegar og sanngjarnar upplýsingar eru ekki takmarkið með fjölmiðlum, þá hafa þeir skaðlegan tilgang fyrir alla. Þöggun um raunveruleikann í samfélagi siðmenntaðra virðist á frumskógarlögmálastiginu, eða jafnvel á enn verra stigi?

Engri frumskógarskepnu dytti í hug að koma svona fram við sinn eigin dýraflokk, eins og falda vald mannskepnunnar á jörðinni hefur leyft sér í gegnum aldirnar. Mannúð og siðferðislegt réttlæti þarf ekki að tengjast trúarbragðaflokkum af neinu tagi, heldur hjartans vilja og sýn hvers og eins. 

Það kom út bók fyrir nokkru síðan, sem heitir: Hver á Ísland. Ég hef ekki lesið hana ennþá, en kannski ég láti verða af því núna. Fáfræði og fordómar eru hættuleg blanda fyrir velferð samfélaga.

M.b.kv.