Ekki mun af veita fyrir Rooney, en dugar það samt?

Sú var tíð að Manchester United átti einhvern leiknasta og litríkasta leikmanninn í sögu ensku knattspyrnunnar, George Best.

Hann var valinn besti knattspyrnumaður Evrópu 1968 og var jafnaldri Hemma Gunn.

Þegar horft er á myndskeið með bestu tilþrifum hans minna þau á Maradona og Lionel Messi. 

En hann varð snemma frægur fyrir drykkjuskap og kvennafar, var óreglusamur og sukksamur, drakk sig út úr boltanum og lést um aldur fram.

Frægt varð svar hans þegar hann var spurður, hvað hefði orðið um allan þá gríðarlegu peninga, sem hann aflaði sér sem knattspyrnumaður, og hann svaraði:

"Ég eyddi miklu í vín og konur og restin fór í einhverja bölvaða vitleysu." 

Wayne Rooney hefur verið á niðurleið og einn vegvísirinn til þess að sitja á bekknum var ömurleg frammistaða hans í leiknum fræga við Ísland á EM. 

Nú eygir hann samt möguleika á að komast á spjöld sögu ensku knattspyrnunnar með því að skora mark fyrir Manchester United og verða þar með markahæstur á útivelli. 

En meira þarf til svo að hann geti endurheimt sinn fyrri sess. 

Slær Rooney met í kvöld?

Athugasemdir

[Þorsteinn Briem, 19.10.2016 kl. 22:16]

"Davíð [Oddsson] hafði beinlínis verið varaður við Kaupþingi af erlendum kollegum sínum hálfu ári fyrir hrun.

 

Fyrir Landsdómi lýsti Sturla [Pálsson, framkvæmdastjóri markaðsviðskipta og fjárstýringar Seðlabanka Íslands], því hvernig hann hefði í febrúar 2008 farið ásamt Davíð Oddssyni, formanni bankastjórnar Seðlabankans, til London.

 

Þar hefðu þarlendir kollegar þeirra talað allt annað en rósamál um einn íslensku bankanna; Kaupþing.

 

Kaupþingsmenn væru alveg rúnir trausti. Menn treystu ekki því sem þeir sögðu á fundum með fjárfestum þegar þeir væru að kynna uppgjör sín.

 

En áhyggjurnar af hinum bönkunum líka miklar, menn litu þannig á að ef einn bankinn færi þá færu þeir allir.

 

Skilaboðin, bæði hjá fjármálakerfinu og "rating"-fyrirtækjunum, voru þau klárlega að staðan væri grafalvarleg."

[Þorsteinn Briem, 19.10.2016 kl. 22:22]

"Davíð [Oddsson] hafði beinlínis verið varaður við Kaupþingi af erlendum kollegum sínum hálfu ári fyrir hrun.

Fyrir Landsdómi lýsti Sturla [Pálsson, framkvæmdastjóri markaðsviðskipta og fjárstýringar Seðlabanka Íslands], því hvernig hann hefði í febrúar 2008 farið ásamt Davíð Oddssyni, formanni bankastjórnar Seðlabankans, til London.

Þar hefðu þarlendir kollegar þeirra talað allt annað en rósamál um einn íslensku bankanna; Kaupþing.

Kaupþingsmenn væru alveg rúnir trausti. Menn treystu ekki því sem þeir sögðu á fundum með fjárfestum þegar þeir væru að kynna uppgjör sín.

En áhyggjurnar af hinum bönkunum líka miklar, menn litu þannig á að ef einn bankinn færi þá færu þeir allir."