Íslands þúsund ár

11.11.2016 | 01:26

Hillary með fleiri atkvæði samtals en Trump?

Sjá má, að uppgefnar heildar atkvæðatölur í bandarísku forsetakosningunum séu þær að 60.274.974 hafi kosið Hillary Clinton en 59.937.338 kosið Donald Trump.

Verði lokaúrslitin hvað atkvæði snertir á þessa lund, er munurinn álíka mikill og allir íbúar Íslands, en Bandaríkjamenn eru næstum þúsund sinnum fleiri en Íslendingar, svo að þessi munur er afar lítill, innan við 0,2% samtals greiddra atkvæða í kosningunum.

Samt er Trump með afgerandi fleiri kjörmenn, en þeir ráða úrslitum.

Að svona geti gerst hefur verið galli á lýðræðinu vestra, því að þetta gerðist síðast í kosningunum árið 2000 og gæti gerst aftur og með meiri mun en nú.

Gallinn er kannski ekki endilega verstur hvað snertir það, að vera á skjön við lýðræði, heldur felst hann líka í því að frambjóðendur gera ríkjunum mismunandi hátt undir höfði og beita sér mest í þeim ríkjum, sem munurinn á fylginu er minnstur.

Hillary Clinton ætlað að nýta sér þennan galla með því að vinna sigur í ríkjum með marga kjörmenn, þar sem fylgismunurinn var minnstur, svo sem í Flórída, en sigur í slíku ríki færir sigurvegaranum ekki aðeins marga kjörmenn, heldur sviptir keppinautinn öllum þeim kjörmennum, sem hann hefði getað fengið þótt hann hefði fengið aðeins örfá fleiri atkvæði eins og gerðist í Flórída árið 2000.

Þetta snerist í höndunum á Clinton þegar Trump vann óvænta sigra í mörgum þessara ríkja, sem skoðanakannanir töldu Clinton hafa yfirhöndina í, og líklegast voru það sættir Obama við kommúnistastjórnina á Kúbu, sem urðu til þess að hinir eldri meðal flóttamanna frá Kúbu búsettra í Flórída, sneru bakinu við Demókrötum.

Bara það eitt, að þetta kosningafyrirkomulag í Bandaríkjunum skuli leiða af sér svona aðferðir stjórnmálamanna og niðurstöður á skjön við heildarfylgi, - að minnihlutinn skuli geta unnið sigur, er stór galli á framkvæmd lýðræðis vestra, sama hver í hlut á.

	Enn möguleiki fyrir andstæðinga Trumps
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Breytt s.d. kl. 01:47 | Facebook

Athugasemdir

Í fyrsta lagi, þá skiptir engu hvort hún sé með fleiri atkvæði. Bandaríki Norður Ameríku, er samband 51 fylkis. Það er hversu mörg fylki kjósa persónuna, sem skiptir máli ... ekki hvort allir í New York, Washington og HOllywood hafi kosið einhvern. Þessum miljónum hollywood bjána er guð velkomið að yfirgefa sambandið, ef þeir eru óánægðir með þetta. Canada er opið, líka Mexikó.

Vandamálið við þetta er ekki þessi þáttur, heldur það að á bak við hvert "Electorate vote", stendur persóna. Af hefð, fylgir atkvæðið meiri hluta hvers fylkis. Vandinn er sá, að þeir eru ekkert skyldugir til að fylgja þessu ...

Bjarne Örn Hansen (IP-tala skráð) 11.11.2016 kl. 07:46

Síðan skal ég segja þér annað Ómar, að styðja Georg Soros, er glæpur. Og fólkið sem gengur um götur Bandaríkjanna í dag, brennir, skemmir, lymlestir og drepur ... er fólk sem aðeins fábjáni stendur með.

Bjarne Örn Hansen (IP-tala skráð) 11.11.2016 kl. 07:55

http://yournewswire.com/trump-im-reopening-911-investigation/

Elín Sigurðardóttir (IP-tala skráð) 11.11.2016 kl. 09:08

"Af hefð, fylgir atkvæðið meiri hluta hvers fylkis. Vandinn er sá, að þeir eru ekkert skyldugir til að fylgja þessu"

Það er ætlast til þess að þeir fylgi þessu, eru það sem kallað er pledged to vote í samræmi við úrslit kosningana.

Í 29 ríkjum eru lög sem gera það refsivert að vera unfaithful elector.

stebbi (IP-tala skráð) 11.11.2016 kl. 09:16

Það er merkilegt að Rudy Guiliani, fyrrum borgarstjóri New York og stuðningsmaður Trump, vilji rannsaka árásina á tvíburaturnana nánar. Það skyldi þó ekki vera að hann líti á árásina sem stóran galla á framkvæmd lýðræðisins þar vestra?

Elín Sigurðardóttir (IP-tala skráð) 11.11.2016 kl. 10:35