Herinn: "Því er ver....- / ...en verra er."

Hvað skyldi vera búið að eyða mörgum klukkustundum dögum, vikumm, mánuðum eða árum,- dálksentimetrrm, blaðsíðum, blaðaeintökum í rifrildi um hermálið?

Það væri ekki ómaksins vert að reyna að stytta þetta þegar það virðist nú vera að blossa upp, eina ferðina enn.

Fyrir rúmum 40 árun byrjaði ég að syngja lag á samkomum, sem bar vinnuheitið "Herinn" og hefur staðist tímans tönn.

Nú er að koma upp sá mjöguleiki að herinn komi í þriðja skiptið.

Hann kom fyrst 1940, fór 1946, kom aftur 1951, fór 2006 og gæti á tíu ára afmæli burtfarar sinnar átt það til að halda upp á það afmæli með því að koma aftur og fara jafnvel jafnharðan.

Svona hljómaði þetta til þessa dags, en nú má bæta við erindi númer tvö:

 

HERMÁLIÐ Í 75 ÁR   -   AFGREITT Á HÁLFRI MÍNÚTU.

ÞVÍ ER VER - EN VERRA ER...

 

Til 2006:

Því er ver ef að her fer að vera hér, -

en verra er ef að her burtu skverar sér.

Spurning er hvað sá her er að gera hér.

Verður áfram herinn eða fer?

 

2016:!

 

Því er ver ef að her fer að vera hér

en verra er ef sá her burtu skverar sér.

Spurning er hvað sá her er að gera hér.

Verður herinn aftur og svo fer?

Verður herinn þarna eða hér?

Kemur herinn, verður eða fer?

Verður herinn hérna eða fer?

Búið!

 

P.S. Ástandið nú er um margt svipað og var við gerð Keflavíkursamningsins svonefnda 1946 sem tryggði Bandaríkjamönnum viðveru á Keflavíkurflugvelli til þess að halda við mannvirkjum sem dygðu til að Kanar gætu haldið uppi flutningum liðs, hergagna og varnings til Evrópu.

Kanarnir voru óeinkennnisklæddir og ekki skilgreindir sem hermenn, en þáverandi ríkisstjórn sprakk út af málinu.  

 

 

Bandaríkjaher aftur til Íslands?

Athugasemdir

[Sigurður I B Guðmundsson, 9.2.2016 kl. 22:30]

Væri ekki ráð að bjóða þeim að byggja flugvöll í Hvassahrauni!!

[Óskar Helgi Helgason (IP-tala skráð) 9.2.2016 kl. 23:00]

Sæll Ómar - sem og aðrir gestir, þínir !

Sigurður I B Guðmundsson !

Ætti ekki bara: að bjóða þeim Gálgahraun / eða Berserkjahraunið, jafnvel ?

Nei - að öllu gamni slepptu.

Bandaríkin: ásamt Evrópusambandi þeirra Merkel, eru á Heljarslóð gegn siðmenningunni / verandi helztu stuðningsaðilar villimannanna í Saúdí- Arabíu og vina þeirra, í stað þess að kappkosta með öðrum ærlegum, að tortíma Múhameðsku vánni, sem skeinuhættust er veröldinni, nú um stundir.

Sem og - Nazista klíkunni í Kyiv, austur í Úkraínu, sem Pentagón/NATÓ og ESB þríeykið komu á laggirnar, þó ekki sé ég að mæla fyrri stjórn þar bót, á nokkra vegu.  

Stórauknar ögranir Vesturlanda - í garð Rússneska Sambandslýðveldisins (arftaka Garðaríkis Rúriks Hersis 9. aldarinnar / 862 - 879), með Banda ríkin og ESB samsteypunni í broddi fylkingar, eru einungis til þess að auka viðsjárnar til mikilla muna - og voru nægar fyrir: samt.

Með beztu kveðjum - af Suðurlandi / 

[Guðmundur Ásgeirsson, 9.2.2016 kl. 23:06]

Rukka þá um MJÖG hátt aðstöðugjald, ásamt ómaksþóknun fyrir þá röskun sem fyrirvaralítil brottför 2006 hafði í för með sér!

[Jón Þórhallsson, 9.2.2016 kl. 23:08]

Hefur verið einhver grunur einhvers; um að rússar væru  að sækja í sig veðrið innan okkar landhelgi með auknum kafbáta-ferðum?

Til hvers er leikurinn gerður?

Einnig gæti verið fróðlegt ef að einhver gæti frætt okkur um                    hvað "radar" kafbátaleitar-flugvéla geti greint kafbáta langt niður fyrir sjávarborð hafsins.

[Þröstur (IP-tala skráð) 10.2.2016 kl. 00:06]

Við eigum að vera friðelskandi þjóð !! Það á að vera prinsipp að hingað komi engin her og engar stríðsmaskínur . PUNKTUR!

[Þorsteinn Briem, 10.2.2016 kl. 00:08]

Bandaríski herinn er úti um allar heimsins koppagrundir til að verja bandaríska hagsmuni.

Rétt eins og breski herinn kom hingað til Íslands í Seinni heimsstyrjöldinni til að gæta breskra hagsmuna en ekki íslenskra.

Enda sást undir iljarnar á bandaríska hernum þegar hann hafði sjálfur ekki hag af því að vera hér lengur árið 2006.

Þrátt fyrir að Davíð Oddsson grátbæði bandarísk stjórnvöld um það.

[Þorsteinn Briem, 10.2.2016 kl. 00:09]

George W. Bush og Davíð Oddsson í Hvíta húsinu í júlí 2004.

[Þorsteinn Briem, 10.2.2016 kl. 00:14]

Land- og lofthelgi Íslands nær einungis 12 sjómílur, um 22 kílómetra, út frá grunnlínum landsins. Rússnesku herflugvélarnar fóru ekki nær landinu en 100 kílómetra og því getur danski flugherinn engan veginn fullyrt að rússnesku flugvélarnar hafi ætlað að fara inn í lofthelgi Íslands, enda þótt þær hafi hugsanlega haft þá stefnu um tíma.

Og heræfingar, til dæmis Rússa, eru leyfilegar fyrir utan 12 sjómílna land- og lofthelgi Íslands, á og yfir svokölluðu úthafi (res communis), samkvæmt alþjóðasáttmálum. Herskip og herloftför lúta aldrei lögsögu erlendra ríkja á og yfir úthafinu. Danski flugherinn hefur því ekkert leyfi til að skipta sér af rússneskum herflugvélum 100 kílómetrum frá landinu.

Og erlendum kafbátum er heimil ferð innan 12 sjómílna landhelginnar ofansjávar en þeir skulu þá auðkenndir með fána. Refsilögsaga strandríkis nær almennt ekki til erlendra skipa sem fara eingöngu um landhelgi ríkisins og strandríkinu er óheimilt að hefta friðsamlega ferð erlendra skipa um landhelgina.

Efnahagslögsaga Íslands nær á hinn bóginn 200 sjómílur út frá beinum grunnlínum landsins og því gæti Landhelgisgæsla Íslands tekið rússneskan togara sem stundaði ólöglegar veiðar innan efnahagslögsögunnar.

"Danski flugherinn, sem sinnir nú loftrýmisgæslu yfir og í kringum Ísland, bægði eftir í hádegi í dag tveimur rússneskum sprengjuflugvélum frá, en þær stefndu þá inn í íslenska loftrýmið. ... Rússnesku flugvélarnar snéru við þegar þær voru um það bil 100 km fyrir norðan Ísland og héldu til bækistöðva sinna á Kólaskaga."

Þessi "frétt" er því tóm steypa frá upphafi til enda, enda er Mogginn kominn út í Móa.

Steini Briem, 25.3.2009

[Þorsteinn Briem, 10.2.2016 kl. 01:56]

Bandaríkin og Rússland eru langt frá því að vera óvinaríki, enda eru bæði ríkin nú kapítalísk lýðræðisríki, þótt ýmsum þyki að í þessum ríkjum sé lýðræði ekki í hávegum haft, einkum í Rússlandi.

Þessi tvö ríki eiga hins vegar sameiginlegan óvin, öfgamúslíma, Bandaríkin aðallega í Miðausturlöndum og nágrannaríkjum þeirra en Rússland fyrst og fremst í Kákasus.

Og Rússar taka nú þátt í styrjöldinni í Sýrlandi til að veikja öfgamúslíma, rétt eins og vestræn ríki.

Yfirlýsingar Pútíns eru til að skapa og halda eigin vinsældum í Rússlandi, eins og stórkarlalegar yfirlýsingar Trumps í Bandaríkjunum.

Bandaríkin og Rússland eru alltof öflug herveldi til að heyja styrjaldir við hvort annað og það hvarflar ekki að þeim, frekar en að fara í stríð við Kína.

[Þorsteinn Briem, 10.2.2016 kl. 02:03]

Langflest ríki í Evrópusambandinu eru einfaldlega í NATO og Ísland er þar meðlimur.

Þar að auki eiga Svíþjóð og Finnland samvinnu við NATO.

13.9.2015:

Meirihluti Svía vill í NATO

"The CFSP [Common Foreign and Security Policy of the European Union] sees the NATO responsible for the territorial defence of Europe."

Common Foreign and Security Policy of the European Union

[Þorsteinn Briem, 10.2.2016 kl. 02:04]

"Kjarni Atlantshafsbandalagsins (NATO) er 5. grein stofnsáttmálans, þar sem því er lýst yfir að árás á eitt bandalagsríki í Evrópu eða Norður-Ameríku jafngildi árás á þau öll.

En 5. greinin hefur aðeins verið notuð einu sinni, 12. september 2001, eftir hryðjuverkaárás á Bandaríkin."

[Þorsteinn Briem, 10.2.2016 kl. 02:06]

27.3.2014:

Gunnar Bragi Sveinsson utanríkisráðherra segir skiljanlegt að Úkraína vilji fá aðild að Evrópusambandinu og styður það

[Þorsteinn Briem, 10.2.2016 kl. 02:08]

18.8.2012:

"All major political parties in Ukraine support full eventual integration into the European Union."

"The current Azarov Government continues to pursue EU-integration.

During May and June 2010 both Prime Minister Mykola Azarov and Ukrainian Foreign Minister Kostyantyn Hryshchenko stated that integration into Europe has been and remains the priority of domestic and foreign policy of Ukraine."

Ukraine - European Union relations

[Þorsteinn Briem, 10.2.2016 kl. 02:09]

Pútín 10.12.2004:

"As for enlargement of the Euroepan Union, we have always seen this as a positive process.

Certainly, enlargement gives rise to various issues that have to be resolved, and sometimes they are easy to resolve, sometimes not, but both sides have always shown a desire to find mutually acceptable solutions and we do find them.

If Ukraine wants to join the EU and if the EU accepts Ukraine as a member, Russia, I think, would welcome this because we have a special relationship with Ukraine.

Our economies are closely linked, including in specific areas of the manufacturing sector where we have a very high level of cooperation, and having this part of indeed our economy become essentially part of the EU would, I hope, have a positive impact on the economy of Russia."

"On the other hand, we are building a common economic space with the European Union, and we believe this is in the interests of both Russia and the European Union countries and will harmonise our economic ties with Europe.

But these projects are not in contradiction with the possibility of any country joining the European Union, including Ukraine.

On the contrary, the possibility of new members joining the EU makes our projects only more realistic.

But I repeat that the plans of other countries to join the EU are not our direct affair."

Press Conference Following Talks with Spanish Prime Minister Jose Luis Rodriguez Zapatero

[Þorsteinn Briem, 10.2.2016 kl. 02:33]

Svíar og Finnar taka þátt í loftrýmisgæslu við Ísland árið 2014 - Utanríkisráðuneytið

Svíar og Finnar taka þátt í loftrýmisgæslu við Ísland ásamt Norðmönnum í febrúar 2014 - Landhelgisgæslan

[Þorsteinn Briem, 10.2.2016 kl. 02:58]

Herþotur frá Finnlandi Svíþjóð og Noregi í loftrýmisgæslu hér yfir Íslandi.

[Þorsteinn Briem, 10.2.2016 kl. 03:21]

Ríkisstjórn Vinstri grænna og Samfylkingarinnar maí 2009 - maí 2013

[Þorsteinn Briem, 10.2.2016 kl. 03:37]

"Hafna skal hernaðaruppbyggingu í Norður-Atlantshafi og Íshafinu."

"Stuðla skal að stórauknu samstarfi með nágrannaþjóðum okkar þegar kemur að eftirliti með landhelgi, lofthelgi og efnahagslögsögu, sem og björgunarstörfum á Norður-Atlantshafinu og Íshafinu."

Varnarmál - Píratar

[Þorsteinn Briem, 10.2.2016 kl. 04:06]

"Ísland og Noregur undirrituðu í apríl 2007 tvíhliða rammasamkomulag um samstarf á sviði öryggismála, varnarmála, viðbúnaðar og leitar og björgunar.

Þann sama dag undirrituðu Ísland og Danmörk yfirlýsingu um samstarf ríkjanna um öryggis- og varnarmál og almannavarnir. Í samkomulaginu og yfirlýsingunni er vísað til aðildar Íslands, Noregs og Danmerkur að NATO og þeirra skuldbindinga sem af því leiða.

Tilgangur samkomulagsins og yfirlýsingarinnar er að staðfesta sameiginlega hagsmuni og framtíðarsýn ríkjanna varðandi öryggismál á Norður-Atlantshafi. Unnið er að útfærslu einstakra verkefna. Ísland gengur til þessa samstarfs með það að markmiði að leggja sitt af mörkum til sameiginlegs öryggis, eins og aðrar þjóðir."

• Samkomulag á milli Íslands og Noregs

• Yfirlýsing Íslands og Danmerkur

• Samkomulag á milli Bretlands og Íslands um varnarsamstarf

[Elín Sigurðardóttir (IP-tala skráð) 10.2.2016 kl. 09:44]

Hernaðarsinnar þykjast standa vörð um vestræna samvinnu.  Þeir kalla þá útlendingahatara og þjóðrembinga sem vilja eiga friðsamleg samskipti við umheiminn og vara við stríðsrekstri og flóttamannaframleiðslu sem þessi vestræna samvinna gengur út á.  Píratar vilja bara rétt verð fyrir öll ósköpin?  Til hvers á fólk að kjósa? 

[immalimm (IP-tala skráð) 11.2.2016 kl. 00:06]

Steini stóð á ströndu og var að ræpa Briem

Briem var ekki ræpað nema Steini ræpti Briem.

Ein ræpir Steini Briem,

Tví ræpir.....

[S. Breik (IP-tala skráð) 11.2.2016 kl. 11:15]

Steini gæti svarað svona, alltaf málefnalegir nafnlausu aumingjar.....