Engin stjórnarskrárákvæði um hámarksaldur forseta.

Í stjórnarskránni er ákvæði um lágmarksaldur forseta Íslands. Sá tilgreindi aldur er að mínu mati of hár. Hins vegar er ekkert ákvæði um hámarksaldur.

Bernie Sanders hefur hrifið ungt fólk í Bandaríkjunum til að styðja hann í því að hann verði næsti forseti Bandaríkjanna, kominn vel á áttræðisaldur.

John McCaine var líka vel við aldur fyrir átta árum í sínu forsetaframboði og er enn býsna ern.

Winston Churchill var 71. árs í stríðslok og fluttist á ný inn í Downingsstræti 10 1951, þá orðinn 77 ára gamall, án þess að talað væri um að það hús væri orðið að elliheimili.

Konrad Adenauer stjórnaði Vestur-Þýskalands af röggsemi til 87 ára aldurs og var að vísu kallaður "der alte" eða "sá gamli" án þess að vera talinn óhæfur til hins krefjandi starfs síns vegna elli.

Þvert á móti var hann með merkustu stjórnmálamönnum 20. aldarinnar, og arftakinn, Ludwig Erhard, sem var 19 árum yngri, var að vísu snjall efnahagsráðherra, en mislukkaður kanslari.

Ég tel að næsti forseti Íslands eigi að vera í orði og æði maður 21. aldarinnar, maður viðfangsefna Íslendinga og mannkyns alls á þessari öld.

Í því efni skiptir líkamlegur aldur ekki öllu máli, heldur hugsun og gerðir.

Ákvæði um hámarkslengd setu í embætti, til dæmis 12 ár, eru nauðsynleg, enda í stjórnarskrám fjölmargra landa, því að mannval er nóg og enginn er ómissandi.

Ef fram er kominn frambjóðandi með skýra, frjóa, skapandi og nútímalega sýn í þágu þeirra, sem eiga að taka við firnastórum verkefnum komandi áratuga, á að hleypa honum að á þeim forsendum.  

Ólafur geri grein fyrir eignum

Athugasemdir

[Þorsteinn Briem, 25.4.2016 kl. 14:35]

5.4.2016:

Sigmundur Davíð er fertugur maður sem á ekki neitt - Pabbi

[Einar Haukur Sigurjónsson, 25.4.2016 kl. 14:53]

Ég er svo sammála þér! 35 ára aldur er mjög hár aldur. Það eru til mjög margir mjög andlega þroskaðir, vel menntaðir bæði í námi, einkakennslu og reynslu sem eru yngri en 35 ára. Hinsvegar viðurkenni ég að ekki allir undir 35 ára aldri fygljast með eða nota kosningarétt sinn. Vinir mínir myndu ekki einusinni kjósa ef ég myndi ekki segja þeim að "kjósa ákveðið". Enda hafa þeir engan áhuga á stjórnmálum.
Ég er líka svo sammála þér því að það eigi að takmarka forseta-sæti niður í 3 tímabil. Eða 12 ár. Hvort þau megi þá misnota sér þá stöðu eins og Vladimir Putin gerir, það er að segja setja "Mann í stól" í 4 ár og sest svo sjálfur aftur í forseta stól eigi að vera löglegt til að "Tryggja að heimurinn horfir á Rússland sem lýðveldi". Ég er ekki viss um að ég hafi skoðun á því. Afþví það er hægt að misnota það, eins og Putin gerir. Hvort 3 kjörtímabil eigi að vera ævilangt eða bara 3 kjörtímabil svo pása og aftur eigi að vera löglegt. Eins og ég segi, er ekki viss með skoðun mína á því. Vonandi hefur þú einhverja áhugaverða skoðun á því.

[B.N. (IP-tala skráð) 25.4.2016 kl. 23:02]

Verður ekki að gera sömu kröfur á þá sem eru vara forsetar eins og þeir eru sem fara með forsetavaldið í fjarveru forsetans?

Stjórnarskrá 8. gr. ,,Nú verður sæti forseta lýðveldisins laust eða hann getur ekki gegnt störfum um sinn vegna dvalar erlendis, sjúkleika eða af öðrum ástæðum, og skulu þá forsætisráðherra, forseti Alþingis og forseti hæstaréttar fara með forsetavald. Forseti Alþingis stýrir fundum þeirra. Ef ágreiningur er þeirra í milli, ræður meiri hluti.''

Baldvin Nielsen