Hættir Davíð líka við?

Í yfirlýsingu sinni segir Ólafur Ragnar Grímsson að nú séu komnir fram frambjóðendur sem hafi þekkingu og skilning á eðli forsetaembættisinsn.

Þarna er hann að vísa til Guðna og Davíðs, en það er meira líklega meira virði fyrir Guðna að fá slíkan stimpil hjá forsetanum.

Hugsanlega hefur forsetinn byrjað að hugsa á þessum nótum þegar framboð Guðna kom fram og ólgan vegna aflandsfélaganna minnkaði, eins og Ólafur nefnir raunar í yfirlýsingu sinni.

En með framboði Davíðs leit út fyrir að það hefði ráðið úrslitum, sem túlka átti sem ákveðinn sigur fyrir hann.

En fari svo að fylgi Davíðs valdi honum vonbrigðum er ómögulegt að vita, hvort hann dragi framboð sitt til baka rétt fyrir lok framboðsfrests.

Það er í raun auðveldara eftir að Ólafur Ragnar er hættur við og getur ekki snúið til baka.

Davíð getur þá látið sér nægja að það líti þannig út, að framboð hans hafi ráðið úrslitum og að hann geti sagt eins og Jón sterki í leikritinu Skugga-Sveini:  "Sáuð þið hvernig ég tók hann?" 

Ólafur Ragnar hættur við framboð

Athugasemdir

[Ragna Birgisdóttir, 9.5.2016 kl. 12:59]

Ég vil bara fá Vigdísi aftur. 

[Þorsteinn Briem, 9.5.2016 kl. 13:07]

[Þorsteinn Briem, 9.5.2016 kl. 13:13]

Guðni Th. með afgerandi forystu

[Þorsteinn Briem, 9.5.2016 kl. 13:20]

"Samkvæmt könnun MMR fengi Guðni Th. Jóhannesson 59,2% fylgi.

Ólafur Ragnar Grímsson fengi 25,3%, miðað við 52,6% í síðustu könnun MMR.

Andri Snær Magnason fengi 8,8%, miðað við 29,4% í síðustu könnun.

Davíð Oddsson, sem tilkynnti um framboð í gær, fengi 3,1%.

Halla Tómasdóttir fengi 1,7% en hafði 8,8% síðast.

Aðrir fengju samtals 1,9% en höfðu samtals 9,2% síðast."

[valli (IP-tala skráð) 9.5.2016 kl. 13:28]

Davíð Oddson setti Seðlabankann í tæknilegt gjaldþrot með því að lána stórru bönkunum 800 milljarða króna í víkjandi lán 2003-2008 sem að þeir máttu alls ekki fá samkvæmt þeirra áhættugrunni sem fjárfestingarbankar, með vitlausari innleiðingu á regluverkinu Basel 2 þá komu FME og SÍ landinu í dýpri skítt en ég veit ekki hvað og svo þykkist Davíð ætla að bjóða sig fram sem forseta 

[Agla, 9.5.2016 kl. 14:28]

Mér finnst þetta sorgarfréttir því sitjandi Forseti hefur staðið sína vakt með miklum sóma og býr yfir reynslu í embættinu sem er hugsanlega ómetanleg. 

Flest okkar trúðum á sínum tíma að Útrásin væri byggð á traustum grunni og mér finnst ómaklegt að kalla hann Klappstýru Útrásarinnar þó hann hafi gert sitt besta til að greiða fyrir Íslenskum athafnamönnum erlendis.  Flest okkar hefðum gert það sama í hans sporum  þó á eftirhrunsárunum hafi margir mér kunnugir afneytað sinni trú á Útrásarvíkingunum.  Hr Ólafur Ragnar Grímsson er maður að meiri fyrir að hafa, ólíkt mörgum, viðkennt sín mistök, sem voru reyndar mjög skiljanleg miðað við þær upplýsingar sem fyrir hendi lágu um efnhagsstöðu bankanna.

Mér finnst full ástæða til þakka honum fyrir vel unnin störf og líka fyrir að hann skuli hafa dregið framboð sitt til baka til að lægja þær ágreiningsöldur sem mynduðust með framboðsyfirlýsingu Davíðs Oddssonar.

Mér finnst líka full ástæða til að þakka frú Dorrit fyrir hennar þáttöku í lífi okkar Íslendinga.                                                                               Það hlutverk hefur varla verið auðvelt en hún vann hjörtu flestra sem henni mættu  og lagði margar lykkjur á leið sína til að vinna að hagsmunum Íslands erlendis.

Mér finnst við skulda henni afsökunarbeiðni fyrir að  fjármál foreldra hennar skuli hafa verið tengd forsetaframboði eiginmanns hennar í Íslenskum fjölmiðlum.

[Ómar Ragnarsson, 9.5.2016 kl. 15:29]

Það voru erlendir fjölmiðlar en ekki íslenskir sem byrjuðu á að fjalla um fjármál foreldra hennar.

[Agla, 9.5.2016 kl. 16:23]

Hvaða máli skiptir hverra þjóðar fjölmiðlanir voru sem byrjuðu á að fjalla um fjármál fjölskyldu  forsetafrúar Íslands?

Athygli þeirra í þessu sambandi beindist eðlilega  að Íslandi eftir sjónvarps viðtal forsætisráðherra okkar i den tid sem vakti réttilega mikla athygli víða um heim.

Af einhverri ástæðu gripu Íslenskir fjölmiðlar svo ´frétta gæsina´ um fjármál  Moussaieff fjölskyldunnar  fegins hendi.

Ég er þeirrar skoðunar að fjármál forelda Dorritar Mousaieff sem eru ekki skattskyld á Íslandi komi okkur  akkúrat ekkert við og mér finnst fáránlegt að sumir skuli að því er viðist telja þau skipta Íslenska kjósendur máli.