Óvenju margbreytileg fjöldamorð í fréttunum.

Þetta vor og sumar, fjórir mánuðir, hafa verið tímabil frétta og fréttaflutnings af margvíslegum fjöldamorðum austan hafs og vestan meðal vestrænna lýðræðisþjóða hvað snertir aðstæður og hvatir árásarmanna.

Árásin í Brussel var hrein árás öfgafullra múslima, tengdum ISIS, og að því leyti til hliðstæð árás Breiviks í Osló á sínum tíma, sem verið var að fjalla um fyrir tveimur dögum vegna fimm ára afmælis hennar, að um var að ræða öfgafullar skoðanir morðingjans, annars vegar trúarlegar í Nice og hins vegar þjóðernislegar í Oslól.

Árásin í Nice var framin af ofstopafullum og þunglyndum smákrimma sem gerðist öfgamúslimi á nokkrum vikum og notaði stóran flutningabíl í stað skotvopna, þótt hann hefði þau meðferðis.

Síðan kemur árásin í Munchen, framin af kornungum þunglyndissjúklingi, sem er hugstola vegna áhuga á skotvopnum og manndrápum.

Þetta nýjasta fjöldamorð virðist keimlíkt 150 manna fjöldamorði í fyrra, sem þunglyndissjúkur flugmaður framdi með því að loka sig inn i stjórnklefa farþegaþotu og stýra henni á fjall.

Í öllum ofangreindum tilfellum, nema í morði Breiviks, er um sjálfsmorðsárásir að ræða.

Fyrir nokkrum dögum var gerð skæð hnífaárás í Þýskalandi, þannig að árásin í gærkvöldi er þriðja árásin i Evrópu á átta dögum.

Í Bandaríkjunum ollu dráp hvítra lögreglumanna á blökkumönnum ólgu og í framhaldinu komu fjöldamorðárásir svartra á lögreglumenn,

Ekkert lát virðist vera á þessari bylgju sem ríður yfir Evrópu og Norður-Ameríku, en fjær okkur, í Tyrklandi og í Asíu og Afríku, eru framin illvirki af svipuðu tagi, sem snerta Vesturlandabúa mun minna vegna fjarlægðarinnar og þess takmarks vestræns lýðræðis að skapa borgurunum öryggi og frið jafnframt frelsi og mannréttindum.  

Var með skotárásir „á heilanum“

Athugasemdir

[Elín Sigurðardóttir (IP-tala skráð) 23.7.2016 kl. 13:03]

Já, þetta er svo sannarlega sitt lítið af hverju. 

[Jósef Smári Ásmundsson, 23.7.2016 kl. 13:09]

Það kom frétt um það á NRK í dag að mögulega hafi morðinginn í Munchen verið að líkja eftir Breivik. Myndbandsupptaka sem tekin var á staðnum bendir til tengsla við hægri öfgamenn.

[Elín Sigurðardóttir (IP-tala skráð) 23.7.2016 kl. 13:29]

Ég held að hann hafi verið innblásinn af íslenskum framsóknarmanni, andsetinn nánast.

[Haukur Kristinsson (IP-tala skráð) 23.7.2016 kl. 13:44]

Meinlaus athugasemd Ómar. Þú talar um "afmæli" hryðjuverks Breiviks. Væri ekki nær að segja að 5 ár séu liðin?

[Hörður Þormar (IP-tala skráð) 23.7.2016 kl. 14:59]

Hafa ber í huga að ofbeldisverk geta verið smitandi. Sjálfsmorð geta líka verið smitandi.