Allt hefur sín takmörk.

Piratar eru smám saman að reka sig á, að rétt eins og það hefur reynst takmörkunum háð að hrinda ýmis konar útópískum hugmyndum í framkvæmd í mannheimum gildir svipað í netheimum, þar sem Píratar lifa og hrærast.

Spjallsvæðið þeirra stóra og opna var einstakt að þvi manni skilst, en nú hafa þeir neyðst til að boða nýjan og lokaðan umræðuvettvang.

Tvennum sögum fer af aðalásræðu þessa. Annars vegar mikill hamagangur innan Píratanna sjálfra og hins vegar gefur Jónas Kristjánsson í skyn að liðsmenn Hannesar Hólmsteins, sem fyrir nokkrum árum voru meðal annars nefndir AMX eða náhirð, hafi gert mikla innrás á síðuna með flóði af athugasemdum um atriði utan umræðuefnisins og þannig hleypt síðuuni upp. 

Þetta fyrirbrigði er ekki alveg nýtt og hafa margir eigendur netsíðna þær alveg lokaðar fyrir athugasemdum eða með hörðum takmörkunum til þess að verjast þessu hvimleiða fyrirbæri.

Fá í staðinn oft orð í eyra fyrir ofbeldisfulla rítskoðun á síðum sem eru þó þeirra eign.

Píratar eru nú að ganga í gegnum það sem fellur undir rússneska máltækið: Þegar jörðin þiðnar koma ormarnir upp. 

Illdeilur á hópspjalli Pírata

Athugasemdir

[Guðmundur Ásgeirsson, 28.12.2015 kl. 14:58]

Nákvæmlega ástæðan fyrir því að ég er ekki á facebook.

Þar er allt í einum hrærigraut í meira magni en af viti.

Sem betur fer er innanfloksspjall pírata annars staðar, á vefsvæði sem píratar sjálfir ráða yfir og er aðeins aðgengilegt pírötum, án nokkurra skilyrða um viðskipti við vafasöm bandarísk stórfyrirtæki.

[Þorsteinn Briem, 28.12.2015 kl. 15:12]

"Piratar eru smám saman að reka sig á, að rétt eins og það hefur reynst takmörkunum háð að hrinda ýmis konar útópískum hugmyndum í framkvæmd í mannheimum gildir svipað í netheimum, þar sem Píratar lifa og hrærast."

Þessar "útópísku hugmyndir" eru í þínum eigin kolli, Ómar Ragnarsson.

Þú hefur ekki eytt hér á þínu bloggi alls kyns níði nafnleysingja í garð þeirra sem birta hér athugasemdir undir eigin nafni og kennitölu.

Og ekki veit ég til þess að Píratar hafi sagt að ekki megi eyða hjá þeim kolólöglegu níði.

[Þorsteinn Briem, 28.12.2015 kl. 15:19]

Það er eitt að hafa skoðun á einhverju máli og rökstyðja hana en það er allt annað mál að bera út ærumeiðingar.

Tjáningarfrelsinu eru settar ákveðnar skorður í Almennum hegningarlögum og það ekki að ástæðulausu.

Og við þurfum engan veginn á dómurum að halda í öllum málum til að sjá hvort þar er um ærumeiðingar að ræða eða ekki.

[Þorsteinn Briem, 28.12.2015 kl. 15:22]

Það er mikill misskilningur ef menn halda að hægt sé að segja hvað sem er í fjölmiðlum landsins og bloggsíður eru einnig fjölmiðlar:

"234. gr. Hver, sem meiðir æru annars manns með móðgun í orðum eða athöfnum, og hver, sem ber slíkt út, skal sæta sektum eða fangelsi allt að 1 ári.
  
235. gr. Ef maður dróttar að öðrum manni einhverju því, sem verða myndi virðingu hans til hnekkis, eða ber slíka aðdróttun út, þá varðar það sektum eða fangelsi allt að 1 ári.
  
236. gr. Sé ærumeiðandi aðdróttun höfð í frammi eða borin út gegn betri vitund, þá varðar það fangelsi allt að 2 árum.

Sé aðdróttun birt eða borin út opinberlega, enda þótt sakaráberi hafi ekki haft sennilega ástæðu til að halda hana rétta, þá varðar það sektum eða fangelsi allt að 2 árum.
  
237. gr. Ef maður bregður manni brigslum án nokkurs tilefnis, þá varðar það sektum, þótt hann segi satt."

Almenn hegningarlög nr. 19/1940

[Ómar Ragnarsson, 28.12.2015 kl. 15:31]

Þetta er alrangt hjá þér. Síðan ég tilkynnti um reglur varðandi níð og óþverra hér á síðunni af illri nauðsyn hef ég orðið að fjarlægja margar óþverraathugasemdir frá nokkrum mönnum og gert það sem hægt var til að útiloka einn þeirra sem brau strax vísvitandi reglurnar.

EF þú hefðir lesið síðuna stanslaust nótt og dag hefðurðu getað séð þegar þetta gerðist og ættir að vera mér þakklátur fyrir.

[Elín Sigurðardóttir (IP-tala skráð) 28.12.2015 kl. 20:12]

Ég get ekki séð að svæði Pírata hafi verið opið og einstakt.  Það var lokað á facebook.  Margir erlendir miðlar bjóða upp á það að fólk skrifi ummæli án milligöngu facebook.  Það virkar prýðilega.

[Elín Sigurðardóttir (IP-tala skráð) 28.12.2015 kl. 20:35]

Ég held að þessi nettröllaumræða virki á svipaðan hátt og hryðjuverkaumræðan.  Þetta er einhver tilbúningur valdhafa til þess að herða stjórn, skerða réttindi og þrengja að borgurunum.

[Hilmar Hafsteinsson (IP-tala skráð) 28.12.2015 kl. 20:37]

Þetta er kómisk uppákoma. Steini Briem sver af sér ærumeiðingar og vitnar í hegningalögin!

Undralandið er sannarlega hér.

[Elín Sigurðardóttir (IP-tala skráð) 28.12.2015 kl. 23:28]

Það vantaði bara að góðhjartaði þjóðkirkjupresturinn gargaði yfir kirkjugesti á aðfangadagskvöld:  Þið eruð öll nettröll!  Það var ekki eitt orð um Nató í ræðu prestsins.  Ekki eitt orð um hergagnaframleiðendur.  Að hans mati eru almennir borgarar mesta ógnin við öryggi Evrópu (sic).