Sérkennilegur spuni og afneitun.

Sigmundur Davíð Gunnlaugsson virðist vera kominn galvaskur til leiks í íslenskum stjórnmálum ef marka má digurbarkalegar yfirlýsingar hans bæði á Sprengisandi í morgun á Eyjunni í dag og þessar yfirlýsingar í báðum þáttunum gerðar upp í heild.

Hann sér ekki eftir neinu nema því að hafa verið of barnalega saklaus þegar hann hafi verið leiddur í lævíslega gildru í sjónvarpsviðtalinu fræga 11. mars.

Hann sakar forseta Íslands um að hafa rofið trúnað trúnað við sig varðandi einkaviðtal þeirra á Bessastöðum og að koma í bakið á sér með því að halda strax dæmalausan blaðamannafund, sem hefði átt að vera liður í leikfléttu forsetans sem miðaði að því að tryggja forsetanum setu í embætti í eitt kjörtímabil enn, hugsanlega með því að hann skipaði sjálfur sérstaka starfstjórn! 

Þessar spuni Sigmundar eru þvert á álit flestra, sem sjá ekki betur en að forsetinn hafi þvert á móti lagt sitt af mörkum til þess að Sjallar og Framsókn gætu haldið áfram stjórnarsamstarfi.

Svo blindur virðist SDG enn á Bessastaðaför sína að honum finnst eftir á ekkert athugavert við það að hann hafi "ítrekað" krafið forsetann um að lofa sér því fyrirfram að veita honum samþykki til þingrofs síðar.

Því lýsti forsetinn strax réttilega sem kröfu um að SDG gæti notað slíkt loforð sem svipu á samstarfsflokkinn í pólitískum aflraunum, en svo blindur er Sigmundur enn, að hann sér ekkert athugavert við þessa beiðni sína.

Sigmundur virðist vera í mikilli afneitun, ætlar að fara um landið og undirbúa áframhaldandi setu í embætti formanns og stefna að því að verða forsætisráðherra á ný!

 

Snýr Sigmundur aftur með skegg?

Athugasemdir

[Hilmar (IP-tala skráð) 22.5.2016 kl. 21:59]

Ómar, varst þú á fundi Sigmundar og Ólafs Ragnars?

Nei, ég hélt ekki. Þú ert því ekki dómbær um það sem þeim fór á milli, og allar getgátur þínar eru því algerlega út í loftið, og virðast einna helst ráðast af heift og hatri þínu á Sigmundi.

[Eiður Guðnason (IP-tala skráð) 22.5.2016 kl. 22:29]

Allt staðfestir þetta að SDG var ekki með sjálfum sêr, ekki í heimi veruleikans à fundinum ā Bessatöðum.

[Þorsteinn Briem, 22.5.2016 kl. 23:20]

Taðskegglingur tókst á loft,
týndi sínu viti,
með sjálfum sér er ekki oft,
of stór reynist biti.

[Húsari. (IP-tala skráð) 22.5.2016 kl. 23:22]

Sæll Ómar.

Öll skilyrði þingrofs voru fyrir hendi;
Framsóknarflokkur, VG og Björt framtíð = 35 þingmenn.

Það eru einstaklega óheiðarleg vinnubrögð að gefa til kynna
að menn séu ekki í því jafnvægi að geta tekið skynsamlegar
ákvarðanir.Sagan geymir skammarleg tilvik af því tagi.

Þessar eru staðreyndir máls og óendanleg lágkúra að
gefa eitthvað annað til kynna en skiljanlegt að
Samfylking hafi ekki haft áhuga fyrir kosningum eftir
algert fylgishrun.

[Ómar Ragnarsson, 23.5.2016 kl. 00:15]

Ég er ekki með getgátur heldur atriði, sem Ólafi Ragnari og Sigmundi ber saman um. Sigmundur er með getgátur um pólitíska fléttu, sem hefði átt að skola forsetanum inn í embættið áfram og sagði berum orðum í viðtalinu á Eyjunni að forsetinn hefði ekki verið í jafnvægi.

[Elín Sigurðardóttir (IP-tala skráð) 23.5.2016 kl. 08:22]

Það er óheiðarlegt af Sigmundi að tala um geðshræringu Ólafs þegar hann gerði ekki annað en að færa fólki fregnir af skyndifundi sem Sigmundur hafði sjálfur séð um að auglýsa.  Húsari getur huggað sig við það að óheiðarleikinn er ekki bundinn við Sigmund einan.  Þetta eru ESB dindlar upp til hópa eins og þessi Lilja sem enginn kaus.  Þetta eru smákóngar án umboðs.  Allt tal um kosningar er einstaklega ógeðfellt framsóknargrín.  Þeir sérhæfa sig í lágkúrunni þessa dagana. 

[Elín Sigurðardóttir (IP-tala skráð) 23.5.2016 kl. 08:59]

Hér er hlutleysi RÚV í hnotskurn.  Stjórnarmaður RÚV hreinlega "hvæsir" þegar mönnum verður það á að tjá sig ekki í samræmi við pólitíska rétttrúnaðinn.  Af hverju í ósköpunum ber mér að halda þessari heilaþvottastöð uppi?             

http://www.mbl.is/frettir/innlent/2016/05/22/astthor_kaerir_laru_honnu_3/

[Ómar Bjarki Kristjánsson, 23.5.2016 kl. 10:59]

Þetta á samt ekki eftir að virka hjá SDG.  Það hljóta flestir að vera búnir að sjá í gegnum öll PR- og própagandatrikk Sigmundar og topp-framsóknarmanna.

Það er enginn trúverðugleiki í þessu meir hjá þeim.

Þessi taktík SDG og framsóknar virkaði kannski allt í lagi fyrir nokkrum árum, - en allt hefur sinn tíma.  Þetta virkar alls ekki núna 2016.  Er bara kjánalegt 2016.

Auk þess er SDG farinn að virka soldið eins og stjórnmálamaðurinn í kvikmyndinni Dalalíf hér um árið.

Þetta tal SDG hefur engan megin trúverðugleika meir.  Kannski sirka 5-8% harðkjarnalið sem styður hann áfram en alveg búið breiddarlega séð.  Höfðar ekki til neinnar breiddar lengur.

[Elín Sigurðardóttir (IP-tala skráð) 23.5.2016 kl. 12:48]

Stjórnmálamenn höfða ekki til neinnar breiddar enda eru þeir þarna fyrir sjálfa sig.  Björn Bjarnason, Sigmundur Davíð, Lilja þessi og svo hvæsandi fígúrur eins og Lára Hanna.

http://vardberg.is/frettir/ahugi-a-oryggissamstarfi-vid-island-vex-innan-nato-vegna-yfirgangs-russa/