Megin varnarlínan er í Leifsstöð.

Allt of lengi hafa umræður um "fólksflótta" og "atgervisflótta" á Íslandi sniðgengið það atriði, að enda þótt menn sjái fyrir sér að til sé nokkurs konar varnarlína gegn slíkum flótta af landsbyggðinni til suðvesturhornsins í Borgarfirði og við Þjórsá, er til önnur varnarlína, sem alls ekki má bresta og liggur um Leifsstöð.

Ef atgervisflutningar og flutningar ungs fólks búa til flæði ungs fólks út úr landinu í gegnum þá línu, er baráttan fyrir blómlegri byggð á öllu Íslandi töpuð við aðrar varnarlínur innanlands.

Sjá má á netinu að margir vilja ekki ræða um þetta heldur draga umræðuna niður í flokkspólitískar skotgrafir og stimpla þá sem minnast á þau viðfangsefni, sem þarf að fást við til að íslenskt þjóðfélag sé samkeppnisfært við nágrannaþjóðirnar sem slæma "vinstri menn, úrtölumenn og talsmenn ónýta Íslands."

En byggðamál, hvort sem svonefndar jaðarbyggðir eru úti á landsbyggðinni hér á landi, eða að landið sjálft sé jaðarbyggð á borð við Norður-Noreg, Norður-Svíþjóð og Norður-Finnland, snúast ekki um vinstri eða hægri heldur um meginatriðin, sem þurfa að vera í lagi til þess að fjölbreytni efnahagslífs og menningar viðhaldi samkeppnishæfni landsins, miðað við önnur lönd.

Öfugsnúið er að kalla þá úrtölumenn sem vilja greina vandamál og viðfangsefni og takasta á við þau.  

Unga fólkið að flytja frá Íslandi

Athugasemdir

[B.N. (IP-tala skráð) 28.11.2015 kl. 11:47]

Ég veit um tvær fjöldskyldur tvo ung börn í annari og þrjú í hinni eru að flytja til Norðurlandanna strax eftir jólin. Þessar fjöldskyldur níu einstaklingar yfirgefa 2200 manna samfélag. Nú er bara sjá hverjir koma í staðin veit ekki um nein sem er væntanlegur en þá.

Baldvin Nielsen

[Jósef Smári Ásmundsson, 28.11.2015 kl. 12:30]

Þetta er eðlilegt. Fólk er um margt frjálsara á meginlandinu þar sem styttra er til annarra landa. Unga fólkið er bara einfaldara komið á bragðið. Það er svo að grasið er grænna hinum megin við girðinguna. Svarið er einfaldlega betri og ódýrari flugsamgöngur til og frá landinu og öflugt atvinnulíf hér.

[Níels A. Ársælsson., 28.11.2015 kl. 12:45]

Og allt er þetta í boði Steingríms J. Sigfússonar.

[Jósef Smári Ásmundsson, 28.11.2015 kl. 13:37]

Nú, borgar Steingrímur J. Sigfússon flutninginn? Gott hjá honum.

[Elín Sigurðardóttir (IP-tala skráð) 28.11.2015 kl. 13:53]

Er það pólitísk ákvörðun að gera ungu fólki ófært að búa hérna?  Hvers vegna fær það ekki lóðir?  Af hverju eru þær seldar á uppsprengdu verði?  Hvaða tilgangi þjónar byggingareglugerð sem hækkar kostnaðinn?  Er þetta allt með ráðum gert?