Vinna nógu margir þarna?

Ef stórlega hefur vantað upp á réttar tölur hjá Hagstofunni varðandi raunverulegan útflutning til Rússlands, er tvennt í stöðunni:  1. Það eru ekki nógu margir í vinnu þarna og sú er ástæðan. 2. Þetta eru mannleg mistök, og þau gerast jafnt hjá litlum sem stórum. 

En það mátti svo sem láta sér detta nr 1 í hug því að ég hef það fyrir satt að við það halda Þjóðskrá eina vinni 90 manns, þar af 14 lögfræðingar. 

Kannski er það ekki nóg og að þar á bæ hafi menn verið að bregðast við atvikum eins og þeim, þegar vinur minn var strikaður út af þjóðskrá og taldist ekki lengur í tölu lifenda. 

Hef áður sagt frá því þegar hann sat í fangelsi í viku fyrir það að segja ekki til nafns, sem hafði verið bókað sem nafn dauðs manns!. 

 

Notuðu rangar tölur

Athugasemdir

[Hagstofa Íslands (IP-tala skráð) 19.8.2015 kl. 13:06]

Sæll Ómar,

Hagstofan notar tölur úr tollkerfi Tollstjóra til að vinna hagtölur um vöruviðskipti. Að sjálfsögðu þarf að leggja nokkra vinnu í að hreinsa þær tölur áður en þær eru birtar, en tölurnar verða aldrei betri en þær upplýsingar sem útflytjendur færa í tollskýrslur. Við höfum vitað að það eru einhver vanhöld á að útflytjendur tilgreini rétta endastöð fyrir útflutningsvöru sína og í sumum tilfellum er endastöð ekki þekkt þegar vöru er skipað upp í erlenda birgðageymslu. Nú er unnið að því að skoða hve þetta vandamál er stórt og er það gert með tilstuðlan og styrk frá utanríkisráðuneytinu, einnig er fyrirhugað í ljósi umræðunnar, og hve mismunurinn virðist mikill í tilfelli Rússlands, að beina því sérstaklega til útflytjenda að það er mikilvægt að þeir tilgreini endastöð vörunnar í tollkerfið.

Þjóðskrá er ekki hluti af Hagstofu Íslands og var færð frá Hagstofunni um mitt ár 2006 og hefur verið sameinuð Fasteingnaskrá undir nafninu Þjóðskrá Íslands. Hagstofan sinnir því eingöngu hagskýrslugerð.