Smáflokkalandslag.

Ég man þá tíð þegar Þjóðviljinn sálugi kallaði Alþýðuflokkinn "pínulitla flokkinn". Samt hafði Alþýðuflokkurinn aldrei minna en 15 prósenta fylgi á þessum áratugum um miðja síðustu öld, þegar Sjálfstæðisflokkurinn var með um eða yfir 40% fylgi.

Framsóknarflokkurinn var með álíka mikið fylgi og Sjálfstæðisflokkur og Píratar hafa nú og taldist í besta falli vera meðalstór flokkur. 

Nú hefur hið pólitíska landslag breyst í smáflokkalandslag, þar sem aðeins tveir flokkar geta talist meðalstórir, en aðrir flokkar eru smáflokkar eða jafnvel örflokkar eins og Björt framtíð er orðin. 

Píratar með mest fylgi

Athugasemdir

[Þorsteinn Briem, 8.9.2016 kl. 08:15]

Píratar og Sjálfstæðisflokkurinn eru að sjálfsögðu ekki smáflokkar, hvor með um 30% fylgi, og myndu heldur ekki teljast smáflokkar erlendis.

Í dag:

"Píratar og Sjálfstæðisflokkurinn mælast með mest fylgi í nýrri skoðanakönnun Fréttablaðsins 6. og 7. september.

Píratar mælast nú með 29,5% fylgi sem er örlítið meira en í síðustu könnun blaðsins en þá mældust þeir með 28,7%.

Sjálf­stæðis­flokk­ur­inn fengi 28,2% sam­kvæmt þess­ari könn­un en var með 31,5% þegar Frétta­blaðið kannaði síðast fylgi flokka 23. og 24. maí.

Munurinn milli þessara tveggja flokka er innan skekkjumarka.

Vinstri grænir tapa mestu fylgi samkvæmt könnuninni og mælast nú með 12,7% fylgi en voru í könnun blaðsins í maí með 18,1%.

Þar á eftir kemur Framsóknarflokkurinn en 10,7% segjast ætla að kjósa hann.

Samfylkingin mælist nú með 7,5% fylgi, ámóta mikið og Viðreisn sem mælist með 6,7%, en munurinn á þessum tveimur flokkum er innan skekkjumarka.

Í könnun Fréttablaðsins í maí mældist Viðreisn með 1,1% fylgi og bætir því töluverðu við sig.

2% kjósenda segjast ætla að kjósa Bjarta Framtíð, sem samkvæmt því næði ekki manni á þing.

Og 2,7% myndu kjósa aðra flokka."

[Haukur Kristinsson (IP-tala skráð) 8.9.2016 kl. 08:27]

Þessar tölu benda til þess að "sannir Íslendingar", sem Íslenska þjóðfylkingin (ÍÞ) höfðar til, munu ekki yfirgefa Íhaldið. Sjá enga ástæðu til þess, þeim líður vel hjá þar.

[Elín Sigurðardóttir (IP-tala skráð) 8.9.2016 kl. 15:03]

Þau passa orðið inn í eitt lítið bakherbergi.  Það er í rauninni ótrúlega mikið samanlagt fylgi.