Ný ormagryfja. Öldurnar verða varla lægðar.

Atburðarás þrungin tilfinningum og óróa í stjórnarflokkunum mun varla stöðvast núna, heldur er alveg óunnið úr þeim vandamálum sem skapast hafa í ólgusjó farsakenndra og dramatískra viðburða síðustu daga.

Á báðum sjónvarpsstöðvunum í kvöld kraumaði áfram sú óánægja og óróleiki sem hefur verið alls ráðandi undanfarna daga, allt frá því að Karl Garðarsson virtist gráti nær yfir því eftir sneypufor SDG á vit forseta Íslands, að forsætisráðherrann hefði anað í pólitíska feigðarför til Bessastaða án þess að tala við þingflokkinn fyrst.

Þá þegar blossaði mikil óánægja upp innan Framsóknarflokksins yfir hrokafullri gagnsókn forsætisráðherrans sem ætlaði sér ekki að hverfa úr stólnum nema að rjúfa ella þing og veifa þingrofshótun framan í allt og alla til að beygja undir vilja sinn.

Nú virðist Sigmundur Davíð til alls líklegur ef miðað má við komandi gagnsókn hans, sem hann boðaði á Stöð 2 í kvöld gegn þeim, sem hann ætlaði að valta yfir, báða þingflokkana og forseta Íslands í ofanálag, og ungu þingmennirnir í báðu stjórnarflokkunum eru sáróánægðir með það hvernig á að spasla yfir brestina í stjórnarliðinu.

Unga fólkið í flokkunum vill hreinsa betur til, helst að halda kosningar sem fyrst, eða að minnsta kosti að víkja formanni og varaformanni Sjallanna til hliðar og því aflandsfélagaóværuna af ríkisstjórninni.

Fróðlegt verður líka að sjá hvort Sigmundi Davíð verður vært á formannsstóli í Framsóknarflokknum.

Framsóknarmenn hafa áður vikið fyrirferðarmiklum formanni frá, sjálfum mesta áhrifavaldi í íslenskum stjórnmálum á síðustu öld, Jónasi Jónssyni frá Hriflu, sem þrátt fyrir formannssstól sinn var haldið utan við ríkisstjórn allt frá 1931 vegna persónulegra bresta hans.

Varð Jónas þó ekki heimsfrægur að endemum eins og núverandi formaður.

Vænir áhrifamenn innan Sjálfstæðisflokksins um eiginhagsmunasemi

Athugasemdir

[Ragna Birgisdóttir, 7.4.2016 kl. 23:12]

Þegar að ráðist er á rottur snúa þær sé við og hefja gagnárás.

[Þorsteinn Briem, 7.4.2016 kl. 23:47]

Simmi hefur sauði rægt,
sjalla fjandinn hirði,
enginn hefur öldur lægt,
ekki messu virði.

[Jón Steinar Ragnarsson, 8.4.2016 kl. 00:35]

Það er rétt að á báðum sjónvarpstöðvum kraumaði óánægan og reiðin,menda báðar sjónvarpstöðvar einsettar í að halda þessu lifandi, við dvínandi áhuga almennings. Þetta er dagskipunin a þessum vinnustöðum. Önnur fyrir evrókratana uppi í háskóla og him fyrir útrás í hefndarhug.

Að þetta sé viðtækara utan nokkurra lopatrefla í 101 er svo aftur óskhyggja þín. Kannski vegna þess að þú hefur kuta að brýna í stjórnarskrármálinu sem þú hefur enn ekki skilið að er sama mál og evröpusambandsumsóknin.

Hvað veit ég annars. Skoðanir þínar og viska eru svo víðtækar að það er varla ekki nokkuð undir sölinni sem þú lötur ógert að tjá þig um og vera serfræðingur í. ;)

[hilmar jónsson, 8.4.2016 kl. 00:46]

Jón, þú ættir að fá einhvern til þess að þýða á Íslenski þessa ( væntanlegau snilld þína ) þannig að við hin dauðlegu getum notið líka.

[bugur (IP-tala skráð) 8.4.2016 kl. 00:58]

" allt frá því að Karl Garðarsson virtist gráti nær"?

Pólitíkusar eru þeir sem segjast bera hag sem flestra fyrir brjósti.

Nú er búið að afhjúpa ansi marga. Viðkvæði þeirra er að þessi aflandsbix hafi reyndar hvorki verið eitt né neitt.

Ef ekki misskilningur sem einn dollari gat reddað, þá bara svona dautt félag í skattaskjóli, sem virkaði ekki sem skyldi.

Málið dautt.

ps: Jón Steinar er fáviti

[Elín Sigurðardóttir (IP-tala skráð) 8.4.2016 kl. 08:18]

Þetta er rétt hjá Jóni Steinari.  Þetta er lélegt leikrit í besta falli.  Lilja Mósesdóttir er búin að afhjúpa stjórnmálamennina og Kristján Guy Burgess er nú búinn að afhjúpa fréttamennina.  Áfram böðlast Ómar í farsanum.  Það er sérstakt.

[Ragna Birgisdóttir, 8.4.2016 kl. 08:30]

Að eiga peninga í skattaskjólum er í lagi segir Jón Steinar Gunnlaugsson lögfræðingur besti vinur Davíðs Oddssonar.Fleiri lögmenn eins og Brynjar Níelsson tala sífellt niður til fólks sem eru að benda á að siðferði í stjórnmálum eigi að vera í lagi. Lögin eru semsagt ofar því sem flest samfélög eru að reyna að hafa í stjórnkerfi. Fleiri stjórnarliðar tala svona og það segir manni bara eitt að það fólk er ekki að átta sig á að mótmælin sem hér eru á landinu snúast um SIÐFERÐI og AUÐM'YKT.Völdin,peningar og græðgin eru ofar öllu.

[Elín Sigurðardóttir (IP-tala skráð) 8.4.2016 kl. 08:44]

Stjórnarandstaðan er reyndar sammála Jóni Steinari og Davíð og fréttamenn líka samkvæmt nýjustu fréttum.  Eftir stendur að þetta er enn eitt eineltistilfellið á vinstri kantinum.  Þetta pakk ætti að vinna pínulítið meira í sínu siðferði.

[Ómar Bjarki Kristjánsson, 8.4.2016 kl. 10:42]

Framsjallar og þjóðrembingar gjörsamlega með allt niðurum sig.

En að þeir biðji þjóðina afsökunnar og skammist sín?  Nei.

Algjörlega siðlaust.