"Það er engin leið að hætta..."

"Það er engin leið að hætta" sungu Stuðmenn á sínum tíma þegar þeir límdu þessa setningu um Popplag í G-dúr inn í hausana á aðdáendum sínum.

Þótt mörgum hætti til að reyna að trúa öðru er ekki hægt að láta sem ýmsar yfirlýsingar ráðamanna séu ekki raunverulegur ásetningur sem verði framkvæmdur.

"Íslandsbanki seldur innan 2 ára" er ein slík yfirlýsing og þar með má búast við að sama muni gilda um aðra banka.

Bankarnir voru seldir 2002 og á árinu 2015 er engin leið að hætta.

"Það er ekki spurning um hvort heldur hvenær sæstrengur verður lagður milli Íslands og Bretlandseya" sagði forstjóri Landsvirkjunar á fundi fyrirtækisins fyrir tveimur árum.

Nú er búið að hnykkja á þessu á fundi með David Cameron og eftir það verður engin leið að hætta.

Það er sem sé hamast við að negla það og fullyrt að annað muni gilda hér en í Noregi þar sem orkuverð til innanlandsnota hækkaði um 40% með tilkomu sæstrengs.

Forstjóri Landsvirkjunar tekur gjarna samanburð við fiskútflutning og hækkun fiskverðs innanlands eftir að farið var að fljúga með fiskinn til útlanda, en láist að geta þess að fiskneysla er aðeins lítilll hluti af neyslu almennings hér á landi, en enginn kemst hjá því að kaupa raforku.

"Ríkisstjórnin styður það einróma að reisa álver í Helguvík" var ein allra fyrsta yfirlýsing núverandi ríkisstjórnar.

Hún hefur ekki verið dregin til baka og auðvitað er engin leið að hætta því að láta reisa hér risaálver, sem munu ásamt sæstrengnum kveða upp dauðadóm yfir íslenskum náttúruverðmætum, sem ósnortin eru orðin að helstu auðlind landsins en verða það ekki lengi meðan popplag ráðamanna í G-dúr verður sungið, af því að það er engin leið að hætta.

S&P: Íslandsbanki seldur innan 2 ára

Athugasemdir

[Þorsteinn Briem, 29.10.2015 kl. 23:24]

"Aðspurður hvort [raforkustrengur til Bretlands] muni hækka raforkuverð á Íslandi segir [Hörður Arnarson forstjóri Landsvirkjunar] að ekki sé þörf á því en ríkisstjórnin þurfi samt að finna leið til að halda verðinu niðri.

Ef norska leiðin yrði farin yrði orkuiðnaðurinn enn með góð kjör og langtímasamninga en verð til almenna markaðarins væri svo pólitísk ákvörðun.

Gert er ráð fyrir að um 20 ár tæki að greiða upp slíkan streng og endingartíminn yrði um 40 ár."

Lokaskýrsla ráðgjafahóps um lagningu sæstrengs til Bretlands, júní 2013 bls. 20

[Sigurður Sunnanvindur (IP-tala skráð) 29.10.2015 kl. 23:37]

Það væri happafengur ef álverinu í Straumsvík yrði lokað. Straumsvíkurálverið greiðir reyndar hærra raforkuverð en hin álverin en verðið er mikið lægra en söluverð í Bretlandi að frádregnum flutningskostnaði. 

Árið 2019 rennur út samningur Grundartangaálversins um kaup a 200MW afli af LV. Fyrir þessa orku greiðir álverið ðeins 15$MWh sem er uþb 10% væntanlegs söluverðs í Bretlandi. Flutningskostnaður að sæstreng og um sæstrenginn er líklega 60$MWh og hagnaðurinn af þvi að selja orkuna frekar til Bretlands gæti numið 70$MWh og 60 dollurum á megawatttímann ef þau 400MW sem nú fara til Straumsvíkur yrðu seld til Bretlands.

Ávinningurinn af því að selja þessa orku frekar til Bretlands er meiri en laun og launatengd gjöld starfsmanna álveranna og Íslenskra undirverktaka.

Ef þessi 600MW yrðu flutt út þá mætti fullnýta viðbótarflutningsgetuna með bættri nýtingu þess vatn se nú rennur framhjá og því að endurnýja ekki þá stóriðju samnimga sem renna út á næstu árum.

Það er helvíti blóðugt hvað raforkusamningurinn á Reyðarfirði er til langs tíma og verðið skammarlega lágt.

[Þorsteinn Briem, 29.10.2015 kl. 23:41]

Í dag:

"Í birtum tölum Hagstofu Íslands námu heildargjaldeyristekjur íslenskra ferðaþjónustufyrirtækja um 304 milljörðum króna á árinu 2014 og gera má ráð fyrir að þær verði um 350 milljarðar króna á þessu ári.

Af þessum tekjum er áætlað að rúmlega 200 milljarðar séu tilkomnir vegna neyslu erlendra ferðamanna innanlands en um 150 milljarðar tekjur íslenskra flug- og ferðaþjónustufyrirtækja af erlendum ferðamönnum (þ.e. fargjaldatekjur erlendra ferðamanna til og um Ísland að stærstum hluta, sem og tekjur vegna umsvifa íslenskra ferðaþjónustufyrirtækja erlendis).

Þessi skipting á ekki að koma á óvart og hefur legið fyrir um árabil og er í samræmi við alþjóðlega staðla um milliríkjaviðskipti."

Tekjur af erlendum ferðamönnum ekki ofmetnar

[Hábeinn (IP-tala skráð) 30.10.2015 kl. 00:22]

Hvað kallar þú "risaálver"? Álverið á Reiðarfirði er 346.000 tonna. Það er númer 70 og eitthvað í stærðarröðinni yfir álver heimsins en það stærsta er 1.060.000 tonn. Á Reyðarfirði eru 336 ker sem álið er brætt í, algengasta stærð álvera eru 300 til 700 ker. Hvað kallar þú "risaálver"? Við hvað miðar þú? Er þetta áróðursbragð? Er fólk ekki eins móttækilegt fyrir hryllingnum ef "álver" er notað í stað "risaálver"? Er Herjólfur risaferja? Er eitthvað að marka hjá þér orðin "ósnortin" og "helsta auðlind landsins" eins og þú notar tungumálið? Gera yfirgengilegar ýkjur þínar þig ómarktækan? Sagt er að þegar fyrsta lygin er komin þá sé engin leið að hætta.

[Þorsteinn Briem, 30.10.2015 kl. 00:27]

7.8.2015:

"Rannveig Rist forstjóri Rio Tinto Alcan sendi starfsmönnum bréf í dag þar sem hún útskýrir afstöðu fyrirtækisins."

"Rannveig segir í bréfinu að ... fyrirtækið hafi tapað samtals sjö milljörðum árin 2012 og 2013 og að hagnaður fyrirtækisins aðeins verið 0,3% arðsemi eigin fjár."

[Þorsteinn Briem, 30.10.2015 kl. 00:28]

13.6.2015:

Engin orka til álvers á næstu árum segir Jón Gunnarsson formaður atvinnuveganefndar Alþingis

[Þorsteinn Briem, 30.10.2015 kl. 00:30]

24.8.2015:

Lágt álverð dregur niður hagnað Orkuveitu Reykjavíkur

[Þorsteinn Briem, 30.10.2015 kl. 00:31]

18.8.2015:

Hlutabréf álframleiðenda hríðfalla

[Þorsteinn Briem, 30.10.2015 kl. 00:32]

16.9.2015:

Álverið í Straumsvík rekið með tapi frá degi til dags og tapið fer vaxandi segir Rannveig Rist forstjóri

[Elísabet (IP-tala skráð) 30.10.2015 kl. 00:53]

Thannig er thetta bara.

[Þorsteinn Briem, 30.10.2015 kl. 01:17]

[Gunnar Th. Gunnarsson, 30.10.2015 kl. 02:11]

Tek undir með Hábeini #4

[Þorsteinn Briem, 30.10.2015 kl. 03:07]

Duck ends up looking like a dog after barmy challenge in Iceland

"Götublaðið Mirror gengur einna lengst á vef sínum, segir öndina rusl og hefur hafið kosningu á síðunni þar sem spurt er hvort Cameron sé betri í að búa til Lego-önd eða stýra Bretlandi.

Allt stefnir í að úrslitin verði afgerandi því nærri níutíu prósent telja að hann ætti frekar að leika sér með Lego."

Camerons var stærsta stund,
er stoltur önd hann gerði,
langan því næst leggur hund,
svo London upplýst verði.

Hef verið kallaður ýmislegt an aldrei áður guðfaðir segir Cameron um ummæli Sigmundar Davíðs

[Steingrímur Helgason, 30.10.2015 kl. 03:38]

Gælunafni minn 'Brjánzlækarbarn' er enn að ergja þá óztöðugu ~zjallaballa~ með því að brúka einfaldar ztaðreyndir & heimildarfærða r0kfærzlu.

8/10 fyrir þetta gamli félagi,

Z.

[Þorsteinn Briem, 30.10.2015 kl. 04:36]

Góðar kveðjur, Steingrímur minn Helgason.

[S. Breik (IP-tala skráð) 31.10.2015 kl. 09:33]

Tek undir með Steina.