Meginatriðin hljóta að gilda.

Kristindómurinn tekur nafn sitt af Jesú Kristi, sem boðaði jafnrétti, að allir séu Guðs börn.

Hann boðaði umburðarlyndi og náungakærleika, talaði gegn dómhörku og bjargaði bersyndugu konunni frá því að verða grýtt.

Boðun hans var friðarboðskapur, "sælir eru friðflytjendur", og hann boðaði leit að sannleikanum, "sælir eru þeir sem hungrar og þyrstir eftir réttlætinu."  

Kristur boðaði ekki að konur ættu ekki að hafa málfrelsi á samkomum, heldur kom það síðar til.

Kristur var Gyðingur en Gyðingar áttu og eiga enn sem trúarrit þann hluta Biblíunnar, sem kristnir menn nefna Gamla testamentið.

En hann var uppreisnarmaður hvað snerti skilning á ýmsu því, sem finna mátti í Gamla testamentinu og rímaði ekki við meginhugsun boðunar hans.

Og hann gagnrýndi harðlega elítu landsins í trúarefnum, faríseana og fræðimennina.

Mannréttindaákvæði íslensku stjórnarskrárinnar eiga sér rót að stórum hluta í boðun Krists og meginatriði þeirra eru ekki aðeins landslög, heldur einnig meginatriði Kristinnar trúar.

Þegar þannig háttar til ber því prestum landsins ekki aðeins að fara að landslögum, heldur einnig að hafa í huga meginatriði boðunar Krists um kærleika, jafnrétti, umburðarlyndi og skilningsríka hugsun.

Fegurð er ágætt lýsingarorð um kristna kærleiksboðun og því eru tvær myndir, sem ég tók á leið yfir Elliðavog í kvöld á rafhjólinu Náttfara, til yndisauka, en á annarri þeirra er eins og að tunglið hangi á einum vírnum í annarri hjólabrúnni yfir Geirsnefið.     

Prestar vilja afnema samviskufrelsi

Athugasemdir

[Jón Valur Jensson, 27.10.2015 kl. 03:19]

Þú ættir að láta Biblíufræðin og guðfræðina eiga sig, Ómar, ert ekki sterkur á því svellinu, eins og blasir við af ranghugmyndum þínum.

[Elísabet (IP-tala skráð) 27.10.2015 kl. 04:24]

Falleg færsla nema thad med tunglid. Thad hengir aldrei a virnum og er langt fyrir ofan okkur. Svo er than bru ekkert sem eg kannast vid.

[Hjalti Rúnar Ómarsson, 27.10.2015 kl. 05:25]

"Kristindómurinn tekur nafn sitt af Jesú Kristi, sem boðaði jafnrétti, að allir séu Guðs börn."

Það er helber ímyndun að Jesús boði einhvers staðar "jafnrétti". Og hvergi finnurðu nein ummæli eignuð honum í guðspjöllunum um að "allir séu Guðs börn", og af ýmsum ummælum í guðspjöllunum er hægt að draga gagnstæða ályktun.

Þú ert með glansmynd af Jesú sem byggir á afskaplega mikilli "hlaðborðsnálgun" að Nýja testamentinu.

[ls (IP-tala skráð) 27.10.2015 kl. 08:54]

Umburðarlyndi er að leyfa öðrum að hafa rangt fyrir sér (t.d. prestum). Það skiptir þá ekki máli hversu sannfærður maður er um eigin skoðun.

Ég get hins vegar ekki skilið hver vegna hjónaleysi skildu vilja fá einhvern til að annast athöfnina sem ekki er til í það (hver sem ástæðan er).

[Elín Sigurðardóttir (IP-tala skráð) 27.10.2015 kl. 09:04]

Hungraður var ég og þér gáfuð mér að eta, þyrstur var ég og þér gáfuð mér að drekka, gestur var ég og þér hýstuð mig.  Jesú setur sig í spor allra sem líða og þjást.  Er það kannski ranghugmynd?  Alltaf heyrir maður eitthvað nýtt.  

[Jón Þórhallsson, 27.10.2015 kl. 09:56]

"Samkynhneigðir munu ekki GUÐSRÍKI erfa".

(Nýja-Testamenntið 1. Korintubréf 6.9).

http://thjodarskutan.blog.is/blog/thjodarskutan/entry/1356315/

[Elín Sigurðardóttir (IP-tala skráð) 27.10.2015 kl. 10:16]

Jesú var krossfestur vegna þess að hann átti ekki reglustiku.  Við erum búin að ná því Jón.

[Predikarinn - Cacoethes scribendi , 27.10.2015 kl. 10:45]

Ómar.

Ég get tekið undir með Jóni Vali að þér er verulega hált á svellinu í Ritningunnio og túlkun þín um víðan völl sannast sagna.

Kristur ávítaði prestana og fræðimennna fyrir það að fylgja ekki Rigningunni, heldur bua til nýjar kenningar og reglur sem ekki áttu sér stoð í Ritningunni og kallaði þær mannasetningar. Það er ljóst hverja hann myndi skamma og leiðrétta um þessar mundir meðal fræðimanna og presta á Íslandi, en það eru ekki þeir sem fylgja tillögu þeirri sem liggur fyrir um að afnema samviskufrelsi. Þá fengju þeir heilnæma fæðslu sem eru þeirri tillögu fylgjandi til að skilja hversu villur vega þeir eru að fara.

[Predikarinn - Cacoethes scribendi , 27.10.2015 kl. 10:51]

P.S.

Mér varð hált á svellinu í flýti mínum, vegna tímaleysis, en í setningunni :

„Það er ljóst hverja hann myndi skamma og leiðrétta um þessar mundir meðal fræðimanna og presta á Íslandi, en það eru ekki þeir sem fylgja tillögu þeirri sem liggur fyrir um að afnema samviskufrelsi. “

Þarna var orðinu „ekki“ ofaukið í upphaflegu setningunni og er það því ekki feitletrað í tilvitnuninni í inndregnu setningunni að ofan enda ljóst að það breytir merkingu þess sem ég vildi sagt hafa. 

Rétt er hún því svona :

„Það er ljóst hverja hann myndi skamma og leiðrétta um þessar mundir meðal fræðimanna og presta á Íslandi, en það eru þeir sem fylgja tillögu þeirri sem liggur fyrir um að afnema samviskufrelsi. “

[Ómar Ragnarsson, 27.10.2015 kl. 12:16]

Fróðlegt er að sjá þær ákúrur sem ég fæ vegna þess að ég hef haldið að mannréttindaákvæði íslensku stjórnarskrárinnar og mannréttindi í kristnum vestrænum þjóðfélögum væru í samræmi við kenningar krists.

Nú má sjá að til eru þeir sem telja þetta "ranghugmyndir."

[Predikarinn - Cacoethes scribendi , 27.10.2015 kl. 12:21]

Ómar 

Það er aðkoma þín og túlkun þar á.

[Hábeinn (IP-tala skráð) 27.10.2015 kl. 12:38]

Í nærri 2000 ár hafa menn deilt um hverjar séu kenningar Krists. Niðurstöðu er enn beðið.

En í ljósi þess að kirkjan og hennar dyggustu fylgjendur hafa ekki í gegnum tíðina verið leiðandi afl í mannréttindabaráttu og venjulega slegist í hópinn á síðustu metrunum þá leifi ég mér að efast um að kenningar Krists hafi nokkuð með mannréttindi að gera.

[Predikarinn - Cacoethes scribendi , 27.10.2015 kl. 13:10]

Ótrúlegt er innlegg Hábeins. Lítinn hefur hann skilning á Ritningunni og það sem hún færir okkur - það sést vel á samsuðunni sem hann setti inn 12:21 .

[Elín Sigurðardóttir (IP-tala skráð) 27.10.2015 kl. 13:58]

https://www.youtube.com/watch?v=0n_Ty_72Qds

[Ómar Bjarki Kristjánsson, 27.10.2015 kl. 15:32]

Jesú myndi sennilegast kalla málflutning ofsa-kristinna Mannasetningar ef hann kæmi í dag.   

[Jón Valur Jensson, 27.10.2015 kl. 16:08]

Ómarktækur ertu, Ómar ofurmælamaður Kristjánsson.

[Maynard (IP-tala skráð) 28.10.2015 kl. 08:08]

Já Ómar, Jón Valur er í beinu sambandi við guð og Jesú og veit því nákvæmlega hvað þeir feðgar hefðu um þetta mál að segja. Það er bara helber tilviljun að þeir eru sammála honum í einu og öllu!

[Húsari. (IP-tala skráð) 28.10.2015 kl. 10:29]

Sæll Ómar.

Það er voðalega lítið fjallað um
svonefnt Stjórnlagaráð í Biblíunni.
Er það skaði og mætti huga að því
við næstu útgáfu að henda Fjallræðunni út
og setja mannréttindakaflann inn í staðinn.

Þá fengjum við ekki Heiðnubiblíuna frá 1908
heldur Hálfvitabiblíuna 2018.

Myndirnar eru flottar hjá þér!