"Eruð þið aldrei ánægðir", júlí og ágúst á toppnum?

Þegar Raggi Bjarna stóð að baki sviðstjaldinu með alla hljómsveitina og skemmtikraftana í Sumargleðinni tilbúna fyrir það augnablik að tjaldið yrði dregið frá og enn ein skemmtunin fyrir troðfullu húsi hæfist, færðist óborganlegur hálkærings gallarasvipur yfir andlit hans þegar hann sagði við okkur: "Eruð þið aldrei ánægðir?" 

Aðsóknin þetta ár var eitthvað sem átti ekki að vera mögulegt, það var fullt út úr dyrum hvaða vikudag sem var og þessi orð Ragnars því aðeins skemmtileg öfugmæli næst á undan hinu klassíska herópi í upphafiinu: "Let´s go, give it to them!" 

Veðrið í sumar hefur svolítið minnt á þetta. 

Á sama tíma, sem sjá hefur mátt sjá á veðurkortunum endalausar lægðir vaða yfir Atlantshafið fyrir sunnan Ísland og bera hvassan vind og stórrigningar yfir Evrópu, höfum við Íslendingar notið einmuna veðurblíðu með sáralitlum vindi og sólskini dag eftir dag. 

Það væri því alveg viðeigandi, ef hringt er í veðurstofuna með þá spurningu hvort sumarið sé búið, af því að það kemur smá strekkingur með einhverri vætu, að veðurfræðigurinn spyrði á móti: "Erið þið aldrei ánægð?"

Rétt er að minna á í því sambandi að meðalhitiinn í ágúst er 1,3 stigum hærri í ágúst en í júní hér á landi og munar aðeins broti úr stigi á meðalhita ágústs og júlí. 

Ef sumarmánuðunum í Reykjavík er raðað eftir meðalhitanum, er röðin þessi: 

1. Júlí 10.6

2. Ágúst 10,3 

3. Júní 9,0

4. September 7,4

5. Maí 6,3 

Sem sagt: Varla marktækur munur á júlí og ágúst, sem tróna á toppnum. 

Sumarið er „alls ekki búið“

Athugasemdir

[Þorsteinn Briem, 11.8.2016 kl. 08:13]

Framsóknarflokknum er alltaf skítkalt.

Stór hluti flokksins varð úti á milli bæjar og fjárhúss.