Missagnir á hverju strái.

Björk Guðmundsdóttir er stödd í friðsældinni úti á landi á Íslandi þegar henni er fjarstaddri borið á brýn að borga ekki skatta á Íslandi, hafa talað niðrandi um dreifbýlisfólk á Íslandi í viðtali við Sky sjónvarpsstöðinni með því að segja að stjórnarherrarnir á Íslandi væru sveitalubbar, og nú síðast velta menn sér á blogginu  upp úr hugmyndum Róberts Marshalls um hreina utanþingsstjórn og að þar muni ætlunin að Björk láti til sín taka.

Hér eru missagnir á hverju strái.

Björk borgar skatta á Íslandi.

Það sem hún sagði um stjórnarherrana var ranglega þýtt úr ensku.

Robert Marshall lagði til að stjórnarandstaðan beitti sér myndun ríkisstjórnar þar sem hluti ráðherra gæti verið utanþingsfólk. 

   

„Já ég borga skatta á Íslandi“

Athugasemdir

[Haukur Kristinsson (IP-tala skráð) 15.12.2015 kl. 19:15]

Wikipedia: By 1975, say Chapman and Kipfer, the term had expanded in meaning beyond the poor Southerner to refer to "a bigoted and conventional person, a loutish ultra-conservative.”

[Þorsteinn Briem, 15.12.2015 kl. 19:49]

Björk hefur selt um 15 milljón plötur, Sykurmolarnir seldu 2,5 milljónir platna og Sigur Rós hefur selt vel yfir milljón plötur.

Gus Gus seldi um 400 þúsund plötur, Emiliana Torrini 350 þúsund, Quarashi 300 þúsund og Mezzoforte 300 þúsund plötur.

Samtals að minnsta kosti 20 milljónir platna og miðað við 1.300 króna útsöluverð fyrir hverja plötu á núvirði nemur heildarsala á plötum þessara íslensku tónlistarmanna um 30 milljörðum króna.

Steini Briem, 29.6.2008

[Þorsteinn Briem, 15.12.2015 kl. 19:56]

Redneck - menningarsnauður ruddi.

Ensk-íslensk orðabók, Sören Sörenson, útg. 1984.

[Þorsteinn Briem, 15.12.2015 kl. 20:05]

"Allar skattgreiðslur þeirra sem dvelja 183 daga eða lengur á Íslandi á ári eiga að renna til íslenska ríkisins."

[Þorsteinn Briem, 15.12.2015 kl. 20:15]

15.11.2015:

Alcoa aldrei greitt skatt hér á Íslandi - Um 57 milljarðar króna farið frá Alcoa í Reyðarfirði til Lúxemborgar

[Elín Sigurðardóttir (IP-tala skráð) 15.12.2015 kl. 20:31]

Ekki reyna að laga þetta Ómar.  Hún sagði redneck.  Hún hefði alveg eins getað sagt white trash.  Þetta snýst um efnahag og fordóma.  Hún afhjúpaði sig.  Þetta er ekkert flóknara.

[Þorsteinn Briem, 15.12.2015 kl. 20:55]

Febrúar 2009:

"Virðisauki af starfsemi stóriðjuvera hér á Íslandi er ekki mikill.

Samkvæmt ársreikningum þeirra álvera sem störfuðu hér á árinu 2007 má áætla að hjá þeim sé virðisaukinn samtals um 25 milljarðar króna, sem svarar til um 1,8% af vergri þjóðarframleiðslu.

Virðisaukinn lendir að 2/3 hlutum hjá erlendum eigendum álveranna en einungis 1/3 hjá íslenskum aðilum, sem svarar til 0,6%-0,7% af þjóðarframleiðslunni.

Virðisauki vegna sölu á aðföngum til stóriðju er að mestu leyti hjá orkusölum en ekki eru tiltækar talnalegar upplýsingar um hann.

Verð á raforku til stóriðju bendir þó til þess að hann sé ekki mikið umfram vaxtagreiðslur orkuveranna sem renna úr landi og viðunandi ávöxtun eiginfjár.

Því eru líkur á að arður af orkulindinni, auðlindarentan, renni nær óskipt til orkukaupendanna, stóriðjuveranna."

Efnahagsleg áhrif erlendrar stóriðju hér á Íslandi

[Þorsteinn Briem, 15.12.2015 kl. 21:23]

"By 1975, say Chapman and Kipfer, the term [redneck] had expanded in meaning beyond the poor Southerner to refer to "a bigoted [þröngsýnn] and conventional person, a loutish [ruddalegur] ultra-conservative.""^[7]

[Þorsteinn Briem, 15.12.2015 kl. 23:36]

Gunnar Th. Gunnarsson er til að mynda dæmigerður redneck.

15.11.2015:

Alcoa aldrei greitt skatt hér á Íslandi - Um 57 milljarðar króna farið frá Alcoa í Reyðarfirði til Lúxemborgar

[Helgi Armannsson (IP-tala skráð) 16.12.2015 kl. 05:54]

Steini Briem @10 sniðugt hvernig þú svaraðir Gunna

[Ómar Bjarki Kristjánsson, 16.12.2015 kl. 09:34]

Reddnekk er orðið almenn skilgreining á óupplystum og þröngsýnum pólitíkus.

Það er ekki flóknara.  

Mjög gott hjá henni.

Að sjálfsögðu ráðast sjallar og framsóknarmenn og annar öfga-hægri skríll svo að bestu sunum og dætrum þjóðarinnar.  Það er alveg viðbúið.  Framsjallar hata þjóðina.  Það er bara þannig.

[ls (IP-tala skráð) 16.12.2015 kl. 10:32]

Það lyftir umræðunni allavega ekki upp á hærra plan að uppnefna og tala niður til þeirra sem eru ósammála eins og Björk gerir þetta sinnið (og ekki síður þegar hún útskýrir enn betur hvað hún átti við).

[Elín Sigurðardóttir (IP-tala skráð) 16.12.2015 kl. 12:26]

Fólk sem býr í hjólhýsi í Bandaríkjunum er alveg örugglega ekki markhópurinn hennar Bjarkar.  Ekki heldur fólk sem býr á öskuhaugunum á Indlandi.  Það eru rednecks alls staðar eins og hún sagði og hirðin reynir að útskýra veifandi orðabókum framan í skrílinn.

[Gunnar Th. Gunnarsson, 17.12.2015 kl. 13:37]

Steini sloppinn út