Margir eiga bágt.

Illskiljanleg er sú heift og sú illkvittni sem virðist hrjá marga svo mjög, að þeir finna henni útrás á samfélagsmiðlum, jafnvel yfir hátíðirnar og birtist í hatursfullum hótunum og mjög meiðandi og síendurteknum persónulegum svívirðingum.

Þannig stóð ég í því fram yfir klukkan tvö í nótt að verjast innrás eins þessara manna, sem hefur árum saman ofsótt mann úti í bæ, sem ég þekki ekki neitt, með því að nota athugasemdadálk þessarar bloggsíðu til að endurtaka í síbylju óvenju rætin og meiðandi svívirðingar um þennan mann.   

Þetta virðist vera að færast í aukana á samfélagsmiðlunum og ljóst að furðu margir þessara ofsækjenda hljóta að eiga bágt, því að hatur fer oftast verst með þann sem hatar. 

Með ósk um að þeir finni sálarfrið sendi ég öllum mínar bestu óskir um gleðilegt´og farsælt nýtt ár.  

 

Hafa fengið líflátshótanir

Athugasemdir

[Þorsteinn Briem, 31.12.2015 kl. 19:48]

Gleðilegt ár, Ómar Ragnarsson og þín frábæra fjölskylda.

[Helgi Armannsson (IP-tala skráð) 31.12.2015 kl. 20:50]

Ómar þú stendur þig eins og hetja gleðilegt ár og takk firrir það liðna

[Hilmar (IP-tala skráð) 31.12.2015 kl. 21:38]

Vinstrimenn eiga sérlega auðvelt með að mála sjálfa sig upp sem fórnarlömb illra manna, og Ómar Ragnarsson er engin undantekning á því.
Árum saman hefur hann leyft viðkomandi einstaklingi að skrifa ótrúlega rætnar og sóðalegar athugasemdir um nafngreint fólk.
Auðvitað er það heimska að álíta, að allir komi alltaf til með að taka því þegjandi og hljóðalaust.
Viðkomandi einstaklingur hefur bara fengið nákvæmlega það sem hann á skilið.
Að væla út samúð með illa innrættum einstaklingum er náttúrulega jafn siðlaust, og svívirðileg notkun Ómars Ragnarssonar á helförinni, til stuðnings öðru af tveim stærstu trúarbrögðum heims, sem nota bene gerir út á gyðingahatur.

Hvað Ómar Ragnarsson sjálfan varðar, þá fengi hann meiri frið, ef hann sýndi sögulegum staðreyndum meiri virðingu, a.m.k. myndi gera tilraun til þess að lesa sér til um þær, áður en hann básúnar út skoðanir byggðar á bjöguðum, ef ekki fullkomlega röngum tilvísunum í söguna.

Og til þess að botna þetta svar, þá geng ég í smiðju Ómars, og lýsi því yfir, að það sé ótrúlegt að lesa það að ég hafi hótað einhverjum manni lífláti. Maður sem heldur slíku fram á verulega bágt, og er náttúrulega ekkert annað en tröll, sem gengst við nafni og kennitölu.

[Ragna Birgisdóttir, 31.12.2015 kl. 22:30]

Hilmar er sem sagt hægri maður. Skoðanir Hilmars eru sem sagt þær einu réttu.Hilmar er sem sagt sá sem hefur ofsótt mann sem hefur einungis komið hér fram á blogginu með staðreyndir og rökstutt þær og hefur sjaldnast svarað þeim sem ítrekað eru með aðdróttanir í garð hans og þess málefnis sem fjallað er um.Hilmar er nettröll sem er hér á bloggsíðu Ómars Ragnarssonar einungis til þess að vera með leiðindi í garð Ómars og þeirra sem hann virðist ekki þola að séu betur gefnir en hann.Vonandi verður árið 2016 Hilmari og nettröllum eins og honum farsælt og uppspretta málefna sem hæfa þeim og þeirra þröngsýni. Gleðilegt ár.

[Ómar Ragnarsson, 31.12.2015 kl. 23:49]

Ég sé hvergi í pistli mínum að Hilmar hinn nafnlausi sé ásakakaður um líflátshótun. Sé því heldur ekki haldið fram í tengdri frétt á mbl.is um líflátshótanir,  sem bresku piltarnir hafa fengið.

[Helgi Armannsson (IP-tala skráð) 1.1.2016 kl. 00:31]

það er sjaldgæft að maður sjái annað eins hatur og heift eins og hjá þessum nafnlausa hugrakka einstaklingi.ég get með engu móti seð að Ómar eygi það skilið

[Húsari. (IP-tala skráð) 1.1.2016 kl. 01:22]

Gleðilegt ár, Ómar!

Eureka, I got the answer!!

Held að hver kynslóð finni sín eigin
svör við spurningum t.d. hvað varðar söguna
eða hvað annað sem vera skal.

Ekkert sérstakt undur þó muni í spurningum og
svörum þess sem er við tvítugt eða þess sem er fullorðinn.
(orðið fullorðin(n) á við alla 60 - 110 ára(!))

Ég ætla a.m.k. að halda útí þetta ár með bros
á vör og í fullvissu þess að algerlega andstæðar
skoðanir geti oft verið spegilmynd sannleikans
sem þar er í milli!

[Hilmar (IP-tala skráð) 1.1.2016 kl. 01:37]

Í tilefni svars Ómars nr. 5, þá vil ég taka fram að þeir sem eiga erfitt með að skilja kaldhæðni, er hættara við að þróa með sér alzheimer. Eða nánar, einn fyrirboði alzheimer er vangeta við að skilja kaldhæðni.

Vildi bara skjóta þessu inn á milli þessarar fórnarlambavæðingar sem á sér hér stað, og er gjarnan að finna á bloggsíðum og athugasemdadálkum vinstrimanna. Ég vil þó fullvissa alla lesendur að þessu, að árið 2016 verður í engu frábrugðið árinu 2015. Þeir sem haga sér eins og fábjánar, fá að heyra það, og þeir sem fara rangt með sögulegar staðreyndir, til þess að fegra sósíalismann, þeir fá líka orð í eyra, eða fyrir augu n.t.t.

Með áramótakveðju frá manni sem skýrður var Hilmar, og eftir því sem ég kemst næst, er það fullgillt nafn, þó svo að sósíalistar viðurkenni það ekki. Mannanafnanefnd, hvað!

[Ómar Ragnarsson, 1.1.2016 kl. 03:21]

Nú sýnist mér þetta aðeins vera að róast niður hjá okkur, Hilmar, og ég tek því vel. 

[Haukur Kristinsson (IP-tala skráð) 1.1.2016 kl. 08:10]

Gleðlegt ár, Ómar Ragnarsson og Steini Briem.

[Halldór Egill Guðnason, 1.1.2016 kl. 08:25]

Ómar Ragnarsson, Steni Bríem og aðrir.: Megið þið eiga gott ár, gleði og munúð á komandi ári. Orð eru ekki endilega til alls fyrst ;-) Smá kitl...

Góðar stundir, með kveðju að sunnan.

[Jósef Smári Ásmundsson, 1.1.2016 kl. 10:08]

Farsælt nýtt ár ÖLL. Exept Homer.

[Elín Sigurðardóttir (IP-tala skráð) 1.1.2016 kl. 11:27]

Margt til í þessu hjá þér Húsari.  Gleðilegt ár!