Sektaðir á möl en ekki á grasi.

Eitthvað hafa sektirnar á bílunum, sem lagt var við BSÍ verið misvísandi og handahófskenndar.

Í frétt segir að bílarnir á grasblettinum hafi verið sektaðir, en þar sem ég gekk þarna í gegn nú rétt áðan, voru ekki sektarmiðar á þeim bílum, sem stóðu á grasblettinum næst götunni norðan megin, heldur á bílum sem stóðu á möl beint á móti sunnanmegin. 

Var ég einmitt að undrast þetta sérkennilega mat á aðstæðum, að verra væri talið að bílar stæðu á möl en á grasi.  

 

Sektaðir fyrir að leggja hjá BSÍ

Athugasemdir

[Þorsteinn Briem, 23.8.2015 kl. 01:42]

Myndin sýnir fjöldann allan af bílum sem lagt hefur verið á grasi.

Búið var að greina frá því að menn yrðu sektaðir fyrir að leggja ólöglega á Menningarnótt og bent á að fá ókeypis far með strætisvagni að miðbæ Reykjavíkur.

Og fyrr í sumar var greint frá hækkun sektar fyrir að leggja ólöglega.

[Þorsteinn Briem, 23.8.2015 kl. 02:01]

"Annars vegar er um að ræða stöðubrotsgjald vegna banns við að leggja ökutækjum nema á sérstaklega merktum stæðum, að eigi megi stöðva eða leggja ökutæki á gangstétt, gangstíg, umferðareyju, á gangbraut, gatnamótum, í merktu stæði fyrir leigubifreiðar eða á biðstöð fyrir hópbifreiðar.

Gjald vegna brots gegn ofangreindu hækkar úr 5.000 krónum í 10.000 krónur.

Hins vegar er um að ræða stöðubrotsgjald ef ökutæki er lagt í merkt stæði fyrir bifreiðar fatlaðs fólks.

Gjald vegna brots gegn ákvæðinu hækkar úr 10.000 krónum í 20.000 krónur."

[Ómar Ragnarsson, 23.8.2015 kl. 04:21]

Það er ekki verið að efast um að sekta ætti við að leggja ólöglega heldur hitt að bílar á grasinu sleppa, en aðrir á möl ekki. 

[Gunnar Heiðarsson, 23.8.2015 kl. 07:13]

Kannski hefði verið snjallt hjá borginni að gera þetta svæði, a.m.k. malarhluta þess, að bráðabyrgðarbílastæði, svona rétt á meðan hátíðin gekk yfir. Og hugsanlega mætti finna fleiri slíka bletti nærri miðborginni, sem hægt væri að nýta sem bráðabyrgðarbílastæði þegar stórum hluta miðborgarinnar er lokað fyrir umferð.

Þetta þarf ekki að kosta mikið, mokkrar stikur með bandi eða borða á milli og síðan að auglýsa þessa staði í fjölmiðlum.

En hugsanlega þykir borginni bara betra að fá góða innspýtingu í bílastæðasjóð.

[Jónas Harðarson (IP-tala skráð) 23.8.2015 kl. 09:20]

Þetta er ekki ólöglegt svæði samkvæmt reglugerð sem þeir sekta eftir,umferðareyja eða svipað,en hérna í gamla daga var lögreglan í því að vísa inn á þessi svæði,eins og fyrir neðan Háskólann,en þetta er trúlega góð leið fyrir bæinn til að fá pening í kassan,en ég hef trú á því að þetta sama fólk og tekur þessar ákvarðanir fynnst trúlega sjálfsagt að leggja á svona túnum t.d þegar það fer á Bíldudals græna baunar hátíðina.já fólk utan höfuðborgarsvæisins er aðeins umburðarlindar gegn því hvar er lagt þegar hátiðarhöld eru í gangi.Ómar ætti að fara í rannsóknar störf með þessi mál.

[Þorsteinn Briem, 23.8.2015 kl. 13:39]

Að sjálfsögðu ætti einhver að vera í eftirliti með eftirlitinu, passa upp á að allir séu sektaðir sem ætti að sekta.

[Ragnar (IP-tala skráð) 23.8.2015 kl. 14:27]

Strætó er ekki valmöguleiki. Heldur aðeins í neyð enda gjalskrá á við útkölls tilvik. 400kr fyrir 6ára sem ættlar að borga með beinhörðum peningum. Og stræto kerfið hér er verra en strætó kerfi í fátækum löndum.  Þar er bæði margfalt ódýrara og hraðara kerfi en hér. Hvert sinn sem þessir aular sem stjórna strætó hér á landi sjá fækkun hjá þeim þá eikst kostnaður hjá þeim sem neiðast til að taka strætó. Strætó keyra tómir öllum tíma dags nema há annatímum segir bara eitt um hversu dýrt og ónýtt strætó kerfi á þessu skeri er. 

[Þorsteinn Briem, 23.8.2015 kl. 14:44]

16.8.2012:

"Áttatíu þúsund manns nýttu sér ókeypis strætó á Menningarnótt árið 2011."

Ókeypis far með strætisvögnum allan sólarhringinn á Menningarnótt

[Ragnar (IP-tala skráð) 23.8.2015 kl. 15:03]

Hvað með það þó frítt hafi verið í strætó! Það á ekki að vera frítt heldur langbesti kosturinn við ferða máta. Hvað varðar tíma. plön og kostnað farþega er það sem skiftir máli. Og stræto fær 0 í einkun fyrir þau öll. 

[Þorsteinn Briem, 23.8.2015 kl. 15:13]

Og þú færð núll fyrir stafsetningu, "Ragnar".

Notkun strætisvagna í Reykjavík hefur stóraukist.

[Ragnar (IP-tala skráð) 23.8.2015 kl. 15:23]

Hvað með það rotnaða ógeð?

[Þorsteinn Briem, 23.8.2015 kl. 15:41]

Um að gera að allir geti ferðast ókeypis með strætisvögnum á höfuðborgarsvæðinu allan ársins hring.

Og Ómar Ragnarsson passar upp á að þeir verði sektaðir sem greiða fyrir farið.

[Þorsteinn Briem, 23.8.2015 kl. 16:08]

22.11.2013:

"65% landsmanna eru jákvæðir í garð Strætó samkvæmt viðhorfskönnun sem Capacent Gallup gerði fyrir Strætó bs.

Þetta er aukning um rúm 11% á milli ára en árið 2012 voru 53,5% aðspurðra jákvæðir í garð Strætó.

Fjórðungur aðspurðra sagðist hvorki vera jákvæður né neikvæður gagnvart Strætó og 10% sögðust vera neikvæð."

Jákvætt viðhorf til Strætó eykst til muna

[Þorsteinn Briem, 23.8.2015 kl. 17:20]

28.8.2013:

"Á annað hundrað þúsund manns nýttu sér þjónustu Strætó á Menningarnótt sem fram fór í miðbæ Reykjavíkur á laugardaginn."

Fjölmennt í strætó á Menningarnótt