Stjórnmál eru list hins mögulega og að forðast hið ómögulega.

Víst væri að vissu leyti ágætt á pappírnum að þingkosningar verði eftir sex vikur, í septemberlok, svo að nægur tími gæfist til að negla niður ríkisstjórn og klára fjárlögin. 

En þessi tillaga Vigdísar er andvana fædd, því að þetta gengur ekki upp í framkvæmd.

Flokkarnir eru búnir að gera sínar áætlanir um aðdraganda kosninga í októberlok og samkvæmt því er enginn tími til að klára þær áætlanir fyrir kjördag, ef nú á að fara vaða strax í kosningar. 

Tvívegis áður, að minnsta kosti, 1942 og 1959, hafa verið kosningar í október þegar samgöngur og aðrar aðstæður voru miklu lakari en nú er, og þegar stjórnarsamstarf þriggja flokka rofnaði í september 1979, voru haldnar kosningar í desember, - styttri gat aðdragandinn ekki verið.   

„Þessari störukeppni verður að ljúka“

Athugasemdir

[Þorsteinn Briem, 13.8.2016 kl. 21:09]

"... mik­ill upp­gangs­tími á þessu kjör­tíma­bili, virki­lega góð verk hafa verið unn­in ..."

Hvar er afnám verðtryggingar?

Hvar er vaxtalækkunin?

Hvar er afnám gjaldeyrishafta?

Hvar er lækkunin á bensíngjaldinu?

Hvar eru álverin á Húsavík og í Helguvík?

Hvar er hækkunin á öllum bótum öryrkja og aldraðra?

Hvar er áburðarverksmiðja Framsóknarflokksins?

Hvar er þetta og hitt?

Ég er viss um að það var hér allt í gær.

[Þorsteinn Briem, 13.8.2016 kl. 21:14]

Sjálfstæðisflokkurinn og Framsóknarflokkurinn gapa nú mjög um hagvöxt hér á Íslandi síðastliðin ár en útflutningur á þjónustu hefur skapað þann hagvöxt.

Framsóknarflokkurinn og Sjálfstæðisflokkurinn hafa ekkert gert til að skapa þennan hagvöxt, heldur þvert á móti gapað af mikilli lítilsvirðingu um ferðaþjónustu hér á Íslandi.

[Þorsteinn Briem, 13.8.2016 kl. 21:15]

Fylgi Framsóknarflokksins nú 11% og flokkurinn reynir með plottum að halda í þá fáu sem eftir eru.

Samkvæmt skoðanakönnunum fengi flokkurinn sjö þingmenn, engan í Reykjavík, einn í Suðvestur- og Suðurkjördæmi, og fimm í rollukjördæmunum, þar af tvo í Norðvestur- og þrjá í Norðausturkjördæmi.

Og af þessum sjö er meirihlutinn nú ráðherrar.

Steini Briem, 20.12.2014

[Þorsteinn Briem, 13.8.2016 kl. 21:16]

25.7.2016:

Píratar mælast með 26,8% fylgi og Sjálfstæðisflokkurinn 24% í nýrri skoðanakönnun MMR.

Vinstri græn mælast með 12,9% fylgi og Viðreisn 9,4%.

Samfylkingin mælist með 8,4% og Framsóknarflokkurinn 8,3%.

[Steindór Sigurðsson, 13.8.2016 kl. 22:29]

Ég er sammála því að ljúka þessari þriggja og háfs árs störukeppni.

En svo er allt annað mál og það er að sennilega fáum við bara áframhaldandi störukeppni.

[Haukur Kristinsson (IP-tala skráð) 13.8.2016 kl. 23:03]

Íslendingar drulluðu upp á bak í kjörklefanum 2013 með þeim afleiðingum að tveimur vanhæfum silfurskeiðungum var falin stjórnarmyndun. Báðir lögbrjótar, skattsvikarar, með auðæfi falin á aflandseyjum. Þetta gengur auðvitað ekki. Nú, ef innbyggjar geta ekki betur, verðum við einfaldlega að fá útlendinga til að sjá um draslið. "Outsourcing" heitir það.