Vettvangur karla og kvenna.

Oft er fjör í Eyjum þegar fiskast þar.

Þar flaka og flaka

flestar stúlkurnar

en sjómenn þeir sækja

fiskinn út á haf...

 

Einhvern veginn svona minnir mig að vinsæll söngtexti frá Vestmannaeyjum hafi hljómað hér um árið, og miðað við hann og fleiri um lífið í Vestmannaeyjum hefur verkaskipting kynjanna verið í nokkuð föstum skorðum þar frá landnámi, en nýjustu rannsóknir benda til að byggð hafi hafist í Eyjum fyrir 1200 árum.

Hvergi er að sjá í sungnum heimildum að konum sé ætlað að ryðjast inn á þann karlavettvang Árna Johnsens, Páls Óskars, Hreims og Bubba að semja og flytja lög og texta, og miðað við 1200 ára gamla hefð er sennilega nokkur bjartsýni fólgin í því að aðeins taki 39 ár að breyta því og hleypa konum að.

Og ef marka má fleyg sunnlensk ummæli um það, hvar staður konunnar sé, sést að sá staður er ekki sérlega heppilegur fyrir söng og hljóðfæraslátt.   

Ég var í sveit eitt sumar á Suðurlandi á bökkum Þjórsár, þar sem menn veiddu ekki aðeins fisk, heldur líka seli. Allt í föstum skorðum. Sunnlensk hefðir virðast gamalgrónar, jafnt í Eyjum sem í landi.

 

Karlar eiga að semja og leika og syngja tónagnótt

sigla um hafið og á landi rota selina.

En konur eiga að forðast söng og fara hægt og hljótt

í frystihúsinu og bak við eldavélina.  

Þurfa konur að bíða til 2039?

Athugasemdir

[Þorsteinn Briem, 26.2.2016 kl. 05:19]

Blautan gaf hann kúnum koss,
kristilegt ei þeirra hnoss,
öll þá sunnlensk hlógu hross,
hann er þungur Guðna kross.

[Halldór (IP-tala skráð) 26.2.2016 kl. 11:10]

Ég verð að segja að ég er ánægður með þetta ágtæa fólk í eyjum að hlusta ekki á þetta væl, það er alveg undir þeim sjálfum komið að velja hver semur fyrir þau eyjahátíðarlag.

Þetta er óttaleg kvenremba, hroki og hræsni á háu stigi að ætlast til þess að allir hoppi til og breyti öllu sínu til þess eins að þóknast þessu væli, það er miklu betra að velja viðkomandi lagahöfund út frá getu heldur en einhvern einstakling út frá kyni, sem notabene er verið að ætlast til að sé gert.

Ef þessir kvenmenn eru ekki sáttir með þetta þá er enginn að stoppa þær í að vera með sína eigin skemmtun þar sem þær ráða sjálfar hver semur og flytur lög þar.

Ekki sá ég mikið væl frá þeim þó að meirihluti þeirra sem voru í úrslitakeppninni voru kvenmenn og að það skuli bara hafa verið kvemenn sem voru í lokabaráttunni þarna undir lokin, samkvæmt þeim þá hefði átt að vera 1 karlkyns flytjandi og 1 kvenkyns flytjandi þarna í blá lokin ekki satt, óhað því hversu gott lag um var að ræða?

Þessi endalausi rétttrúnaður hjá þessu liði er orðinn rosalega þreyttur...

[Þorsteinn Briem, 26.2.2016 kl. 11:27]

Greinilega má ekki minnast á þetta atriði og furða sig á því án þess að enn einn nafnleysinginn verði sér til skammar.

Þetta hefur ekkert með einhvern "rétttrúnað" að gera, "Halldór".

Hvert er hlutfall karla og kvenna í þessu máli og er það ekkert einkennilegt?!

[Þorsteinn Briem, 26.2.2016 kl. 12:13]

Að sjálfsögðu á að reyna að veita konum og körlum jöfn tækifæri í lífinu.

Hefur einhver á móti því?!

Það hefur ekkert með einhvern "rétttrúnað" að gera.

Og eðlilegt að menn velji konu til að gera eitthvað sem karlar hafa nær alltaf verið valdir til að gera.

Konur eru að sjálfsögðu ekkert verri í því að semja lög og texta en karlar eingöngu vegna þess að þær eru konur, eða öfugt.

Eða hommar verri en gagnkynhneigðir eingöngu vegna þess að þeir eru hommar.

Konur geta hins vegar sjálfar valið að semja lög og texta ef þær hafa áhuga á því.

[Ómar Bjarki Kristjánsson, 26.2.2016 kl. 13:22]

Þetta er sláandi og vestmannaeyingum til skammar.

En talandi um Vestmanna, konur og tónlist, að þá segir annar tvíburabróðirinn frá Vestmannaeyjum, að amma og ömmusystir Ása í bæ hafi spilað á gítar og sungið.  (Eg skal ekki meta sannleiksgildið en mér finnst ummæli hans merkileg.

Talandi um Ása, - að þá er hann einn merkilegasti tónlistamaður Íslands, finnst mér.  Það var svo mikið pönk í honum.  Eins og hann væri einhvernvegin á undan sinni samtíð.  Og ér ekki sammála því að hann hafi spilað illa á gítar.  Spilaði nefnilega vel.  Einfalt og beint frá hjartanu.  (En taka ber eftir hve mikil karlremba er í textanum í kraftmiklu laginu og kraftmiklum flutningi Ása.  Var sillingur þessi maður, að mínu mati.)

https://www.youtube.com/watch?v=V1D61iffNUI

[Ragna Birgisdóttir, 26.2.2016 kl. 14:22]

Gréta Salóme færi nú létt með að semja eitt þjóðhátíðarlag  :)