Hverjir hafa verið varðhundar kennitöluflakksins?

Karl Garðarsson Alþingismaður lagði fram frumvarp um að taka í alvöru á því skaðræði sem kennitöluflakkið er, en frumvarpið féll í grýtta jörð hjá viðskiptaráðherra og Sjálfstæðisflokknum. 

Korteri fyrir kosningar segist Bjarni Benediktsson allt í einu vera andvígur kennitöluflakkinu. 

Um það gildir það sama og svo margt annað, sem lofað er þessa dagana, að það voru næg tækifæri til að aðhafast í málinu löngu fyrr, og því augljóst, að ekki er meira að marka loforðin nú en þau sem svikin voru eftir kosningarnar 2013.  

Boðar skýrslu um umfang aflandsfélaga

Athugasemdir

[Hábeinn (IP-tala skráð) 11.10.2016 kl. 00:43]

Karl Garðarsson Alþingismaður lagði fram frumvarp sem var aðallega lýðskrum, skaðlegt atvinnuvegunum og tók ekki á kennitöluflakkinu. Menn voru tregir til að leggja kvaðir, kostnað og vandræði á 1000 saklausa til að hægja lítillega á einum sekum. Það er ekki gott þegar lækningin er skaðlegri en sjúkdómurinn.

[Margrét (IP-tala skráð) 11.10.2016 kl. 07:24]

Ef fyrirtæki geta skipt um kennitölu þá ættu einstaklingar að geta skipt um kennitölu. En annars burt með þessa þjóðaríþrótt íslendinga sem kennitöluflakkið er, ekkert eðlilegt að það sé við líði.

[Jón (IP-tala skráð) 11.10.2016 kl. 12:53]

Hvernig væri að byrja á því að taka úr gildi allar þær kennitölur sem liggja í skuffum endurskoðunarfyrirtækja og lögfræðiskrifstofa um allt land !

Hvers vegna liggja þessar ónotuðu kennitölur hjá þessum fyrirtækjum  ?