LÍNUR SKÝRAST.

Sex framboð skiluðu inn gögnum í öllum kjördæmum í dag og á hádegi á morgun verður endanlega úrskurðað um gildi þessara gagna.  Baráttusamtökin náðu aðeins að skila inn gögnum í einu kjördæmi. Þar með stefnir í kosningar þar sem einn nýr flokkur verður í lykilaðstöðu til að koma í veg fyrir möguleikann á hreinni stóriðjustjórn. Á hádegi á morgun verður endanlega úrskurðað um gildi gagnanna sem lögð voru inn í dag og þá hefst hinn raunverulegi endasprettur sem öllu mun ráða.  

Athugasemdir

[Guðjón I. Guðjónsson (IP-tala skráð) 27.4.2007 kl. 14:22]

Kæri Ómar
Ef ég hef ekki verið nógu skýr í skrifum þá endurtek ég að það ert þú sem gerir mig að stóriðjusinna með látunum í þér og þessari ósanngjörnu baráttu þinni. Nú skora ég á þig að slaka aðeins á og semja frið við okkur hófsömu virkjanasinnana.

Kveðja, Gaui

[Morgunstjarnan (IP-tala skráð) 27.4.2007 kl. 15:54]

Ég vill fá þig á þing ómar! þú ert maður sem ert þjóð þinni og náttúru til sóma og það sem betra er ... að þú veist af því sjálfur og berð virðingu fyrir því!

[Kristján Pétursson, 27.4.2007 kl. 16:25]

Ég vona að þú komist á þing,en finnst fremur ólíklegt að sá staður henti þér.Þú ert maður aðgerða með góða framtíðarsýn fyrir land og þjóð.Vona að þið látið ekki íhaldið blekkja ykkur með einhverri frestun á byggingu álvera.Auðhyggju og græðgi er aldrei hægt að treysta,þar koma alltaf peningarnir fyrst,síðan fólkið og landið síðast.

[Guðjón I. Guðjónsson (IP-tala skráð) 27.4.2007 kl. 16:51]

Endilega, berjist við græðgina og auðvaldið, það er gott og blessað.
Byrjið nú samt á því að finna leið til að keyra bílana ykkar og fljúga flugvélunum ykkar á hinsegin tækni, einhverju hreinu.
Því miður eruð þið og munið áfram vera ánægð með hvern olíudropa sem þið fáið frá Írak.
Hvað er auðvald? Hvað er græðgi?

Kveðja, Gaui

[Heiðar Reyr Ágústsson, 27.4.2007 kl. 20:48]

Sæll Ómar, þú stóðst þig ágætlega í Kastljósinu í kvöld en auðvitað á Íslandshreyfingin að hafa það á stefnuskrá sinni að veita trúfélögum heimild til giftinga samkynhneigðra para. Treysti því að þið kippið þessu í liðinn.

[Ómar Ragnarsson, 27.4.2007 kl. 22:49]

Íslandshreyfingin hefur jafnrétti á stefnuskrá sinni á öllum sviðum þótt það sé ekki sérstaklega tekið fram um þetta tiltekna atriði.

[Kristján (IP-tala skráð) 27.4.2007 kl. 22:59]

Ómar! er það rétt skilið hjá mér að jafnrétti á öllum sviðum þýði það að ríkið skuli þá ekki reka þjóðkirkju því þar fer í berhögg við önnur trúarbrögð?

[Páll (IP-tala skráð) 28.4.2007 kl. 00:24]

EFtir kastljós kvöldsins kýs ég þig Ómar. Þú stóðst þig með prýði og D varð einu atkvæði fátækara í kvöld. Ég vona að þið náið manni inn.