Sannleikurinn er það fyrsta sem er drepið í stríði.

Þrátt fyrir vopnahléssamkomulagið í lok Kóreustríðsins 1953 er formlega í gildi stríðsástand á milli ríkjanna því enginn friðarsamningur hefur verið gerður. 

Það er orðtak að sannleikurinn sé það fyrsta sem er drepið í stríði en slík er áþreifanleg raunin í samskiptum Kóreuríkjanna, því að nýjasta yfirlýsing hins firrta leiðtoga Norður-Kóreu er sú, að þagga verði niður í "áróðri" Suður-Kóreumanna við landamæri ríkjanna eða öllu heldur vopnahléslínuna. 

Nú er það svo að áróður er oft byggður á ósönnum fullyrðingum og því illur í sjálfu sér ef gengið er langt í lyginni. En varðandi mismuninn á ástandinu í Norður-Kóreu og Suður-Kóreu þarf ekki annað en að segja sannleikann, og honum eru ráðamenn Norður-Kóreu sárreiðastir. 

Eitt besta dæmið um það að sannleikurin sé það fyrsta er drepið í stríð eru örlög Jesú Krists. 

Svar hans við lykilspurningu Pílatusar um það, hvaða erindi Kristur væri að flytja, - að hann væri "kominn til að bera sannnleikanum vitni" kostaði hann lífið á krossinum.  

N-Kórea undirbýr stríð

Athugasemdir

[Pétur D. (IP-tala skráð) 21.8.2015 kl. 15:59]

Þetta er ekki rétt hjá þér. Í fyrsta lagi dó Jesús ekki á krossinum og í öðru lagi var hann dæmdur til krossfestingar því að hann var svikinn af prestunum Annas (sem Jesús kallaði "föður"), æðstaprestinum Kaífas og landstjóranum Antipas. Áður hafði Judas svikið Jesú til að sleppa sjálfur við refsingu, en það mistókst.

Pilatus hafði ekki í hyggju að krossfesta Jesú, þar eð hann gat ekki séð sök hans, en gerði það í lokin eftir svikin, sem gerðust eftir mútugreiðslur af hálfu Antipasar til Pilatusar. Svo að ef eitthvað hefur farið á milli Pilatusar og Jesú um hvað væri sannleikur, þá var það í öllu falli ekki það sem varð til þess að Jesús var bundinn við krossinn.

Jesús, Theudas(Barrabas) og Simon Zealot, höfðu verið handteknir formlega fyrir að vera falskir spámenn, en ekki lá dauðarefsing við því skv. rómverskum lögum. Dauðasakir Judasar og Simonar, hins vegar, voru þær að þeir höfðu gert uppreisn gegn yfirráðum Rómverja, en þar hafði Jesús ekki tekið þátt.

Varðandi N-Kóreu: Þótt Kim Jong-Un sé firrtur, þá er hann sennilega nógu klár til að sjá það út að ef hann lætur gera innrás í Suður-Kóreu, þá líður einræðisriki hans undir lok vegna suður-kóreanskra og bandarískra gagnárása.