Lofthernaður er tvíbent vopn.

Þegar nasistar réðust á baskaþorpið Guernica í spænsku borgarastyrjöldinni töldu margir, að ógn loftárása væri slík, að hún gæti dregið allan mótstöðumátt úr þjóð, sem þyrfti að þola slíkt.

Annað kom á daginn. Loftárásir Þjóðverja á London og aðrar borgir í Bretlandi hertu mótstöðuafl þjóðarinnar.

Margfalt stærri loftárásir Bandamanna á þýskar borgir voru ekki það sem bugaði Þjóðverja heldur elsta hernaðaraðferð í heimi, að hafa fleiri hermenn með miklu betri og öflugri vopn.

Loftárásirnar náðu ekki meiri árangri en það að hernaðarframleiðsla Þjóðverja óx jafnt og þétt á árunum 1941-44.

En nota bene: Hefði orðið enn meiri án loftárása. Og hernaðarframleiðsla Bandamanna var miklu meiri en Öxuveldanna.

Einhver hershöfðingi Bandaríkjamanna hafði á orði að Norður-Víetnam yrði sprengt aftur á steinöld með því að varpa meiri sprengjum á það eina land en öll Evrópulönd samanlagt í Seinni heimsstyrjöldinni.

Þetta nægði ekki til þess að afstýra ósigri Bandaríkjamanna í stríðinu.

Liðsmenn ISIS eru heilaþvegnir til þess að sækjast eftir hetjudauða, aldir upp við hatur á fyrrum nýlenduþjóðum, sem nú varpa sprengjum á þá.  

Það er erfitt að fást við slíka andstæðinga.

Loftárásir geta eflt baráttuþrek þeirra eins og dæmin, sem nefnd voru hér á undan, sanna.

Þeir grafa sig líka niður, fela sig og stöðvar sínar og laga sig að aðstæðum.

Allir kostir eru slæmir í stöðunni. Lofthernaður hefur þann kost að mannfall andstæðinga ISIS verður í lágmarki, en hið eina sem getur slegið á veldi ISIS er að þrengja að þeim á landi, og til þess þarf landhernað,sem sviptir ISIS uppsprettu peninga og vopna, en það eru olíulindirnar sem þeir ráða yfir.

En landhernaður kostar mannfall.

12 ár eru liðin frá innrásinni í Írak og 14 ár frá innrásinni í Afganistan.

Hvorugt stríðið hefur borið þann árangur, sem að var stefnt.

Sýrland liggur að Miðjarðarhafi og þar með er þessi vígvöllur við bæjardyr Evrópu.  

 

 

 

Þurfa að vera þolinmóð

Athugasemdir

[Bjarni Gunnlaugur (IP-tala skráð) 4.12.2015 kl. 22:38]

Flest er þetta satt og rétt, en hvað er annað í boði hjá Evrópuþjóðum.

Ef á að ráða niðurlögum ISIS væri best að senda hermenn á þá, en hver vill gera það?

Hverjum á að fórna?

[Ásgrímur Hartmannsson, 5.12.2015 kl. 00:15]

Þeir kalla þetta "air support."  *SUPPORT.*  Það er vitað hvernig þetta virkar, hefur verið vitað síðan 1945.

Kaninn hefur ekkert efni á þessu lengur.  Seinast er ég vissi voru þeir að verða uppiskroppa með sprengjur.  Nei, í alvöru.

Þetta er allt spurning um hver vill hreyfa herinn sinn aðeins.

ISIS?  Lint skotmark.  Fullkomið fyrir her sem hefur ekkert gert í nokkra aáratugi, orðinn ryðgaður.

Ég mæli með að Evrópumenn sendi lið.  Bara uppá kikkið. Þeir hafa ekki gert jack shit síðan ... 1945?  Það held ég bara.

Eða þeir geta leyft rússum að klára dæmið. Þeir geta það.  Þeir eru ekkert næmir fyrir mannfalli.

Munurinn er að *allir* herir evrópu þurfa smá raun-reynzlu.  Að drepa eitthvað.  Eitthvern.

Það er bara ekki nóg af þessu ISIS liði.  Alvöru her er ekki nema kannski mánuð, max, að eyða svona grúppu - og megnið af þeim tíma fer í að leita að þeim.

Ef þeir ráða ekki við ISIS, þá getur þeim ekki byrjað einu sinni að dreyma um að ráða við gaura eins og Rússa, hvað þá Kínverja.

[Björn J. Guðjohnsen (IP-tala skráð) 6.12.2015 kl. 03:50]

Helvítis stríð.................